اللي ترد لها دعوة

لمسات الورد · #1 28-09-2009, 11:42 PM

السلام عليكم ورحمة الله وبركاته
بنات انا بكلية العلوم وابغى اخذ عندكم مواد حره
وفيه مادتين
مادة مبادئ ادارةbus101 كيف المادة؟
ومع اي استاذه اخذها؟
وفيه ماده ثانيه مبادئ اقتصاد كلي.كيف المادة ؟ومع اي استاذه؟

إيـمآأنْ خـآلـدْ · 28-09-2009, 11:48 PM

مبادي الاداره ماده دش وحفظظ
تاخديها مع خديجه ضباب احسن ..اخدتها مع بثينه ماعجبتني

مبادئ الاقتصاد الكلي فهم وحسااب
اخدتها مع عفاف عايد مررره خطيره
الاتنين حلوين وكلهم على حسب انتي اش تحبي
وشوفي شي يرفع معدلك

فاديآ الجهني · 28-09-2009, 11:51 PM

::

مبادئ اداره دش وكلامها كثير = ( ,,

مبادئ اقتصاد مااخذتها ,,

وانصحك بمادة علوم سياسيه ps 101 ماده خفيفه ع القلب خذيها يا مع خالده او زينب ,,

موفقه ان شاء الله ,,

::

لمسات الورد · 29-09-2009, 12:01 AM

مشكورين على الرد

روحي لها جنحان... · 29-09-2009, 12:03 AM

لا انصحك بهذه المواد كمواد حرة

كلها يبغاااالها

خذي شيء خفيف

مثلا نظام سياسي سعودي

عاشقة المستحيل · 29-09-2009, 12:07 AM

انا ما أنصحك تاخذي مبادئ اارة اعمال المنهج كثيييير و مذاكرته صعبه

و ما تهم الاستاذه ما دام الماده كذا !!!

و اقتصاد كلي مادة حلوه و ممتعه و فيها حل و مسائل

بس مرره سهله

أخذتها عند ايمان حسن علي

و هي مررره طيبه و أسئلتها سهله و تراعي البنات الي أخذو الماده حره

و كمان أخذت مادة اقتصاد جزئي معاها و المااده اسهل من الكلي كمان و المنهج قليل

أتمنى اني أفدتك
موفقه

^_^

LAYAN89 · 29-09-2009, 12:19 AM

انصحك باقتصادجزئي مع كوثر شغراب بعده اقتصاد كلي بعده مبادئ ادارة اعمال

لمسات الورد · 29-09-2009, 12:27 AM

طيب الله يسعدكم ايش رمز اقتصاد كلي عشان اشوف تناسب جدولي

نور جدة · 29-09-2009, 12:37 AM

رمزها 102 اقتصاد كلي والله يوفقك

لمسات الورد · 29-09-2009, 12:45 AM

طيب ماعليش econ 102اقتصاد كلي
طيب وجزئي

اللي ترد لها دعوة

ارشيف كلية الإقتصاد والإدارة