حلم !

[الفتى]

السلام عليكم ورحمة الله وبركاته


البارحة خير اللهم اجعله خير , حلمت اني تخرجت من الجامعه ..

اتصلت على الجامعة وقلت لهم متى تسلمونا وثائق التخرج قالو بكرا الصبح .

في الصباح رحت لحفل استلام الوثيقة , وشفت مسئول مشهور يسلم الوثائق

بس الله حق ما يوصل مثل شهرت ميسي , الموووووهم وانا طالع على الإستيج علشان

استلم وثيقتي ما دريت الا رجل على شكل وطواط جا طاير من فوق وخطف وثيقتي قبل

استلمها من يد المسئول , حاولت الحق الرجل الوطواط لكنه سريع وطاير بجنحانه فوق

طلعت برا الجامعه اناظر فوق واراقب الرجل الوطواط وهو يطير ويرتفع فوق بالسماء

وانا ابكي واصيح وميت قهر كيف ماقدرت استلم وثيقتي , وانا اناظر فوق اراقب الرجل

الوطواط مادريت الا بطيارة تجي من بعيد وتصدم الرجل الوطواط ويطيح الرجل الوطواط

وانا اروح اركض للجهة اللي طاح فيها الوطواط , سئلت الناس , قالو لي تلقاه عند مكتبة

الإصلاح عند ابو عبدالله .. رحت وفعلا سئلت ابو عبدالله عن الرجل الوطواط قال لي موجود

قلت له تكفى ابيه , سرق وثيقتي مني وابغا استردها منه , قال ابشر بس بسبعين ريال ..

قلت له لو تقول بسبعة الاف اهم شي اخذ وثيقتي , فعلاً جاب لي الرجل الوطواط وهو غرقان بدمه

اخذت وثيقتي من يده ويوم رفعت وجهه علشان اعرف من يكون, لقيته الدكتورسيد إحسان بأنياب دراكولا .


ترا حلم , والي يعرف تفسيره لا يبخل علينا ..