مين بتروح وترجع من الجامعة وما عندها صديقات؟!

[يسوم طالبة عنجليزي]

صحيح ام حمدان لقيت وحده...بس ..لسا علاقتنا ترمين...اتمني تكون اخت عزيزة وصديقه..وكان الي يجمعنا العمل..واتمني كمان..نستمر بعد الجامعه ...الله يكتب الخيييييييييييييير يارب

[nidovic]

السلام عليكم ورحمة الله وبركاتو

صحيح احيانا الصداقة تفيد في الجامعة

مو حلو تروحي وتجي لحالك وماعندك احد تسألية عن حاجة معينة

او تزاكرو سوا وتشجعو بعض

انا الحمدلله عندي بنات كويسات وطيبين





بس للأسف



بعد الصدمات قررو يحولو من القسم

الي حتروح ادارة والي حتنقل علم نفس والي تاريخ


وانا حافضل وحيدة :(

منجد احبطوني والله

[الباسل3003]

ماشاء الله اللي يشوف الموضوع يقول خاص بالبنات ,, الله يهدي اخويانا طلاب الانتظام مالهم اي وجود في المنتدى ,,
-----------------------

بالنسبة لصداقة الجامعة اول ترم تعرفت على على شلة وكلنا سوى 5 و ما اذكر اني كنت لحالي يوم كامل ,,, نفس الكلاسات و مافي الا سوالف و فلة , الترم اللي بعده صارت شوفتهم اقل و بعد التخصص مابقى منهم الا واحد و الترم هذا تخرج الله يوّفقه و هانحن من جديد نعود لعالم الوحدة الله المستعان .

احاول كل ترم اتعرف على اكثر من شخص و اغلبهم عيال حلال و يستاهلون كل خير لكن في البريكات يروحون بيوتهم و وقت الكلاس دراسة يعني مافي مجال لتوطيد الصداقة اكثر و اكثر .

الصراحة تمنيت اتعرف على اكثر من صديق يقال عنه صديق مقرّب لكن ماحصل نصيب والحمدلله على كل حال , يكفيني اني عرفت ابو فيصل عن الف صديق الله يوفقه بالوظيفة الطيبة والمال الحلال .

[soo what]

انا بصراحة حسيت بهذا الوحدة في التحضيري مع اني من اول يوم اتعرفت على وحده كانت طيوبة وكان عندي صحبات في كل كلاس بس برضو احس بوحدة لانهم ماكانو قريبين من شخصيتي احس انو انا في عالم وهما في عالم تاني قعدت تقريبا سنه وانا متعذبه بس الحمدلله ربنا اداني صحبات زي العسل على قلبي يا رب يديمهم ليا ونكون دايما مع بعض

[ام حمدان]

المشاركة الأصلية كتبت بواسطة soo what انا بصراحة حسيت بهذا الوحدة في التحضيري مع اني من اول يوم اتعرفت على وحده كانت طيوبة وكان عندي صحبات في كل كلاس بس برضو احس بوحدة لانهم ماكانو قريبين من شخصيتي احس انو انا في عالم وهما في عالم تاني قعدت تقريبا سنه وانا متعذبه بس الحمدلله ربنا اداني صحبات زي العسل على قلبي يا رب يديمهم ليا ونكون دايما مع بعض

كلامك الي في السطر الاول سببه
نقطه مهمه عدم وجود
ال connection بينك وبينهم
اللي هو
اهم عنصر لبناء صداقه حقيقيه
احنا ممكن نتعرف على ناس كثير ونحبهم ويحبونا لكن برضو مانقدر نقول عنهم اصدقاء مقربين
ليه ؟
لان ممكن مايكون بيننا وبينهم امور مشتركه خاصه فالامور الجوهريه
لازم صديقتي تكون تشبهني في قيمها في عاداتها واخلاقها في ميولها وطريقة تفكيرها
طبيعي توجد اختلافات بس مو كثيره
فطبيعي راح نواجه صعوبه احيانا في ايجاد هالصديقه المنتظره الي تحمل المواصفات ذي

لان التشابه هذا هو الي بيخلينا نحس بقرب هالشخص مننا حتى لو كان شخص التقينا فيه من كم يوم
سبحان الله فيه ناس مجرد ماتلتقي فيهم وتتكلمي معاهم تحسي كأنك عرفتيهم من زمان
مو بس لانهم طيبين وحبوبين لا لانك حسيتهم بيفهموا عليكي من غير ماتضطري تشرحي كثير او حتى من غير ماتنطقي


يالله الموضوع هذا خلانا نفضفض من قلب

[white rose]

المشاركة الأصلية كتبت بواسطة ام حمدان white rose --ياعمري كلك ذوق الناس لبعضها ولو وتكفين لاتفكريني بالحزن الموقف الي حصلك لو حصل معي يالله ماادري ايش ممكن اسوي الله لا يعيده من هم وماقصرتي في حقي ولا شي بس لانك اصيله تحسين هالاحساس الله يديم المحبه

