كلية( خليص اين) ؟

[my-nana]

السلام عليكم ورحنة الله وبركاته
كيفكم وحشتوني
اليوم وانا اتصفح منتدى كلية الآداب وجدت هالرابط
http://sak.njb.kau.edu.sa/Pages-%d8%a8%d8%b4%d8%b1%d9%89-%d8%a7%d9%81%d8%aa%d8%aa%d8%a7%d8%ad-%d8%b4%d8%b7%d8%b1-%d8%a7%d9%84%d8%b7%d8%a7%d9%84%d8%a8%d8%a7%d8%aa.a spx
ويتحدث عن كليه جديده فتحت للطالبات بمحافظة خليص وتضم تخصص لغه انجليزي
لغه + ترجمه
وصراحه راودتني الأحلام ان احول لها وادرس الترجمه خصوصا انو الكليه تابعه للجامعه فقلت استشيركم واعرف فين هي هالمحافظه وين موقعها بالتحديد
اش رايكم ؟

[nour al3mr]

وعليكم السلام و رحمة الله و بركاته

منورة =)

فتح الباب لقبول الطالبات في العام القادم إن شاء الله 1432 ـ 1433

بمعنى حاليا الترم هذهـ مابيكون في تقديم
وللسنة الجاية اتوقع تجاوزت ساعاتك المكتسبة نصف متطلبات التخرج
وهذا من عوائق التحويل

لكن اتاكدي من العمادة

اما موقعها ماعندي علم ..


ربي ييسر امورك

[my-nana]

اهلن اهلن بنور المنتدى وبركته
لا انا كنت افكر لو اسوي اعتذار هالسنه كلها واسجل بداية السنه الجايه فيها

[ام حمدان]

يالله يانانا يعني ناويه تسحبي علينا :(

والله ماعندي فكره عنها

بعدين ايش يضمنك ان نظامهم افضل من نظامنا

خليك معنا ياعسل وربي ييسرلك المتبقي لك
موفقه يارب

[RaBiGh]

خليص بين جدة ورابغ

تبعد عن جدة 90 كيلو فقط

[my-nana]

أم حمدون لساتي بالأرض مارحت المريخ
هههههههه
انا بنفس الجامعه بس جتني تهاويل احول تعليم عن بعد ومحتاره
لو تغيرت المناهج بحووول
ولو بقيت مثل ماهي ببقى
ولو إني لسى ماقررت بشكل جدي
انا ماابغى اتخذ قرار اندم عليه
ربك ييسرها

[my-nana]

المشاركة الأصلية كتبت بواسطة rabigh خليص بين جدة ورابغ تبعد عن جدة 90 كيلو فقط

جزاكـ اللـــــــــه خير

[ام حمدان]

نانا

انتي مع التقتيه علاقتهم زينه ماشالله مو مثلي ههههههه ففكره انك تحولي عن بعد افضل لو تقدري الان حولي وتوكلي على الله بتسفيدين اكثر ومناهجهم نفس مناهجنا القديمه انتراكشن

استخيري وشوفي لو لسى يمديك تحولي حولي وربي يسهل مشوارك

[i still feel ya]

اهلين يا عسل...
امس كلمت صحبتي وادتني طراطيش اخبار..
اللي عرفتو ان الجامعا شغاله من بداية الترم وبيدرسو فيها قالتلي انو بنت عمها متخرجا السنا اللي فاتت من التانوي واتقبلت مشاء الله فيها وع طول تخصص مافي تحضيري وكلام فاضي..
نفس الشي ابن خالي بس هو قدم السنا الماضيه وبرضو اتقبل ع طول تخصص..
بالنسبا لو يهمك رفاهية المكان بتقول مبنى امكن عمارا مستاجره شي زي كدا.. ملخبطا الصراحا لاني شوفت مبنين ما اعرف اية فيهم مدرسه واية الجامعه..كمان السكن لسا ما اعتقد اتبنا..
*هيا حاولت تقدم فيها بس لانو متخرجا من اكتر من 6 سنين مارضيو قبلوها هنا وهتبدا من التحضيري يعني ما بيقبلو الا الخريجين التازااا

استخيري اولا واخيرا وربنا يكتبلك اللي فيه الخير
وهقولك زي ما بتقولي صاحبتي امسكي مجنونك لا يجيلك اللي اجن منو
ماتعرفي كيف هيكون النظام والاساتزا

[التفاحه المجتهده]

حبيبتي انا من خليص تبعد عن جده 70 كم فقط للأسف مافتحوها الا لمن اتخرجت :(
على طريق خط المدينه القديم في حي الدف تحديد مخطط السلام
عباره عن مباني جديده تصميم مدارس حديثه ونموذجيه واستأجرتها الجامعه
ومافي شي اسمو تخصص على طول اول شي تدرسي مواد التحضيري زيك
زي في جده بس مسمينها اولى ادبي خطه أ تدرسي رياضيات الكا واحد .....الخ
بس الفرق بعد سنه التحضيري ماقدامك الا تخصص انجليزي إذا كنتي ادبي او علمي
وإذا كنتي علمي ماقدامك الا حاسب فقط اتمنى افدتك :)