اللي متخصصين انجليزي :(

[رزان.]

السلام عليكم ورحمة الله وبركاته
انا خلصت تحضيري وان شاء الله السنة الجايه بتخصص
وابي انقلش وكل ما سالت احد قال لاااا , او تمزحين وكذا
ومحد يأيدني اني اتخصص انقلش , ويقولون يشيب الراس وتدرسين اللغة القديم
ومدري وش :(
أبي نصيحتكم ووجه نظر كل وحدهه متخصص ووش رايها بالتخصص
ماعليكم أمر مرة محتاجه لكم :(
الله يوفقنا ويعيننا

[يوسف 2222]

اخت رزان مافي شي سهل
التخصص يعتمدك على رغبتك وحبك للغه وربي التخصص مو بالصعوبه الي الاغلبيه تتكلم عنها وربي معاي زملاء في نفس التخصص مستواهم اقل من المتوسط ومع ذالك وضعهم كويس في الجامعه

[nour al3mr]

و عليكم السلآم و رحمة الله و بركـآته

حيـآك أختي و مبـآرك لك الخلآص من السنة التحضيرية و بدآية طيبة في درآستك للتخصص

وابي انقلش وكل ما سالت احد قال لاااا , او تمزحين وكذا ومحد يأيدني اني اتخصص انقلش , ويقولون يشيب الراس وتدرسين اللغة القديم

الله يسعدك ضحكت من التعليقين اللي قالوهم لك
لما دخلت التخصص كانوا يقولوا لي أنتِ مجنونة أحد يروح للموت برجوله شوفي بنات الإنجليزي كيف أشكالهم (موميائات ) و قدر الله و جاتني وحده تخصصها انجليزي وتقولي أنا بس أرسب بالموآد شايلة إحدى مواد البيسك 5 مرآت و مادة تخصص 6 مرآت عادتها و عرفتني على صاحباتها و كلهم عملوا حشو سلبي و صورة مظلمة عن التخصص الله يسعدهم هم يحكوني كذه و أنا أضحك و أستفيد منهم لكن المهم لا تخلي أحد يأثر عليك بكلامه
إذا أنتِ وآثقة أنك مختارة القرار الصح و أنك قد الشغلة فلا تكترثي أبدًا لكلآم أي أحد فيه إحباط
خذي الشيء اللي بيفيدك منهم و الباقي أرمي ورى ظهرك ولا عليك أعملي مبدأ أذن من طين و أذن من عجين لكن صدقوا في حتة الشعر يشيب من التخصص و للحق ما هو سهل و لا هو مستحيل و إلا ما كان شفتي خريجين منه

بعد الهرج أعـلآهـ بسألك أختي
أنتِ إنتظـآم أو إنتســــآب أو تعليم عن بُعـد ؟ ( في حال مقدمة على تحويل لأنه بملفك مكتوب انتسـآب ) ~> لأنه حسب نوع درآستك نعطيك أساسيات التخصص :)

[رزان.]

^
انا انتساب ياقلببي , وان شاء الله بحول انتظام واذا ماكتب ربي كذا ولا كذا ابي هالتخصص
وانا والله ماني بلبل انقلش بس اعرف له ولاشياء فيه , بس بسالك على اللغة يجيبون لنا
لغة الشعراء القديمه؟ يعني ماهي نفس مصطلحات الححين والنطق :/ قالتلي وحده كذا:/ على كثثثثثثثر الهرج ماعاد صرت اصدق احد
الله يسعدك كلامك بجججججججججججد رريحني وياجعلك تضحكين ومبسوطه دوم ":
مشكورين

[nour al3mr]

يسلم قلبك ربي و يسعدك :)

بإذن لله تنقبلي كإنتظـآم و إن تم ذلك بعون الله راح تدرسي في فرع الفيصلية

نحكيك عن الوضع كإنتسـآب :)

الإختبار من 100 درجة لأغلب المواد ( عدآ مادة البحث و التدريب العملي )
تذاكري في البيت المنهج و تجي تختبري المادة و طبعًا في دورة السنتــرآ تشرح لكم فيها بشكل مختصر الدكتورات مضمون المنهج و المقرر عليكم و ما في أعمال سنة أو أنشطة مثل الإنتظـآم

::

نجي للتخصص بشكل عـآم :

الموآد في أول سنة بالتخصص بتكون موآد بيسك basic courses
في المُستوى الثالث تآخذي : القراءة 1 .. الكتابة 1 .. الإستماع و التحدث 1 .. فرنسي 1
و كم مادة عامة
في المُستوى الرآبع بتآخذي : القراءة 2 .. الكتابة 2 .. الإستماع و التحدث 2 .. موآد عـآمـة

طبعًا لك الحرية في تنظيم جدولك ابتداءًا من المستوى الثالث بمعنى تقدري تضيفي المواد اللي تبغيها و تحذفي اللي تبغي تأجليها مو شرط تتبعي الخطة لكن هو الأفضل ما تلخبطي الخطة إلا لو كانت مثلاً 6 موآد و تشوفيها صعبة و كثيرة فخذي 5 موآد ~> كثير ما يعرفوا هذه النقطة يفكروا مثل التحضيري الجدول ينزل تلقائي و ثابت :)


بعدها بتجيك موآد علوم اللغة الإنجليزية سواء الأدب أو اللغويـــآت
ما راح تدرسي شعر قديم و لغة عجيبة مثل ما صورها لك .. راح تدرسي أعمال أدبية مثل الشعر و تقرأي قصص و مسرحيـآت
بعضها بتكون بلغة كتّابها القدمـآء خاصة أعمال شكسبيـــر لكنها مو بالصعوبة اللي خوفوك منها .. لأنك راح ترجعي لمراجع من النت و تقرأي شروحات لها بالمودرن انقلش فبتكون سهلة الفهم لا تخافي و إلا مدآنا غرزنا بعصر شكسبيـر هو و لغته :d

و طبعًا موآد اللغويـآت هي عالم آخر جديد عليك تمامًا ما درستيه لا بالتحضيري و لا بالمدرسة و ما هو صعب راح تتعودي عليه لما تدرسيه و تذآكريه

المهم الحين أنك في فترة الإجازة طوري لغتك و نمّي مخزونك اللغوي و أتدربي على الكتابة بشكل صحيح و كيفية تركيب الجمل و أقرأي قصص حتى لو قصص أطفال مافيها شيء المهم تتدربي على كل جوآنب اللغة الأساسية و في الأخير أنتِ اللي بتكوني الكسبانة لأن اللغة مهمة في كل مجالات الحياة بهذا الزمن

و أي استفسـآر حيـآك به دومًا :)

[Lem‹³]

السلام عليكم احمم توي جديدة $$
كلام الاخت نور تمام ماعليه زود
اي تخصص اساس مو سهل لازم نتعب وكذا بس فيه طرق تسهل علينا المذاكره ~
الانجليزي لازم تعرفي مفردات كثيرررر وقواعد البسيطة وان شاء الله مع اجتهادك بيسهل الصعب $$
موفقيننن جميعاً

[برهوم جده]

تصحيح

في المُستوى الثالث تآخذي : القراءة 1 .. الكتابة 1 .. الإستماع و التحدث 1 .. فرنسي 1

الفرنسي في المستوى الخامس وليس الثالث

[رزان.]

مشكورين الله يسعدكم