عااااااااااااجل جدا جدا جدا جدا النصيحة يآاخوان

[6TNT9]

المشاركة الأصلية كتبت بواسطة hghamdi00 قصدك مكالمة هاتفية ؟؟؟ ولا ايميل !!!؟؟

هاتفية
اشرح له

موفق يارب

[السهم الساطع]

دبر نفسك عذر رسمي

واسر ياساري وامورك طيبه

[أبو سحلب]

اسمع اطلع المطار ضروري الان حاول تطلع انتظار ولا شف ناس !

فيه حل انك تختبر اختبار بديل الترم الجاي بس تدبر عذر و تعطيه الدكتور ، بس صدقني افضل لك تطلع المطار !

جرب اذا جت الساعة 6 و ما طلعت ديور و الحمد لله على كل حال ، اهم شي بذلت الاسباب

[أبو سحلب]

فيه رحلة وحيدة في الليل كل يوم الساعة 4 الفجر ، و اقرب رحلة بعدها الساعة 7 يعني ما لك الا ذي في الخطوط ، دز المطار يا ذيبان

باذن الله تنحل !

دقيقة دقيقة

توني اشوف الساعة !

الحمد لله على قضائه و قدره ، اختبار بديل يا ذيبان الترم الجاي ، بس اهم شي لا تنزلها في الجدول !

[hghamdi00]

أقرب رحلة الساعة 7 وتوصل 8:45 ! مشكورين على وقفتكم معي يا ذباذيب (جمع ذيبان) بس كيف أسوي اختبار بديل ؟! وأخاف يتغير الدكتور !!!!! استغفر الله العلي العظيم

[hghamdi00]

ترى قلبي بينفقع قَهَرًا ! لو إني مو مذاكر كان "أطقع" ما عندي !! أنا خايف يتغير الدكتور الترم الصيفي !! :( :( :( ويجي دكتور أغمض من هرموش !!... مستحيل اللي حصل معاي والله أحس في أحد دعى علي أو... ما أدري ... يارب تتسهل ويجيني خبر مفرح يطلعني من هالأزمة المتأزمة

[كان ودي لكن....]

اخي الكريم دبر لك اي عذر من اي مستشفى وعطه الجامعه وان شاء الله يقبلونه وتختبر اختبار بديل ولا يأثر على معدلك وتختبر هالماده الترم الجاي حتى بدون ماتكون بالجدول ومن ناحيه هرموش ان صار هو اللي ماسك الماده فشي حلو وان مسكها غيره بيكون افضل منه ان شاء الله والامور سهالات طال عمرك وبالتوفيق...

[hghamdi00]

المشاركة الأصلية كتبت بواسطة كان ودي لكن.... اخي الكريم دبر لك اي عذر من اي مستشفى وعطه الجامعه وان شاء الله يقبلونه وتختبر اختبار بديل ولا يأثر على معدلك وتختبر هالماده الترم الجاي حتى بدون ماتكون بالجدول ومن ناحيه هرموش ان صار هو اللي ماسك الماده فشي حلو وان مسكها غيره بيكون افضل منه ان شاء الله والامور سهالات طال عمرك وبالتوفيق...

ردك هداني نوعا ما بس ايش نوع العذر اللي ممكن يقبلوه .. زكام مثلا !؟ لما فاتني الاختبار اللي هنا في الرياض رحت عند موظفين شؤون الطلاب وقالي سجل اسمك في هذي الورقة عشان تختبر اختبار بديل الترم القادم ,, ما سجلت اسمي على اساس اختبر في جدة .. يعني أتوقع ما يحتاج عذر طبي ايش رأيك ؟ كيف أضيف نفسي معهم هلحين ؟!! بنزلها بالصيف كإختبار بديل ان شاء الله بس ايش الخطوة الأولى !!؟ .

[QLQ20]

عسى ان تكرهوا شيئا وهو خير لكم .. مافات الا الشيطان ي رجال بعدين اذا على الاختبار البديل هو يفتح الكترونيا -الترم اللي راح مافتح للطلاب بس للطالبات بس اللي قبله فتح للجميع -العموم ترا شغلة الاختبار البديل بسيطة جدا اذا مافتح التقديم الالكتروني اصبر بعد الاختبارات حق شهر الى شهرين وهي بتتعدل من حالها <من تجربة شخصيه واذا أزم الوضع مره تجي في اي وقت وتقدم معاملة ولا ترسلها فاكس.
نصيحة :
فرغ الطاقة السلبية التي نتجت من عدم تمكنك في اللحاق بالطائره الى طاقة ايجايبة تظهر نتائجها في الاختبار القادم لك بالتوفيق :)

[paris2006]

You remind me of Dr Harmooosh when he keep saying in his lectures "YOU LIKE THIS THEORY OR NOT"


عموماً الدنيا تساهيل والله يوفقك ... وابد لاتشيل هــم اى مادة الكل هنا جاهز للدعم والمساعدة