{ .. تجمع طالبات الإنتساب لمـواد المستوى الثـالث ..} كل ما يتعلق بالدورة ..~

[ام حمدان]

هالرابط يحتوي على نموذج امتحان للثقافه 201 + العربي201


http://www.skaau.com/vb/showthread.php?t=300457

[الملاك الأبيض]

الاخت العزيزة ام حمدان ربي لايحرمنا من كلماتك العذبة وشرحك الجميل اللي تنقذينا فيه بصراحة انا فخورة ومبسوطة بتواجدك بيننا وربي لايحرمنا هالطلة الحلوة .

بالنسبة للسفيكس والبريفكس انا مريت عليه بس مذكور عندنا بشكل مختصر جدا لدرجة انو مو كل الاضافات موجودة حتى انا استغربت انو البنات يقولوا عليها سؤال بس الحمد لله انك وضحت لنا الموضوع . الله يفتح عليك بالفهم والحفظ
ويرزقك النجاح والسعادة .

[ام حمدان]

الله يسعدكم يابنات كلامكم ودعواتكم مرره يفرحني خاصه مع نفسيتي السيئه هالفتره ولكم جميعا بمثل مادعوتم يارب

الي بتسئل عن الرايتنق ههههههه فكرتيني لمن كنا زيكم كنا بنموت من الخوف خاصه انه نظام الاسئلة تغير على حظنا
دفعة 09 معروف عنها دفعة التجارب كل شي جديد تطبق علينا:)

المهم مالك بالطويله
في الرايتنق مو شرط المواضيع الي تركز عليها الاستاذه في المحاضره معناتها راح تجي

هم صح يجيبوا موضوع من برى المنهج لكن يكون موضوع مفهوم للكل في الغالب وعندكم فوكابلري عنه

اكثر المواضيع الي جابوا خلال الفتره الماضيه كانت اغلبها تتعلق بالتعليم
احنا افتكر جانا في رايتنق 1
موضوعين
واحد عن your dream job
وتكتبي ايش هي وايش تتمني يصير في المستقبل وقت ماتتوضفي فيها وكذا

وكمان اكتبي عن مكان زرتيه وعلق في ذاكرتك وليه

يعني في السؤال نفسه يعطوكم شوي تلميحات عن ايش ممكن تكتبوا في الموضوع والاستاذات راح يفهموكم لو مافهمتوا في الامتحان لاتخافوا

في رايتنق 2 مره جاهم اكتبي مقال مقارنه عن تعلم الانجليزي في امريكا وتعلم الانجليزي في السعوديه

والترم الماضي جاهم يختاروا موضوع من بين اثنين
واحد مو فاكره والله عن ايش لاني مااخذت الماده بس افتكر صاحباتي قالولي انه كان موضوع عن الطفوله تعبري عن طفولتك او شي زي كذا مو فاكره
اما صاحباتي اغلبهم اختاروا يكتبوا عن الموضوع الثاني الي هو
مقارنه بين نظام الانتساب او التعليم عن بعد وبين دراسه الانتظام

يعني بإختصار المواضيع ماتكون صعبه
وخلوا دايما عندكم افكار جاهزه وعبارات بالذات عن اي موضوع يتعلق بمجال التعليم
وشوفوا المواضيع الي تركز عليها الاستاذه ايش هي ودوروا عليها في النت يمكن تفيدكم ماتدروا

موفقين ياعزيزاتي

[sosa20o0o5]

شكرا ام حمدان والملاك الابيض بس حبايب عندي سؤال ثاني ال100 درجه كلها بتكون على الموضوع مافي اي سؤال ثاني يتعلق بطريقة الكتابه او خطواتها او اي شي من الي في الكتاب يعني احنا عندنا اشياء كثيره في الكتاب بس ما ادري هل كل الاشياء هذي نذاكرها او بس الي في الهاند اوت وشكرررررررررررررا مره ثانيه على مجهوداتكم والله يوفقكم جميعا

[الملاك الأبيض]

المشاركة الأصلية كتبت بواسطة sosa20o0o5 شكرا ام حمدان والملاك الابيض بس حبايب عندي سؤال ثاني ال100 درجه كلها بتكون على الموضوع مافي اي سؤال ثاني يتعلق بطريقة الكتابه او خطواتها او اي شي من الي في الكتاب يعني احنا عندنا اشياء كثيره في الكتاب بس ما ادري هل كل الاشياء هذي نذاكرها او بس الي في الهاند اوت وشكرررررررررررررا مره ثانيه على مجهوداتكم والله يوفقكم جميعا

اخت سوسا ايوة كلها على الايساي مافي اي اسئلة ثانية كذا استاذتنا قالت .
وانا بالنسبة لي ماراح امسك الكتاب لانو احس كل شي في الهاند اوت وهي ماشرحت الا الهاند اوت وهو ميسر وملخص بشكل حلو.

