لو كنتو مكاني محتارين في الجدول ؟ ايش حتختاروا ؟ اللغويات ولا الفرنسي ؟

i still feel ya · 19-10-2009, 10:21 PM

المشاركة الأصلية كتبت بواسطة .. بيســـان ..

ماأدري ايش قصدك ؟؟

منآهج آلبحث ولا حلقة بحث ؟؟

ايوا نزلتها في جدولي .. بس ما فهمت انتي ايش تبغي بالضبط !! حدديلي !!

بقصد مناهج بحث... كيف الماده دي..
لأنو بيقولو لازمن تكوني اخده الادب حتى تقدري تعديها مزبوط..
فعشان كدا بسأل ومحتاره فيها اضيفها ولا لاء...

.. بيســـان .. · 19-10-2009, 11:44 PM

بقصد مناهج بحث... كيف الماده دي..
لأنو بيقولو لازمن تكوني اخده الادب حتى تقدري تعديها مزبوط..
فعشان كدا بسأل ومحتاره فيها اضيفها ولا لاء...

ايوا الكلام اللي سمعتيه مزبوط 100 %

حتى انا قالولي عشآن تفهمي المادة خدي الأدب .. أصلا المواد كلها مرتبطة ببعض

و دي المادة .. على حسب ما أظن انو يوريكي كيف تسوي بحوث وسيرشات

عن الأدب .. كده وحدة قالتلي .. فعشان كده المفروض تفهمي ايش هوة الأدب بالأول

داانه · 20-10-2009, 01:23 AM

السلام عليكم ياحلويين

بيسان عين العقل اللغويات هيا الاهم

بس مهم كمان تعرفي مين الاستازه اللي حديكي الماده

معليش عندي سؤالين هيا مالها علاقه بس ان شالله الاقي جوابها منكم

انا لسى مافتحت جدولي لانو لازم اغير الباسوورد

فأبا اعرف اسماء الدكاتره نزلت والا لا؟

والسؤال التاني

صحيح انو حتبدأ دورتنا يوم السبت دا؟ قصدي اللي جي دحين؟؟

....لسى مو متهيأه نفسيا :( !!

الله يسعدكم حبايب..

.. بيســـان .. · 20-10-2009, 07:05 AM

لآ .. دآنة

أسماء الدكاترة ما نزلت لسة ،،

و الدورة يوم السبت هذا بعد أربع أيام ،،

لو كنتو مكاني محتارين في الجدول ؟ ايش حتختاروا ؟ اللغويات ولا الفرنسي ؟

قسم اللغات الأوروبية و آدابها