مالية عامة

[صمتي جوابي]

السلام عليكم ورحمة الله
حبيت اشكر الأخ عبدالله على الجميل اللي سواه معانا
الله يجزاك كل خير ويريح قلبك مثل ماريحتنا ( مرررررررررره شكرآ )

[نوفا33]

مرررررررررررررررررة شكرا الله يعطيك العافية

[maamoola]

ايوه والله

وربي انه يستاهل كل خير

الله يعطيك العافية ويجزاك خير على اللي سويته ويجعله في ميزان حسناتك يارب

[عبدالله21]

السلام عليكم ورحمة الله
بس حبيت ابشركم ياطالبات وياطلاب ان درجات الماليه العامه نزلت في odus
(بالنسبه ليه الحمدلله اخذت 96 )

[maamoola]

تستاهل والله كل خير

دوم يارب a+

في ميزان حسناتك ربي يجعله

والله يابنات اظن لو لا الله ثم عبدالله كان ضعنا ههههههههههههه

[حنّو ..~]

مبرووووك لكل اللي نجحوا بهالمادة


انا ان شاء الله باخذها السمستر الجاي


مع مين تنصحوني اخدها


مع دكتوركم هذا او تنصحوني بغيره ..؟

[maamoola]

الصراحة البحطيطي مررررة كويس وانصحك لاتاخديها مع احد تاني لانهم يقولوا ورطة هده المادة مع غير البحطيطي

[عبدالله21]

غريبه ليش ما في تعاون زي الترم الاول بين الطالبات والطلاب في الماليه العامه واي ماده ثانيه زي اقتصاد اسلامي والوساطه الماليه ومواد التامين زي اعاده التامين وموضوعات وتامين نقل وغيرو وغيرو اغلبها تكون مشتركه عشان تعم الفائده قد يكون عند الطلاب معلومات قالها الدكتور عن الماده وما قالها طالبات او العكس
وقد يكون اختبار الطالبات قبل الطلاب فيكتبوها الطالبات للطلاب عن طريقه الاسئله وايش الاسئله
و العكس اذا الطلاب اختبرو يفيدو فيها الطالبات

الترم الاول (ماليه عامه )كان احنا الطلاب اختبارنا قبل الطالبات ونزلتها لهم
والعكس السنه الماضيه الترم الثاني في ماده كان اختبار الطالبات قبلنا احنا الطلاب والله العظيم ما قصرت طالبه نزلتها لنا و جات نفسه الاسئله حرفين

والله انا عارف لا الطلاب والطالبات ما يقصرو في ما بينهم بس فينهم؟؟؟؟؟
باقي اقل من نص الترم
والاختبارات النهائي ما باقي عليه شيء تبدا 1\7
خلينا يعيد روح التعاون زي اول
روحو ادخلو على على قسم محاسبه
(قروب )ملتقى تجارة الكترونية (Bus457) شعبة د/ عبدالله باسهل
وكمان قسم اداره الاعمال(قروب)
تجمع طالبات و طلاب نظم معلومات المستوى السابع والثامن ياريت نتعاون (ارجو التثبيت)
الا احنا طلاب وطالبات الاقتصاد عجزانين نسوي مثالهم
وبتوفيق للجميع شباب وصبايا

[مراهقة طفلة]

انا افكر اخد هالمادة

بس تنصحوني فيها والا صعبة

ايش طبيعة المادة وعن ايش تتكلم

وايش رمزها

[أبــــرار]

والله الماده كتااب مررررررره كبير و هرررررررررررج

بس حسب الدكتور البحطيطي كان يأشر وكان يعطينا 6 اسأله نحل 2 منها وعليها الدرجه كامله

كنت احفظ شي بسيط واتفلسف واخد درجات عاليه .. و النهائي ماذاكرت اي شي الا اسأله الطلاب

وجبت درجه عاليه .. يعني مع البحطيطي صراحه مابذلت اي جهد ساعتين قبل الاختبار وحالي مشي