[ام حمدان]

ماادري احنا كنا غير لا تنسي وكذا مره انبه على هالشي
احنا نهائي ماجانا شي غير موضوعين نعبر عنها فقط
طيب استاذتكم ايش قالت لكم جابت سيره شي راح يجي غير سؤال المقال

لانه انا شفت النموذج تبع الرايتنق 1 في الدليل الارشادي وماكان فيه غير سؤال عن كتابة مقال وطبعا مو محدد عن ايه تكتبوا
لكن في الامتحان يحددوا وممكن يعطوكم اكثر من خيار يعني لابد واحد من لمواضيع يكون سهل عليكم وتقدروا تعبروا عنه

اما في رايتنق 2 راح يكون في اسئله بسيطه عن قواعد معينه في المنهج الى جانب سؤال المقال وطبعا معروف الدرجه الاكبر تكون على المقال

[الملاك الأبيض]

[align=center]بنات انا كان مفروض امس انو انزل لكم اخبار الرايتينق والفرنسي بس سامحوني والله احس بصداع شديد من كثر الجلسة على اللاب .

على العموم محاضرة الريتينق اخدنا فيها كيف نعمل ايساي من نوع cause& effect
نفس المكونات تبع الايساي الا انو في هذاا الايساي راح نتكلم عن مشكلة واسبابها فيكون عندنا مقال cause

او ايساي يتكلم عن اثار المشكلة ويكون عندنا ايساي effect

او ايساي يتكلم عن المشكلة اسبابها واثارها فيكون عندنا ايساي : cause & effect

وهم راح يحددوا النوع في الاختبار اهم شي عندنا الخاتمة هنا راح تتكلم عن حلول وتنبؤ بما سوف ينتج عن المشكلة
وكيف نحلها ودايما الخاتمة تكون كذا .

وراح ارفق لكم هاند اوت يتكلم عن ايساي cause & effect في المرفقات .

بالنسبة للفرنسي اخذنا الدرس ال4 وكان عن الساعة كيف نكتبها وتراها مهمة جدا لانو اكيد بيجيبوا منها ياانو يجيبوا وقت ويقولوا كم الساعة الحين؟ او يجيبوا الوقت مكتوب بالصيغة وانت تكتبيه بارقام

وبعد كذا اخذنا الافعال : يصل +يغادر
يبدأ+ ينتهي

يخرج+ يدخل

وحالة النفي وكيف نكون سؤال وبعدين قريت لنا المحادثات وحلينا اول تمرين وماامدانا الوقت على الباقي وبس .




اما الريدينق اخدنا تشابتر 5 وكان عن الدايت والحميات وحلينا الاسئلة على السريع كل سؤال تاخذ بدايته




واحنا الباقي واجب علينا لانو الوقت قصير ويوم الثلاثاء بناخذ تشابتر 6 وبتمر بسرعة على كتاب الفوكا


اليسننق مافي شي جديد بس اكتر شي نركز عليه هي تمارين السيلبل شكلها مرة مهمة

وطبعا اللي شعبتهم مع استاذة ايمان لازم يعرفوا انو تقديم البرزنتيشن راح يبدا من يوم 22 ديسمبر
الى يوم 5 يناير في غرفة 119 يوم : السبت+ الاثنين+ الاربعاء

ضمن ساعاتها المكتبية من 9-10

ومن 1-2
واهم شي انو نبعت الها ايميل او رسالة على ايميلها حتى ناخد موعد منها قبل مانروح لها
على الاقل ترسلي الرسالة قبل بيوم
وهذا ايميلها :
[/
eman.bouteraa@yahoo.co.uk

[الملاك الأبيض]

اخيتي العزيزة سوسا بالعكس انا مو متدايقة منك ابدا وترى احنا لبعض وكلنا اخوات وراح افيدك قد مااقدر ولا يهمك ابد

المهم الحين عشان الكلمات الاستاذة مرة ماحددت شي وقالت كل الكتاب معنا بس ايش الكلمات اللي اهم من غيرها
هي الكلمات اللي يكون تحتها نقاط صغيرة اللي تيجي في القطعه وطبعا الكلمات زي اللي في تمرين 4 ص 141
وطبعا الفوكابلوري كلو كلمات وكل الكلمات معنا وطبعا بما انو الكلمات كثيرة وممكن ننساها الاستاذة قالت اتبعوا استراتيجية حلوة للحفظ وهذي الاستراتيجية انك تجيبي ورقة وتكتبي فيها الكلمة الجديدة معناها بالعربي والانقلش + مرادفها + المقاطع اللي فيها + نوعها +مثال عليها لانو البنات من الدفعه اللي قبل يقولوا تجيب سؤال كذا انو حطي الكلمة في جملة مفيدة .

