استفسار .... تخصص الحااسب

[DONUTS]

في هندسة حاسب في الجامعة لكن بس للأولاد
أعتقد في حساسية في موضوع انو بنت تصير مهندسة !! للأسف شي عجيب مررره

[3mOoRy]

والله الموضوع دا لازم يتقفل مع احترامي لفاتحو هههههه
وربي يا ارانب بتنفلت في دا الموضوع وكم واحد اسمو ( اهلاويه ) بيقولو كلام من كيييسهم ههههههه
امزح والله اهلاويه بس من جد كيسك قوي ., ايش الي هندسة برمجيات في قسم الهندسه (الهندسة الكهربائية و هندسة حاسبات )

صادق الي قال انو في قسم تقنية المعلومات موجود فيه هندسة برمجيات

بس ابغا استفسر هندسة الشبكات فين القاها ؟

[اهلاوية]

^^^^^^^


انتا واحد شرير >>>


بس والله جد

أولا قلت ( اعتقد و الله اعلم ) >> ياريت ما اتفلسفت

تانيا انا اعرف و لمن سألت في الكلية محد قلي انو في مسار زي كدا فاتوقعت انو في المسار دا في كلية الهندسة عندكم لانو احنا البنات ماعندنا هندسة


مو منكم من الي يشارك و يتفلسف مرة تانية



و ثانكس ع المعلومة مرة فادتني

[MR.RA'ED]

في هندسة حاسب في الجامعة لكن بس للأولاد

قسم هندسة الحاسب اللي في الجامعه تبع كلية الهندسة ..
يهتم بالهاردوير تقريبا ..
ومستقبله الوظيفي ضعيف .. صحيح انه الارزاق بيد الله
لكن بسبب الافتقار الى الشركات والمصانع المهتمه بالهاردوير ..

[IT dancing doll]

صحيح مسار هندسة برمجيات موجود عندنا في قسم الاي تي في اخر الاترام تدرس كم ماده

ويكتبون في شهادتك انه هندسة برمجيات بس مااظن انه هوا ذ اللي يسال عنه "طالب"

لانه هذا مجرد مسار ومابتتعلم منه زي لمن يكون تخصص

مسار يعني بس تدرس مادتين زياده غير عن الماده الاساسي وكله اشياء نظري هندسة البرمجيات ومااعتقد انك تبغى ذا الشي

وعموما في جامعة عزوز في البدايه لازم سنه تحضيري بعدين التخصصات يعني عندك فرصه تفهم اكثر

وبالنسبه للمسارات في قسم it
هيا مجرد انه في نهاية الاترام تختاري مسار محدد تكملي فيه اذا خلصت 3 مواد من ذا المسار اظن يكتبه ذا الشي في شهادتك
طبعا الماده الاولى اصلا تكون اجباري عليك والمادتين ال 2 تقررينها بعد ماتختاري المساراللي هوا
-شبكات
-قاعدة بيانات
-هندسة برمجيات

وتمنياتي للجميع بالتوفيق

[3mOoRy]

المشاركة الأصلية كتبت بواسطة اهلاوية ^^^^^^^ انتا واحد شرير >>> بس والله جد أولا قلت ( اعتقد و الله اعلم ) >> ياريت ما اتفلسفت تانيا انا اعرف و لمن سألت في الكلية محد قلي انو في مسار زي كدا فاتوقعت انو في المسار دا في كلية الهندسة عندكم لانو احنا البنات ماعندنا هندسة مو منكم من الي يشارك و يتفلسف مرة تانية و ثانكس ع المعلومة مرة فادتني

اول مره احد يقلي شرير << بيسوي نفسو طيب

بالعكس والله ياليت تشاركي., انا مني ملاقي غيرك مسوي رجه في دا القسم معايا اما الباقيين نايمييييين
العفو .,

[3mOoRy]

المشاركة الأصلية كتبت بواسطة it dancing doll صحيح مسار هندسة برمجيات موجود عندنا في قسم الاي تي في اخر الاترام تدرس كم ماده ويكتبون في شهادتك انه هندسة برمجيات بس مااظن انه هوا ذ اللي يسال عنه "طالب" لانه هذا مجرد مسار ومابتتعلم منه زي لمن يكون تخصص مسار يعني بس تدرس مادتين زياده غير عن الماده الاساسي وكله اشياء نظري هندسة البرمجيات ومااعتقد انك تبغى ذا الشي وعموما في جامعة عزوز في البدايه لازم سنه تحضيري بعدين التخصصات يعني عندك فرصه تفهم اكثر وبالنسبه للمسارات في قسم it هيا مجرد انه في نهاية الاترام تختاري مسار محدد تكملي فيه اذا خلصت 3 مواد من ذا المسار اظن يكتبه ذا الشي في شهادتك طبعا الماده الاولى اصلا تكون اجباري عليك والمادتين ال 2 تقررينها بعد ماتختاري المساراللي هوا -شبكات -قاعدة بيانات -هندسة برمجيات وتمنياتي للجميع بالتوفيق

ياشيخ(ه ) الله يوفقك
مشكور(ه) والله وما قصرت(ي)
والله افدت(ي)نا
بس ياليت تكمل(ي) جميلك وتقلي ., ايت احسن شي من ناحيت الوظايف بعد التخرج والمطلوب اكثر
شبكات ولا قاعدة بيانات ولا هندسة برمجيات ؟؟

[IT dancing doll]

والله ماافتي لك

بس شور كلها لها مستقبلها لانها كلها تكمل بعضها

وعموما المسار ماتقدر تقرره ذحين او حتى تفكر فيه

خليه لوقته لانه زي ماقلت حتاخذوا ماده اجباري في كل تخصص وعلى اساسها حتقرر

ويمكن الشبكات مطلوب بس احس اغلب الناس صارت تفهم شبكات من دون دراسه

عن نفسي ماحوب قاعدة البيانات

وكمان هندسة البرمجيات حاجه مطلوبه وحلوه