مبروك زيادة الرواتب

[زمردة 2009]

^^

أقولكِ يابنت الحلال من قرايبي والله خمس شهادات شكر وخبره ولا ومرتبة الشرف بعد وتاليها قضبوووه الباب وليت الكوادر الي عندهم ومكتفين فيها سعوديين ..!

حتى الي يجي يازعم مخترع له شي يعني ويجي يبي يفيدهم فيه قضبوه الباب هو وإختراعه والله قبل يمكن شهر جا واحد بالتلفزيون برا عرضوا عليه مليووون بس علشان يشترون إختراعه

وقال من زود الفهامه لا وطنه أولى ويوم جاهم باختراعه الموقر بالحرف-ياخي اشغلتنا أنت واختراعك- كفوو والله و الله العظيم لو أنا أخذتها من قاصرها من أولها وبعته برا مايستاهلون

وخلاص ياجماعه كلن حر برأيه بس ترا ساهر نظام ربووي مليون بالميه

[تلميذ منتسب]

8

الدوله ليست مسؤوله عن توظيف الجميع بالقطاع الحكومي ولن تستطيع فعل ذلك

وانما هناك قطاع خاص وشركات خاصه واصحابها مواطنون من المفترض ان يبادروا بتحمل مسؤولياتهم تجاه تدريب وتوظيف ابناء بلدهم

وليس بأن يقوموا باستقدام عماله وافده ليست مؤهله ولا مدربه

وسلامتكم

[دارس1431]

اكيد الدولة ماهو مطلوب منها توظف كل الشباب في القطاع الحكومي وهذا شي مايختلف علية اثنين
الوظائف الحكومية صارت مثل القطارة كل سنة تجي وظايف معدودة بأصابع اليد والمشكلة أن الفساد تمكن منها في الكثير من الوظائف وهمية وسبق التوظيف عليها إما بواسطة أو برشوة

أما وظائف القطاع الخاص

فالدولة هي المسؤولة 100% عن توظيف مواطنيها وتحديد الراتب الادنى للمواطن ومساعدة الشركات و وضع شروط صارمة جداً أي شركة تتلعب بالمواطن والوطن تلقى في سلة المهملات
وليس كوضعنا اليوم المواطن في الشركات راتبة زهيد لأبعد حد وهو الذي يحمل شهادة الثانوي والجامعة


لدي سؤال ياخي تلميذ وأتمنى أن تجاوبني علية بصراحة

عندما نشاهد السارق يسرق ويعثي في الارض فساداً بالسلب والنهب هل نحلمة المسؤولية ؟ أو نحمل الشرطة و الأمن المسؤلية ؟ أو نحمل الضحايا المغلوب على أمرهم المسؤلية ؟

[تلميذ منتسب]

8

هلا باخي دارس

والله ان جوابي لك يادارس وبكل صراحه ان الجميع يتحمل المسؤوليه

[دارس1431]

جزاك الله خير ياخي تلميذ

أكيد إذا لم توضع حدود للسارق فشي طبيعي أنة يعثي في الأرض فساداً وهذا بالضبط اللي حاصل مع الشركات لو فية حدود صارمة ياخوي تلميذ تحمي أبن الوطن صدقني بتشوف الشركات عندنا كيف توظف أبن الوطن وكيف تعطية راتب يقدر يبني مستقبلة ويكون لة اسرة
مانقول نبغى رواتب وزراء أكيد لا بس نبغى رواتب تفتح بيت وتكون أسرة لأن إذا قعد الوضع على ماهو علية فـ النتيجة
مزرية
فهذا هو قصدي ياخوي تلميذ الشركات لايمكن تسعى لتطوير أبن الوطن مادام الدولة ماوقفت في صفة
صراحة أبن الوطن في القطاع الخاص مايدري من وين يلقاها من الدوام المتعب ولا من الراتب الضعيف ولا من المضايقات من الأجنبي

في النهاية لازلت أحمل الدولة النسبة الأكبر في تطوير أبن الوطن في القطاع الخاص


شكرا اخي تلميذ ^^

تحيتي

[زمردة 2009]

^^

والله كلامك ياخوي صح ميه بالميه لو في شروط صارمه للي ماسكين الخاص ورواتب معقوله تقيم أسره المهم كان زين

لكن ماعندك أحد ..!

السرقه والنهب صارت مثل السلام عليكم والشعب ساااااكت وسياسة التكتيم ماشيه عدل

شفتوا وجدي الي كان له برنامج بالفجر ماكمل 12 حلقه إلا كتموه والله أعلم وش سووا فيه ..!

ليش لإنه تكلم بالحق وبرنامجه كان على الجرح

لا حول ولاقوة إلا بالله الي يتكلمون بالحق قله قليله جداً ومع ذلك ليتهم يسلمون على أرواحهم

المعتقلين الي قضايهم مدري من كم سنه لاهم الي طلعوهم ولا حاكموهم معلقين بين السما والأرض

ويوم تكلم الأحمد كتموه ووقفوه حسبي الله عليهم

لو أي دوله تقول اي راحوا شدوا لها حمله والشعب ماكل تراب

خيرنا لغيرنا بدل الساعه هذه الي كل شوي خربانه بحقها وظفوا العاطلين ياكثر المشاريع الي نحتاجها يقيمونها ويوظفون عليها هالشباب العاطل

ألا لعنة الله على القوم الظالمين

[الشــامخ]

متابع بصمت ..!!

[تلميذ منتسب]

8

والان يااخ دارس مع برنامج نطاقات الصادر من وزارة العمل نتفائل خير

ولا زلت اقول المشكله في ابن الوطن اللي لابد ان يرغم على تطبيق النظام واصدار البرامج له

هذه مشكله كبيره اذا كان ابن الوطن لا يشعر بمسؤوليته ووطنيته الا بالاجبار والقوه

يعني لازم اجبرك بالقوه على النظام والا ماتطبقه !!!

اين وطنيتك وغيرتك على وطنك وابناء وطنك ياصاحب الشركة الخاصه ؟

لماذا لاتكون المبادرة منك بدلا من الارغام على تطبيق البرامج ؟

واعتقد وللانصاف في الطرح يااخ دارس انك لو سألت صاحب الشركة فسيلقي باللوم على ابن الوطن ايضا

وللاسف لاتعلم من الذي له الحق ومن الذي عليه الحق

والله لو ان كل مواطن علم حقا مالذي له ومالذي عليه لاستقامت الامور ولصلحت الاحوال

لكن المشكله انك حينما تنظر الى واقع الحال فلن ترى الا تبادل للاتهامات

فهذا يقول لهذا انت السبب وذاك يرد عليه ويقول بل انت السبب وهكذا

ونسأل الله ان يصلح الحال