هذي الطريقة صح تاخد وقت لكنها مفيدة كثير في الحفظ وتبقى الكلمة في راسك طول العمر وطبعا هذا هو المطلوب ههههه.

انا ياعزيزتي نزلت لك ملف فيه الكلمات الي مرة مهمة ومذكورة في كتاب الريدينق والفوكا

وخدي هذا الرابط ليساعدك في اخد المعاني والمرادف للكلمات :


http://dictionary.reference.com/

[toofey]

ملاك والله انك ملاك
بس ياليت تساعديني حاولت اتدرب على الكتابة والله ماعرفت شي واحس مافي راسي اي كلمات صح الاشياء اللي في الهند اوت سهلة وتنفهم بس والله راسي مافي اي افكار اوكلمات للتعبير
ومرة خايفة من المادة مرررررررررررررة
وخاصة انه مافي تدريب حتى من قبل الاستادة
ياليت تساعديني وتفهميني كيف اكتب وايش اسوي
احس اذا ذاكرت الهاند اوت وفهمت طريقة الايساي ورحت الاختبار ماحقدر اعبر وخصوصا اني حاولت اتدرب وما يطلع مني كم سطر على بعض
والله خايفة وماني عارفة ايش اسوي انصحيني واذا انتي تتدربي ع الكتابة ياليت تقولي طريقتك ونصير نتدرب سوا
الله يسعدك ابغى الحق الوقت
الله ينجحك يارب

[الملاك الأبيض]

المشاركة الأصلية كتبت بواسطة toofey ملاك والله انك ملاك بس ياليت تساعديني حاولت اتدرب على الكتابة والله ماعرفت شي واحس مافي راسي اي كلمات صح الاشياء اللي في الهند اوت سهلة وتنفهم بس والله راسي مافي اي افكار اوكلمات للتعبير ومرة خايفة من المادة مرررررررررررررة وخاصة انه مافي تدريب حتى من قبل الاستادة ياليت تساعديني وتفهميني كيف اكتب وايش اسوي احس اذا ذاكرت الهاند اوت وفهمت طريقة الايساي ورحت الاختبار ماحقدر اعبر وخصوصا اني حاولت اتدرب وما يطلع مني كم سطر على بعض والله خايفة وماني عارفة ايش اسوي انصحيني واذا انتي تتدربي ع الكتابة ياليت تقولي طريقتك ونصير نتدرب سوا الله يسعدك ابغى الحق الوقت الله ينجحك يارب

توفي تسلمي لي يارب على كلامك الحلو . ربي يسعدك

بس عزيزتي راح ادخل لك في الموضوع يمكن ماتصدقي بس انا لحد الحين مافتحت الرايتينق
انتظر الدورة تخلص حتى اجمع كل المعلومات عن الايساي وبعيد ابدا مذاكرة جدية للمادة اقرا القواعد
والاستراتيجيات وافهم كل ايساي ايش يبغى بالضبط وبعد كذا ابدا اتدرب على الكتابة

وانت طبيعي ماتقدري تكتبي الا كم كلمة لانو الكتابة مهارة تحتاج صقل وتدريب وماتيجي من يوم وليله لازم على الاقل كل يوم تخلي لك وقت تكتبي فيه لو 5 اسطر وشوي شوي راح تكتبي بارغراف وبعدين ايساي مرتب ولما يجي الامتحان راح تكوني مستعدة تماما

واهم شي ثقي بنفسك ولا تخافي ترى انا زيك جديدة في هذا القسم وماراح اقولك سهل بس النجاح والمجد مايجي من غير تعب . معليش الحين اتعبي اسهري وذاكري كل يوم وراح تلاقي وقت الاختبار

انو انت مرتاحة ومبسوطة لانك عارفة انك عملت كل جهدك ماعندي نصيحة الك الا التدرب ثم التدرب وهذي نصيحة لنفسي قبل ماتكون لك ياعزيزتي . بالتوفيق لك وللجميع