ملتقى الطالبات اللي قدمو في عزوز وطيبة وأم القرى؟؟

[سبحانك ربـي]

السلام عليكم ورحمة الله وبركاته
كيف حالكـــــــــــــــــم؟؟ايش أخبــــــــــــــــــارك؟؟

طبعا سويت هذا الملتقى عشان كل البنات اللي قدمو في عزوز وفي طيبة وفي أم القرى

يعني نستشير بعض ونشوف آراء بعض وإذا أحد عندو معرفة كيف جامعات طيبة وام القرى اذا مانقبلنا في عزوز؟وكيف السكن؟واي شي يتعلق بهذا الموضوع

المهم/انا أحكيكم قصتي اللي هيا امكن في كتيييير زيي
انا متخرجة منذ عام 1429هـ-1430هـ ،،،قسم/علمي
ومعدلي الموزون لمن قدمت في جامعة الملك عبدالعزيز 80.52 وماقبلوني حالياً ومااعرف ازا صحيح في فرز تاني وحيقبلوني انتظام ولا
وقدمت في أم القرى وطلعت نسبتي المكافئة:81.98 وعندي موعد يوم الثلاثاء 18-8-1432هـ الساعة 12م ،،والتخصصات اللي بقيت في أم القرى ماابغاها وهل لازم اختار التخصص من دحينا؟ليش ماعندهم سنة تحضيرية يعني؟؟وبعدينا أكيد إزا رحت حأنقبل؟؟وكيف السكن في أم القرى جيد ولا؟؟
وقدمت كمان في جامعة طيبة في المدينة ونسبتي الموزونة/82.784 وعندي موعد يوم الاحد 23/8/1432هـ؟؟؟مااعرف ايش التخصصات الباقية؟كيف أعرفها؟وكيف السكن عندهم؟؟
وبرضو جامعة طيبة اللي في ينبع ايش التخصصات اللي عندهم في برنامج العلوم الانسانية عندي موعد يوم الاثنين 24/8/1432هـ؟وكيف الجامعة؟والسكن في ينبع ولا؟؟
[align=center]كلام كتيـــــــــــــــــــــــــــــــــــر صح بس من جد انا حاليا مو عارفا ايش اعمل حاسة اني مشتتة وامكن في كتير بنات زيي يعني ممكن نساعد بعض في أفكار وآراء؟؟[/align]

في انتظار تعليقاتكم وردودكم وآرائكم واقتراحاتكموفقني الله وإياكم وسدد طريقنا للخير وبلغنا مانتمناه وزيادة وطمن قلوبنا اللهم آميـــــــــــــــــــــــــن

[جآمعيهـ2010]

عزيزتي جامعة آم القرى مافيها سنه تحضيري ويدخلوك تخصص حسب معدلك الموزون
وماأتوقع إنو عندهم سكن إ اذا حآبه ف سكن خاص يعني انتي تشوفي امورك
هذا اللي اعرفو عن ام القري أتمني أفدتك

[سبحانك ربـي]

المشاركة الأصلية كتبت بواسطة جآمعيهـ2010 عزيزتي جامعة آم القرى مافيها سنه تحضيري ويدخلوك تخصص حسب معدلك الموزون وماأتوقع إنو عندهم سكن إ اذا حآبه ف سكن خاص يعني انتي تشوفي امورك هذا اللي اعرفو عن ام القري أتمني أفدتك

جزاك الله خيرا،اها انا حسبت في تحضيري
،بس انا سمعت انو فيه سكن ماادري

[_Sora]

المشاركة الأصلية كتبت بواسطة جآمعيهـ2010 عزيزتي جامعة آم القرى مافيها سنه تحضيري ويدخلوك تخصص حسب معدلك الموزون وماأتوقع إنو عندهم سكن إ اذا حآبه ف سكن خاص يعني انتي تشوفي امورك هذا اللي اعرفو عن ام القري أتمني أفدتك

ليش مافي سنة تحضيرية؟
انا صحبتي كان موعد مراجعتها امس
في ام القرى و الحمدلله انقبلت طب - سنة تحضيرية!
متاكده مية بالمية من اللي بقولو لاني كلمتها بنفسي
و البطاقة الجامعية اليوم طلعتها الحمدلله :)

[Eng.SouL]

المشاركة الأصلية كتبت بواسطة _sora ليش مافي سنة تحضيرية؟ انا صحبتي كان موعد مراجعتها امس في ام القرى و الحمدلله انقبلت طب - سنة تحضيرية! متاكده مية بالمية من اللي بقولو لاني كلمتها بنفسي و البطاقة الجامعية اليوم طلعتها الحمدلله :)

يا بنت الحلال
سنة تحضيرية طب يعني تخصص طب
سنة تحضيرية هندسة يعني تخصص هندسة

اما المقصود بالموضوع سنة تحضيرية عامة بدون تخصص زي اللي في جامعتنا