cpit 240, cpit 250.cpit260,cpit 285 اي احد عندو معلومه عن وحده منها يدخل ...

[Oo 3soOola oo]

السلام عليكم ورحمة الله وبركاته

قواعد بيانات ( cpit 240)
تحليل وتصميم النظم (cpit 250)

نظم تشغيل (cpit260(

الرسم بالحاسب ( cpit285)

هاذي المواد اللي نزلت لي فالخطه للمستوى الجاي....
اقدر ادرسها كلها فمستوى واحد ولا احس انو ضغط 4 مواد تخصص فترم واحد ومعاها ماده حره وثقافه
ايش تنصحووني ؟؟؟؟؟؟؟؟

اللي عندها معلومات عن المواد بشكل عام...

والاستاذات اللي يدرسوها وطريقة الاسئلة وكمان استاذات المعمل .....
تحطها هنا فالموضوع عشان استفيد وغيري اللي حيدرسو المواد يستفيدو...
وشكرن مقدما لكل اللي حيردو..

[طموعه]

عادي مو مره ضغط الا اذا تبغي تطولي مده دراستك

بالنسبه لمين حيدرس فمادري يعني يختلفو

ولو نزلت اسامي الاستاذات ان شاء الله ممكن اقولك كيف الاسلوب والدرجات لانها تختلف من استاذه لاستاذه

[نانو بيبي]

ياحلوة .......استمتعي بالاجازة وبعدين يسير خير
بدري يا اختي
لا تخربين الاجازة على نفسك
ترى مافي اجازة غيرها الترم الجاي
الله يعين الجميع

[Mjjordo]

قواعد بيانات ( cpit 240) ماده قواعد البيانات تدرسو كيف تشتغل الداتا بيس وكيف تتعاملو معاها ترى هيا سهله بس يبالكم تحفظو شويا بس لا تستسهلوها مره فيها لف ودوران وتركيز


تحليل وتصميم النظم (cpit 250) الماده مره خفيفه وسهله عباره عن كيف تحلل اي نظام وكدا متاشيلو همها ماده تمر زي الهوا ان شاء الله

نظم تشغيل (cpit260( عاد دي من اصعب المواد لااازم تشدي حيلك فيها وتحفظي وتزاكري اول باوول وبتركييييز لانو يبالها شغل مره جامد ومعروفه في الكليه انها من اصعب المواد

الرسم بالحاسب ( cpit285 دي الماده مره حلوة تلمك كيف ترسمي بالجافا اشكال وكدا وحلوة الماده ممتعه الصراحـه وسهله

بس ماانصحك تضغطي نفسك بماده حره معاهم وككدا يعني تاخدي ثقافه بس احسلك او تاخدي ماده حره بس بدون ثقافه والراي يرجع ليكي ودا حسب خبرتي والله اعلم

[it boy]

نزلي الاربع مواد هذه ومعها مادة حرة احسن


المواد حلوة وكمان معها مادة حرة يكون مررة احسن الثقافة سهلة ممكن تاخذيها في اي ترم

[جاوا حلاوة]

انا من رأي انك تحاولي تخلصي من مواد التخصص وتخلي المواد السهلة زي المواد الحرة والثقافة للاخير عشان في السنوات الاخيرة الواحد تقفل نفسو من الدراسة والمواد تسير اصعب

[ملك بلا مملكه]

من توكل على الله فهو حسبه

ومن لزم الاستغفار جعل الله له من كل هم فرجا ومن كل ضيق مخرجا

هذي المواد عندي الترم الجاي

من غير مواد حرة من غير متطلبات الجامعة

لاني خلصت منها

والان متفرغ لمواد الكلية



اسال الله ان يوفقكم جميعا

[Oo 3soOola oo]

المشاركة الأصلية كتبت بواسطة طموعه عادي مو مره ضغط الا اذا تبغي تطولي مده دراستك بالنسبه لمين حيدرس فمادري يعني يختلفو ولو نزلت اسامي الاستاذات ان شاء الله ممكن اقولك كيف الاسلوب والدرجات لانها تختلف من استاذه لاستاذه

لااا ماابغى اطولها كفايه 5 سنوات

اوك اول ماتنزل اسماء الاستاذات فالاوديوس رح احطها هنا

وشكرا عالمرور

[Oo 3soOola oo]

المشاركة الأصلية كتبت بواسطة نانو بيبي ياحلوة .......استمتعي بالاجازة وبعدين يسير خير بدري يا اختي لا تخربين الاجازة على نفسك ترى مافي اجازة غيرها الترم الجاي الله يعين الجميع

لا تخافي مستمتعه مع النووووم اكثر شي

بس لانو الثلوث بعد الجاي رح يفتحو الحذف والاضافه ومن ذحين ابغى اجمع المعلومات

وماابغى اكرر غلطات صارت لي الترم اللي فات لاني ماكنت عارفه اسلوب الدكاتره

وبث

شكرا عالمرور

[Oo 3soOola oo]

المشاركة الأصلية كتبت بواسطة Mjjordo قواعد بيانات ( cpit 240) ماده قواعد البيانات تدرسو كيف تشتغل الداتا بيس وكيف تتعاملو معاها ترى هيا سهله بس يبالكم تحفظو شويا بس لا تستسهلوها مره فيها لف ودوران وتركيز تحليل وتصميم النظم (cpit 250) الماده مره خفيفه وسهله عباره عن كيف تحلل اي نظام وكدا متاشيلو همها ماده تمر زي الهوا ان شاء الله نظم تشغيل (cpit260( عاد دي من اصعب المواد لااازم تشدي حيلك فيها وتحفظي وتزاكري اول باوول وبتركييييز لانو يبالها شغل مره جامد ومعروفه في الكليه انها من اصعب المواد الرسم بالحاسب ( cpit285 دي الماده مره حلوة تلمك كيف ترسمي بالجافا اشكال وكدا وحلوة الماده ممتعه الصراحـه وسهله بس ماانصحك تضغطي نفسك بماده حره معاهم وككدا يعني تاخدي ثقافه بس احسلك او تاخدي ماده حره بس بدون ثقافه والراي يرجع ليكي ودا حسب خبرتي والله اعلم

المشكله المواد السهله يجو يحطوها مع دكتوره زباله تصعب الماده

opearting system يارب تنزل لنا مع استاذه مو شبكه ودكتور

القارفكس تحمست لها لانو قد اخذنا فلاب الجافا شي زي كذا

وشكلللو ياماده حره يا ثقافه مو الاثنين حنزلها

وشكرررن عالمرور والمعلومات