رايكم يا بنات 07 واللي قبلهم في دي المواد

[loly]

السلام عليكم


الترم دا جااااااااااااااااااااامد مره وحابه اخد رايكم في المواد حقت الترم هذا واتمنى انكم تفيدوني بيها ومين احسن الاستاذات اللي يدرسوها وايش هيا المواد اللي فيها مشاريع وشغل لانه والله المواد من اسمها ثقييييييييله >> بس ترى ما وزنتها ,,,, عارفه دمي ثقييييييييل
ولو حابه انا احذف ايش اللي احذفه

نبدأ ,,
cpis 334 مقدمة إدارة مشاریع النظم البرمجية
cpcs 324 خوارزمیات وھیاكل بیانات2
cpcs 351 ھندسة برمجیات ١
cpcs 361 نظم تشغیل ١
cpcs 371 شبكات حاسب ١
cpcs 331 ذكاء اصطناعي ١

اتمنى انكم تردو عليا مو تدخلو تقرأو الموضوع وبس

وسلامتكم << اللي يسمع يقول شاعره

[loly]

مو معقول 20 مشاهده ولا واحد فيكم يرد والله عيب
انا محتاجه رايكم

[طموعه]

هلا انتي علوم اممم شوفي احنا بس اخذنا نظم تشغيل طويللللله الماده وح فظ اغلبها درستنا د لميا اظن هيا غالبا تعطي الماده واسلتها تكررها كل سنه لانو البنات اعطونا الاسئله واغلبها منها وعن الشرح مو مره تمام بس هيا طيبه

[أرنوسية]

المشاركة الأصلية كتبت بواسطة loly مو معقول 20 مشاهده ولا واحد فيكم يرد والله عيب انا محتاجه رايكم

أنا كنت وحدة من الـ20
لإني دفعة 07 لكن قبلك بترم

الله يوفقك يا رب وزي ما عديتي الترم اللي فات تعدي هذا الترم
>>>بمناسبة الترم اللي فات كيف كان؟؟؟

[silver shadow]

وعليكم السلام

بالنسبة لسؤالك عن أحسن الأستاذات فكل مادة بتعطيها أستاذة وحدة بس ما عدا مشاريع أنا ما أخذتها بس البنات ما نصحوني بنوف البركاتي مع انها طيبه بس الشرح مو مرة قالولي الأستاذة الثانية أحسن بس مو فاكرة اسمها وفيها مشاريع أعتقد 2 أو 3 بس يقولو سهلة المشاريع لكن المشكلة انه المادة دش وحفظ

ذكاء كمان فيها مشروع وشبكات ما فيها مشروع بس فيها واجبات تهلك

هندسة برمجيات فيها مشروع بس المادة مرة حلوة ومشروعها حلو ودكتورتها طيبة د/مي فاضل

اما نظم تشغيل فحدث ولا حرج المادة طويلة ويبغالها حفظ كثير بس اذا اخذت الهاشمي ما عاد فيه مادة صعبه بعده

[عصر الحاسب]

^
طيب انظمة التشغيل فيها واجبات ومشروع ولالا ؟

وبالنسبة للشبكات واجبتها صعبة ؟

وجزاك الله خيرًا

[red flower]

شوفي ياقمر

انا اخذت كل المواد هذي ماعدا مقدمة ادارة مشاريع

بالنسبه لـ
cpcs 324 خوارزمیات وھیاكل بیانات2

ترى عاديه مرره
مافيها لاب ولا مشروع ولا واجبات ولا حتى كويزات
والماده بشكل عام مو صعبه .. وتدرسها كل سنه د. زينب
ولو تعرفي اسلوبها اكيد عارفه ان موادها خفيفه دايما وماتذاكري الا من ملخصاتها


cpcs 351 ھندسة برمجیات ١

فيها واجب واحد اعتقد او اثنين .. ومشروع
المشروع مقسم على جزئين
وعادي المشروع مو مره صعب ..
والماده عاديه مو صعبه خصوصا ان د. مي فاضل هي اللي ماسكتها
د. مي طيبه ومره التعامل معاها سهل
اسئلتها وسط .. مو مره سهله ولا مره معقده



cpcs 361 نظم تشغیل ١

الماده اكرهها جدا لأني مااحب هذا النوع من المواد
د. لمياء ماسكتها .. وبصراحها شرحها طبعا مو حلو
بس لو كنتي تحبي تحفظي ممكن تحفظي وتعدي الماده بدون فهم
لأني احس ان الدكتوره بنفسها مو فاهمه



cpcs 371 شبكات حاسب ١

ماسكتها د. اعتماد
الدكتوره مره عسل ترى
بس الماده اتغير منههجها الترم اللي راح
والكتاب شكله يفجع لو شفتيه
الماده عيبها طووييييييييييييييييله بشكل مقرف
مو صعبه قد ماهي طويله
ولو تقدري ذاكري اول بأول
لأن لو خليتيها لقرب الاختبار مره حتتعبي
انا وصحباتي كنا سايبينها ومره اتبهدلنا قبل الاختبار
لأن المنهج طويل ويلخبط


مافيها مشروع .. بس لابها فيه واجبات كتير صراحه


cpcs 331 ذكاء اصطناعي ١

ترى الماده مررررررره مو صعبه
عاديه جدا واعتبرها من المواد الحلوه كمان
سيبيكي من د. لمياء اللي بتدرسها
لكن حتفهمي الماده كويس من اللاب
انا اخذت اللاب مع أ. اسماء
وفي المحاضره مع لميا ماافهم شي .. بس في اللاب مررره افهم
لأن اللاب نفس المحاضره فـ اسماء تشرح بضمير وتخلينا نفهم

بشكل عام لاتخافي من الماده

مافيها واجبات بس فيها مشروع صغير




بالتوفيق ياقمر
ودعواتك

[الجلنار]

وعليكم السلام ورحمة الله وبركاته

سبقتيني كنت حفتح موضوع أسأل عن هذي المواد :)

بس برضوا بسأل :)

ينفع نحذف مادة cpis 334 مقدمة إدارة مشاریع النظم البرمجية وننزلها الترم الجاي.؟؟

لأنه المواد مره كثيرة واللي سمعتو عن هذي المادة إنها دش وحفظ؟؟

وصح لازم أخلص مواد الحاسب كلها عشان ينزل مشروع التخرج؟؟

وجزاكم الله خير :)

[Ro0oSa]

عصر الحاسب

نظم التشغيل ماأعطتنا إلا واجب واحد قبل الاختبار بيومين وكان بونس
ومافيها مشروع
وأغلب أسألة الاختياري والصح والخطأ من الموقع إلي حتعطيكم ياه

بس اللاب كان فيه واجب أو واجبين بس كاانت الواجبات خفيفة ترجعي لمحاضرات اللاب وتحلي على طول
واللاب أنصحكم بـ أ. منى صالح مررة أسلوبها رووعة ماشاء الله حتى أسألتها

والله يوفق الجميــع