خاص بالقادمين من السنة التحضيرية

بنت من الجامعه · 18-09-2009, 02:47 AM

فكرة تمااااااااااام ويلا كل واحد يختار تخصص عشان نقدر نقر قبل 5 شوال

المهم

بالنسبه للمحاسبه انا فكرت ادخلها اول
هيا تخصص حلو
بس يبغالو احد مصحصح ....
وكمان مجلاتها الوظيفيه منتشرة مررة
مافي شركه ما تبغى محاسبين
وفي للبنات و الاولاد وظايف
بس اللي ما عجبني فيها شي واحد انو ما فيها تطور وظيفي
صح انك تقدري تترقي بس مافيها ابتكارات
والله دا اللي حسيتو بس ما عندي فكرة عن التخصص كتير
يلا شدوو حيلكم يا اصحاب الخبرة :)

ياليت بعد المحاسبه نبدأ بال أنظمه :):)
خصوووووووصا من ناحية المجالات الوظيفيه :(
عشان كتير يقولو اتخرجو وجالسين بالبيت :(
ويسلموووو

naughty girl · 18-09-2009, 03:22 AM

ايوا صحيح كلامك المحاسبه فيها ترقيات بس مافيها تنويع وابتكارات كتيره

ونشوف الانظمه وماحد حيفيدنا في القانون اللي اللي يدرسو او تخرجو او يعرفو ناس اتخرجو :(

مشاعر · 18-09-2009, 04:53 AM

السلام عليكم
أولا مبروك انكم اتخرجتو من السنة التحضيرية على خير
عقبال التخرج من الجامعة
أنا طالبة من كلية الاقتصاد والادارة قسم محاسبة مستوى خامس باذن الله
وبحكم خبرتي المتواضعة عن القسم حابة أديكم كم معلومة ازا ماعندكم مانع يمكن تكون فيها فايدة لكم

المحاسبة تخصص أكثر من رائع ولكن عشان تحس/ي انو رائع لازم تتوفر فيك/ي شروط:
1- عندك خلق للمذاكرة (يعني تذاكري أول بأول )
2- منتظم/ة (يعني ماتضيعي ولا محاضرة وازا سبحان الله سارلك ظرف واتخلفتي عن المحاضرة تسألي عنها وتروحي للأستاذ/ة وتسألي الين ما تفهميه )
3- تجيدي استخدام الآلة الحاسبة
4-تحل/ي كل الواجبات (يعني تمرن/ي يدك )
وبالنسبة للفرص الوظيفية
أول شيء الأرزاق بيد رب العباد يقسمها كيف يشاء
تاني شيءالحمد لله الفرص الوظيفية مليااااااانة للشباب وأكتر للبنات يعني الي خايفة من الوظيفة تتطمن وتدخل ولاتشيل هم بس أهم شيء تستخيرو
والله يوفقكم

مشاعر