ابغى اعرف عن استاذاتنا بليز اللي تعرف؟؟

[Last Hope]

السلام عليكم
واخيرا كتبوا اسماء الاساتذة اللي حيدرسونا ان شاء الله
مو كلهم لكن 4 منهم , بليز اللي سبق ودرستها الاستاذة فاطمة عويض الجلسى ( ثقافة اسلامية ) الاستاذة منال محمود مشعال ( لغة فرنسية ) الاستاذة اشواق محمد بصنوي ( الكتابة ) والاستاذ محمد الصويركي ( لغة عربية )
ممكن اعرف اسلوبهم كيف ؟ والواجبات والاختبارات كيف معاهم ؟ اي شي عنهم بليييزز
ولكم جزيل الشكر مقدما...

[ريم17]

فاطمه الجلسي اخذت معاها ثقافه كويسه ..ومس اشواق بصنوي راااااااااااااااائعه جدا جدا جدا لو تكلمت من اليوم الى

بكره ماراح اوفيها حقها ..اخلاق+ شرح ممتاز+ تعطيكي حقك بالدرجات بصراحه انسانه خلوقه جدا

والباقيين مااعرف عنهم شئ بس ان شاء الله يكونوا كويسين كمان ..

كنت بسألك كيف دراسه التعليم عن بعد ؟؟ كيفيه الدراسه +كيفيه التواصل مع اعضاء هيئه التدريس + توزيع الدرجات

وبالتوفيق يارب

[Last Hope]

شكرررا جدا ريم17 , طمنتيني وخاصتا عن الاستاذه فاطمة الجلسي لاني كنت عند استاذه رشا وحولت لفاطمه عشان وقت محاضرتها انسب لي وحضرت اول محاضرة مع رشا وكانت مرره طيبه .. فخفت اني رح اندم :p
ان شاء الله كلهم يكونوا كويسين يارب
بالنسبة للتعليم عن بعد فهو دراسة عن طريق النت وتحضري محاضراتك بالنت وفي اوقات محدده , ونظام الترم الاول كانت يوميا المحاضرات والترم الثاني اول اسبوعين محاضرات مكثفه من السبت للخميس وكانت من العصر للساعه 10 , اما هالترم فالغوا الاسبوعين المكثفين واصبحت محاضرة وحده للماده كل اسبوع ومعظم المحاضرات في العصر والمغرب..
كيفية الدراسه....تكوني منزلة برنامج السنترا من موقع الجامعه ومن هذا النظام تحضري محاضراتك , الاستاذه تشرح وتسمعي لشرحها وتشاركي مع زميلاتك عن طريق تشات موجود في السنترا (الفصول الافتراضيه)
اما موقع الايميس فبواسطته تقدري ترسلي رسائلك للاستاذات واستفسارتك وفيه الكتب الالكترونيه , يعني بتتصفحي المنهج وممكن تذاكري منو ,وتراسلي زميلاتك اللي في الفصل معاك ومن هناك كمان تضع الاستاذات الواجبات اللي عليك والاختبارات القصيره وزمن الاختبارات على حسب الاستاذات , 5 دقايق او 10 او نصف ساعه احيانا وبرضو في منتديات لازم تشاركي فيها وحضور المحاضرات الزامي واذا غبت بمقدار 25% رح تحرمي من الاختبار النهائي لسمح الله
اما توزيع الدرجات.....الترم اللي فات موزعه بهالشكل 50 على اعمال السنه ( واجبات - اختبارات قصيرة - منتديات ) و 50 على الاختبار النهائي.
واي استفسارت اخرى اسئليني :)