تسلمي يا عسل وهذا من طيب أصلك ..والموقف الله لايوريه لاحد يااااااااااااارب بس والله هو اللي كان سبب اني عرفت انكم مو بس زميلات دراسة الا أصدقاء افخر بهم ..وصراحة لولا الله ثم وقفتكم معايا ما كنت ادري ايش راح اسوي ما قصرتوا الله يسعدكم وينور دربكم ويحقق كل أمانيكم ياااااااااااااااااااااااااااااااااااااااااااااااار ب

[white rose]

المشاركة الأصلية كتبت بواسطة wed0o0 يشرفني جداً اني اكون صديقتكم .. لو ادري من زمان انه في ناس طيبين ويتقبلوا الناس زيكم كان كتبت الموضوع من زماااااااان بس كنت اخاف اكتبه وتجيني ردود غريبة ,,كيف عايشة لحالك كدا ,, معقولة مالك صديقات,,,,, بس طلع انه في بنوتات عايشين نفس الوضع أو مرو فيه وعارفين كيف يكون الاحساس والشعور هذا

واحنا كمان يشرفنا يا عسل..والله الموضوع حلو وجا بوقته تمام وصراحة في المنتدى كل البنات يشجعوك ويساعدوك مرة أخلاق الحمدلله فلا تخافي وقولي كل اللي نفسك فيه وبإذن الله راح تلاقي كل شيء ايجابي..أما عن الوضع اعوذ بالله من جد ايت شعور الا يخليك تكرهي الدراسة بكبرها وتحسي نفسك كأن فيك شي مو طبيعي وكأنك غريبة..ويمكن عشان احنا انتساب يكون الشعور هذا عندنا بزيادة لانها كلها 3 أسابيع فما تلحقي تكوني اي صداقة.. بس الحمد لله الله عوضنا بصديقات من المنتدى

[wed0o0]

hi
شوووو؟؟ عروض الصداقة موجودة ولا؟؟؟

[ام حمدان]

اكيييد انا عند كلمتي

واتمنى تقدري تنسجمي معي هههههههه راسليني عالخاص وقت الدوره لو حابه تتعرفين علي ويمكن نطلع مع بعض في بعض الشعب

سي يو ياعسل :)

[Om Yousef]

والله يا عزيزتي ود, طرح في قمة الروعة ,,,يعني بالنسبة لصداقات الجامعة مش عارفة إيش أقول.....يعني أنا لي صديقات وعددهم قليل بس صداقتنا يعني مو بهديك القوة !!! يعني صداقتنا حسب ما تقتضي الظروف ! ولكن بالنسبة للبنات نفسهم فهم الله يحميهم قمم والله,,أخلاااااق ونشاما...لكن عدم تواصلنا الدائم هو بسبب الإنشغال وخصوصا إنه في منهم المتزوجة وأم أطفال من أول ما عرفتها,ومنهم إللي إتزوجت مؤخرا ورزفت بطفل الله يخليلها هو ووحدة قريب كمان ملكت !!! وهكذا يعني أخذتنا مشاغل الحياة عن بعض لكن القلوب عند بعضها وبنتواصل وقت ما تسنح الظروف ومناسباتنا بتلمنا من وقت للثاني وهكذا........فأنا والله من عشاق الصداقة الحقة وما بأعترف إلا بداه النوع من الصداقات لكن ما أخفي عليكي مؤخرا بأني صايرة مش إنترستت 100% بداه الموضوع بسبب إنه خايفة تقع مني تقصيرات تجاه الإنسانة إللي ممكن أتعرف عليها ! والتقصير هذا يكون بسبب كوني إنسانة والله ما عندي وقت حتى أحك راسي!!! يعني دراسة وبيت على راسي لوحدي وطفلين وزوج ومسؤوليات مالها أول ولا آخر فعشان كدة صرت مش حابة أدخل عرض في أي وحدة عشان لو وقع مني تقصير تجاهها أخاف تبدأ تطرأ التساؤلات بيننا ويدخل الزعل و و و ووو وهلم جراااا,,,وأنا بصراحة مش حمل هذه الأحاسيس المتعبة وإللي يبغالها وقت كمان عشان تتزبط !!!! كفاية هم الدراسة والمذاكرة إللي ما أدري كيف بتصير أصلا!!!!!!!! والله المستعان
والله مش عارفة إيش أقول .....بس إللي حابة تكون صديقة لي "بارت تايم"( هاهاهاهها) فأنا حاضرة والله يقدرني باللي أقدر عليه معاها!! وللى موضوعك والله عاجبني على الآخر وطرح سبحان الله يعني الواحد مش متخيل إنه ممكن ينحط وسط مواضيعنا إللي كلها ((( ياااهووو ألحقونا))(( ساااعدوني وللى حأنط من الإمباير ستيت)),, ((المنااهج)) (( ياعااالم التقويييم)) (( وبعدين يعني من الجامعة ديه))) هاهاهاهاهاه ..وبصراحة أنا أولهم برضو ماراح أتبلى على أحد وأنا مشاركة في هذه الربشة !!! أني واي, فموضوعك باين لزيز من بين ديه المواضيع المفعمة بالقلق والتوتر.........بس رأيي....ما أقول غير الله يكتب إللي فيه الخير في كل شي وخلااااص