قياس

[الديحاني 993]

مساءكم الله بالخيراااااات

يا المعتصم بالله أنت وبقية الزملاء الكرام ...

ما أتوقع ان المسئولين في اختبار قياس في الرياض بيمنعوكم من دخول الاختبار بعد إحضار ما يثبت تخرجكم ،

وترى أهل نجد أهل النخوهـ معروفين بذلك من غير تقصير في باقي القبائل ...

لكن توكلوا على الله وبإذن الله تختبرون وأنا أذكركم فيما بعد صدقوني بس لا بد

من أحضار ما يثبت تخرجكم من الجامعة وبشكل رسمي أفضل لكم غير طباعة الافادة الالكترونية...

والله يوفقنا وآياكم أن شاء الله ونعدي في هالاختبار ونفتك من شيء أسمه قياس


وتقبلوا تحياتي وتقديري،،،

[asim]

يا شباب تروا تاريخ تسليم الوثائق ليس دقيقاً
يعني الواحد يجرب قبل ما يتعب بالمشاوير بين المكاتب يمر العمادة
يمكن تكون الشهادة جاهزة
والشهادة تطلع مختومة موقعة جاهزة خذها وعلى القياس .

[عثمان البكري]

شباب الموضوع بسط كل اللي عليكم اطبع افاده من الاودس بانك خريج وهي جاهزه ومختمه ماعليك الا تطبع بدون ما تدعون على احد وبدون سفر وعنا الي الجامعه

[المعتصم بالله]

حياك الله يا الديحاني حيا الله أبو لفاء نورت الصفحة بطلتك الغالية على قلبي وما نسمح لك المرات القادمة تبعد وتهجر المنتدى والله يسعدك فرحت كثيراً بمشاركتك ومشورتك الموفقة باذن الله سنجرب حظنا ونأخذ الافادة وكشف الدرجات وعسى الله يفرجها من عنده ما نبغى الا دعواتكم لنا بالتوفيق والتيسير

ويا رب نجتاز هذا الاختبار جميعاً والله كريم


وانت يا عاصم كلامك صحيح انه ما يبغالها الا مجرد طباعة لكن وش تقول للي ما يبغى ييسر أمور أخوانه الطلاب ولا عندهم الا 11/1 حتى الفرحة بالتخرج ما جات كما ينبغى درجات شكسبير ما نزلت الا بعد عناء في الاسبوع الاول او بداية الاسبوع الثاني ما افتكر والى الان لم يرصدوا لي درجة البديل (الدراما) والان الوثيقة ما راح يسلمونها لنا الا في التاريخ المحدد والله المستعان والى الله المشتكى

[أبو عبدالاله]

انا وصلت للرياض من جدة قبل 10 دقايق وكنت بالعمادة بخصوص افادة اني خريج وقالي الاخ هاني تاخذها من الشؤون الاكاديمة بالكلية (( لاتروحون للعمادة )) وسالته ما فيه امل ناخذ الوثيقة بدري . قالي تعال 1/11 .
طبعا انا عنده وهو يسلم طلاب متخرجين من الترم الثاني ... وسلامتكم...
نقطتين للذكر:
1- لاتنسى تاخذ سجل اكاديمي من العمادة فيما لو سالوا اهل القياس .( طبعا النسخة ب 10 ريال وما يقبلون الا شبكة)
2-ارسلني الاخ هاني لمكتب عشان احدث المعدل- خبركم شكسبير ما رصد الا متاخر-(طبعا ما تعدل الي الان )

[off-on]

المشاركة الأصلية كتبت بواسطة أبو عبدالاله انا وصلت للرياض من جدة قبل 10 دقايق وكنت بالعمادة بخصوص افادة اني خريج وقالي الاخ هاني تاخذها من الشؤون الاكاديمة بالكلية (( لاتروحون للعمادة )) وسالته ما فيه امل ناخذ الوثيقة بدري . قالي تعال 1/11 . طبعا انا عنده وهو يسلم طلاب متخرجين من الترم الثاني ... وسلامتكم... نقطتين للذكر: 1- لاتنسى تاخذ سجل اكاديمي من العمادة فيما لو سالوا اهل القياس .( طبعا النسخة ب 10 ريال وما يقبلون الا شبكة) 2-ارسلني الاخ هاني لمكتب عشان احدث المعدل- خبركم شكسبير ما رصد الا متاخر-(طبعا ما تعدل الي الان )

الحمدلله على السلامه ابو عبدالاله .
بغيت اسألك كم سؤال .

انا طبعت افاده تخرج من الموقع ادوس وختمتها اليوم من العماده . وش رآيك تكفي ؟
ثانيا وش تقصد بالسجل الاكاديمي ؟

لاني اليوم طلبت من العماده كشف درجات ونفس كلامك النسخه ب 10 ريالات هل هذا ما تقصده ؟ وجزيت خيرا

[asim]

السجل الأكاديمي هو نفسه كشف الدرجات أبو عشرة ريال .

[أبو عبدالاله]

المشاركة الأصلية كتبت بواسطة off-on الحمدلله على السلامه ابو عبدالاله . بغيت اسألك كم سؤال . انا طبعت افاده تخرج من الموقع ادوس وختمتها اليوم من العماده . وش رآيك تكفي ؟ ثانيا وش تقصد بالسجل الاكاديمي ؟ لاني اليوم طلبت من العماده كشف درجات ونفس كلامك النسخه ب 10 ريالات هل هذا ما تقصده ؟ وجزيت خيرا

بالنسبة للإفادة اشيك عليها عن طريق اللاب توب وارد لك خبرها ،هي نفسها والا لا .
نعم كشف الدرجات هو السجل الأكاديمي ابو عشره.

[x y z]

كيف تسدد ال( 10 )

[asim]

المشاركة الأصلية كتبت بواسطة x y z كيف تسدد ال( 10 )

عن طريق بطاقة الصراف فقط .
تسدد 10 يعطيك نسخة من سجلك الأكاديمي
وإذا تبغى زيادة زود دراهم
لأن السجل الأكاديمي لا تقبل صوره فلابد أن يكون أصلياً
والوثيقة لمن استلمها صورها بعدد ما تريد من نسخ وارجع إليهم يختموها طبق الأصل
وبالله التوفيق ,