ممكن تفيدوني

[شموخ رغم الجروح]

السلام عليكم ورحمه الله وبركاته
لو سمحتوا انا اول سمستر بالحاسب ونزلت لي مادة اساليب الكتابه والبحث (مهارات الكتابه ) وانا مو عارفه وش هذي المادة اوالهدف منها فلو احد يعرف عنها شي ممكن رجاء لا امر يوضحلي المادة ولكم مني خالص الشكر والتقدير

[أرنوسية]

هاذي المادة تعنى بالمهارات اللازمة لكتابة بحث علمي على أسس علمية صارمة
في هذي المادة بتبدئي تكتبي بحث حبة حبة
وفي كل مرحلة بتتعلمي الأسس المفروض تلتزمي بها
المادة ممتعة وصعبة نوعا ما
وأكيد بتاخديها مع أ/سمر الطاهر
طنشي كل الكلام اللي بيقولوه البنات عنها
وحاولي تنفذي كل كلمة تقولها الأستاذة
وتابعي معاها بحثك أول بأول
ولو تروحي تسأليها كل يوم في مكتبها يكون أحسن
عشان تتاكد إنك مجتهدة وإن البحث إنتي اللي كتباه بيدك
أنا أخذت المادة الترم الماضي وكنت أغلب الوقت عند مكتبها أسألها أناقشها أستفسر منها
والحمد لله استفدت من المادة مررررة وأخذت درجة حلوة
أي استفسار أنا معاكي

[red flower]

^

نفس الكلام


الماده تعلمك اسس كتابة البحث العلمي او الرساله العلميه
تتعلمي ادق التفاصيل في كتابة اي بحث .. من الالف الى الياء

الماده شويه متعبه ، بس مو صعبه
لكن تحتاج مجهود ومتابعه

انا اخذتها مع أ. اروى لنجاوي
وطبعا أ. اروى من اروع الاستاذات في كلية الحاسب



بالتوفيق

[pinkflawer]

المادة شويه متعبه ...........بس اهم شيء تختاري موضوع للبحث كويسحتى لاتتعبي فيه .......
.وانا أخذتها مع استاذة أروى لنجاوي وهي مت أحسن الاستاذات في الكلية

[مسلمه ويكفيني فخرا]

السلام عليكم...

طبعا نفس كلام البنات...الماده ممتعه لو اخترتي موضوع تحبيه...

بس يحتاج لها شغل اكثر من باقي المواد...لأن باقي المواد بس تحتاج منكي دراااسه

لكن هذي الماده ماتحتاج اي مذاكره...تحتاج انك تعرفي اش هي واجباتها..ومتطلباتها...

الاهم التسليييييم...لازم تهتمي بموعده..لأنها ممكن ماتقبل........

طبعا انا اخذتها مع أ.سلطانه الشمري....بجد رااااااااائعه..

كانت تشرح بالتفصيل.وماتسيب اي نقطه....وتتحمل كل الاسئله...وتجاوب عليها سواء ع طريق الايميل او في نهاية المحاضره

او في ساعاتها المكتبيه.....بجد انسانه

رااااقيه في التعامل مع بناتها.. والكل يشهدلها بأخلاقها وتعاملها ....

غير كذا..تديكي اهتمام ....ليكي وللماده....

طبعا الحمدلله انا تعبت في هذي الماااده...يعني ما اقوله انها صعبه بس يحتاج

لها اهتمام منكي...ماينفع في يوم واحد او في يومين تسوين بحث و تسلميه...!!!!

والحمدلله اخذت درجه كوويسه في هذي الماده

وانتي اكيد حتاخذيها زي ماقالوا البنات. مع أ.سمر الطاهر...انا بصراحه ما اعرف اسلوبها في هذي الماده...

بس الله يعينك معها.. ):

شدي حيلك وبالتوفيق

[شموخ رغم الجروح]

مشكورة اختي ارنوسيه الله يسعدك دنيا واخرة عالكلام اللي قلتيه وربي اعطيتيني امل بالمادة لانو انا تدرسني حاليا أ:سمر ومررة ماحد يمدحها لي وانا خاااااايفه لابعد حد على درجاتي لاتروح معاها لانو ابغى بالتسعينات مو مثل مايجيبون عندها بالسبعينات معليش تعبتك معاي ومشكورة للمرة المليون على مرورك على رسالتي

[شموخ رغم الجروح]

المشاركة الأصلية كتبت بواسطة أرنوسية هاذي المادة تعنى بالمهارات اللازمة لكتابة بحث علمي على أسس علمية صارمة في هذي المادة بتبدئي تكتبي بحث حبة حبة وفي كل مرحلة بتتعلمي الأسس المفروض تلتزمي بها المادة ممتعة وصعبة نوعا ما وأكيد بتاخديها مع أ/سمر الطاهر طنشي كل الكلام اللي بيقولوه البنات عنها وحاولي تنفذي كل كلمة تقولها الأستاذة وتابعي معاها بحثك أول بأول ولو تروحي تسأليها كل يوم في مكتبها يكون أحسن عشان تتاكد إنك مجتهدة وإن البحث إنتي اللي كتباه بيدك أنا أخذت المادة الترم الماضي وكنت أغلب الوقت عند مكتبها أسألها أناقشها أستفسر منها والحمد لله استفدت من المادة مررررة وأخذت درجة حلوة أي استفسار أنا معاكي

الله يعطيك العافيه يا ارنوسيه عالمعلومات وربي اعطيتيني امل بالمادة كنت محبطه منها لانو اخذها مع أ: سمر والكل مايمدحها وانا مرررة خايفه على معدلي ابغى اجيب بالماده في التسعينات مو بالسبعينات الكل يقولي ماتأخذي درجاات عندها ومررة صارمه من ناحيه الدرجات

[شموخ رغم الجروح]

المشاركة الأصلية كتبت بواسطة red flower ^ نفس الكلام الماده تعلمك اسس كتابة البحث العلمي او الرساله العلميه تتعلمي ادق التفاصيل في كتابة اي بحث .. من الالف الى الياء الماده شويه متعبه ، بس مو صعبه لكن تحتاج مجهود ومتابعه انا اخذتها مع أ. اروى لنجاوي وطبعا أ. اروى من اروع الاستاذات في كلية الحاسب بالتوفيق

لك مني خالص الشكرو والتقدير على مرورك ويعطيك العافيه وبالتوفيق للجميع

[شموخ رغم الجروح]

مسلمه ويكفيني فخر & pinkflawer
الله يعطيكم العافيه ويسعدكم ويوفقكم ومشكورين عالمعلومات وعلى مروركم وتقبلوا تقديري واحترامي