نبذه مختصره عن مواد المستوى الخامس

[ابو ريان 126]

السلام عليكم ورحمة الله وبركاته
الاخوان والاخوات الي بيدرسون مواد المستوى الخامس , هذي تجربه للمواد ان شاء الله تكون مفيده
.
الماده الاولى / LANE 350 الترجمه .
ماده سهله وميسره مثل دكتورها الله يسهل اموره ويوفقه , الكتور خالد توفيق .
طبعا الدكتور حدد 11 ورقه بس للاختبار وجاب من التحديد قطعتين من انجليزي لعربي وقطعتين من عربي لانجليزي . وقطعتين من خارج الكتاب وحده عربي وهي تتكلم عن المملكه ومكانتها والثانيه انجليزي تتكلم عن الاسلام والتعصب المذهبي . وكانت كلها كلماتها بسيطه ومعروفه . واهم شي عند الدكتور انك تكتب وتعبي الورقه بس لا تترك شي فاضي .
.
الماده الثانيه / LANE 341 مقدمه في الادب
الماده تعتمد اعتماد كلي على فهمك الفهم الكامل للنصوص الموجوده في الكتاب من قصص وقصائد وغيرها . يعني لازم تقرأ الكتاب بتمعن اقل شي مرتين بالاضافه الى التحليل وملخصات الاخوان الموجوده في المنتدى , لان الكتاب الحاله يعطيك قصص فقط والتحليل موجود في منتدانا العزيز .
الاختبار كان مكون من عشره اختيارات , صراحه مايحلها الا الي قرا وفهم الكتاب والتحليل .
وعدة اسئله مقاليه , ومن ضمنها التعاريف الموجوده في اخر الكتاب مع ذكر امثله عليها .
.
الماده الثالثه / LANE 321 مقدمه في اللغويات
هذي الماده بالذات انا اشوف ان الواحد ما يذاكر شي غير الكتاب فقط
الاختبار كان عباره عن 100 سؤال اختيارات كلها , واتوقع انه ما بيحلها الا الي قرا الكتاب . بما ان الاختبار كان شامل انا اشوف ان الملخصات وخصوصا التجاريه ما تنفع ابدا لان الملخصين يتركون اشياء مهمه مثل التعاريف ما تتلخص . وكان اغلب الاختيارات من التعاريف الي في اخر الكتاب وهي نفسها موجوده داخل مواضيع الكتاب المختلفه .
الكتاب مكون من عشرين فصل منوعه وكاملة الدسم ولكن الي قرا الكتاب كامل وركز على التعاريف بيحل كويس في اختبارها ان شاء الله .
طبعا لكثرة التعاريف اشوف والرأي لكم ان الواحد بعد ما يذاكر الكتاب ويقرأ التعاريف مع فهمها يعمل بطريقة ال keywords يعني يمسك كلمه بارزه في التعريف ويربطها بعنوان التعريف نفسه ولكن بشرط يكون في المره الثانيه أو الي بعدها بعد مايكون فهم التعريف لاحتمال تغيير طريقة الاختبار .
.
الماده الرابعه / LANE 331 مناهج البحث
ماده مكونه من سبعه فصول دسمه , الكتاب هو الحل الأمثل لمذاكرتها .
الكتاب يخوف شوي بس اختبارها كان مطمئن نسبيا لانه ما تعمق .
انا صراحه تعبت في مذاكرتها ولكن كان اغلب اختبارها في مواضيع رئيسيه ورؤوس اقلام ولا تعمق في التفاصيل الدقيقه .
كان اختبارها 30 فقره صح وخطا
10 فقرات اختصارات ورموز وتكتبها كامله , والصراحه كانت سهله مثل علامة الاستفهام والفاصله المنقوطه و شهر سبتمبر وغيرها وهي موجوده في الموضوع المثبت عن الاسئله لهذا الترم .
وكان فيها سؤال مقالي يخيرك بين ثلاثه مواضيع , تكتب واحد منها .
.
هذا كل ما لدي اسأل الله لي ولكم التوفيق
يرجي الانتباه الى ان طريقة الاسئله ممكن تتغير .
صراحه مواد تعبنا في مذاكرتها ولكن لا ينسب الى تعبنا أو جهدنا اي شي , وانما الى توفيق الله سبحانه وتيسيره . فهو القادر والمعين والرزاق نسأله ان يمن علينا بكرمه ويساعدنا في حياتنا العلميه والعمليه .

[سنبلا]

ابو ريان 126
الله يجزاك الجنة على هذا التوضيح
لأني سوف ادرسها السمستر القادم بإذن الله تعالى
لك خالص شكري وتقديري الله يوفقك في حياتك

[serالكاسرyas]

رحم الله والديك ماقصرت

اضيف نقطة مهمة ايضاً

321 و 341 هالمادتين متعلقة ببقية المواد لحد التخرج

يعني بشكل اوضح هي متطلب لكل الاترام الجايه

بالتوفيق للجميع

[بدر بن فهد]

شكرا لك اخوي ابو ريان

[ابو ريان 126]

شاكر مروركم
الله يسهل اموركم
اخوي الكاسر
ومنكم نستفيد
هذي معلومه مهمه جدا تجعل هالمادتين بالغة الاهميه

[ذياب]

ما قصرت بصراحة ماعندي اي فكرة عن ها لمواد والشباب الله يهديهم في اغلب مواضيعهم للي يسئلون عن المواد يخوفون في ردودهم ماقصرت

بس فيه سؤال ياحلوين

ودي اشتري هالكتب عشاني ان شاء الله بكون في المستوى الخامس السمستر الجاي وودي اطقطق عليها في الاجازة شوي

تتوقعون الكتب راح يكون فيها تغيير

[english man]

موفق يعطيك العافية

[عبدالله بن عبدالرحمن]

ابو ريان معقولة اللغويات بالمستوي الخامس
وانا بنقل جامعة تبوك وبندرسها بالمستوي الثالث
اخوي
http://www.skaau.com/vb/showthread.php?t=217788

اتمنى تدخل وبتلقا بالصفحةالثانيةرابط جدول جامعة تبوك ابيك تشوفليها الله لايهينك واذا تشوفة صعب
بجد مقدر ادر لغويات ومقدمة فى الادب وانا لسا مستوي ثالث


اتمنى خبرتك ياغالى والله العظيم متلخبط ومحتاااااااااااااااااااااار
اخاف اجيب العيد
بنتضارك

اسال الله للجميع التوفيق

[ابو ريان 126]

اخوي ذياب
انا اقول لك اشترها لأنك ما بتخسر شي وبالذات كتابين 321 مقدمه في اللغويات + 341 مقدمه في الادب
لأن منهج اللغويات منهج طويل ولو بديت في قرائته من الحين حتى لو اطلاع على العناوين والافكار الرئيسيه بتسهل عليك مذاكرته بعدين ان شاء الله .
والادب بعد اقرأ القصص متى ما تكون فاضي .
ان شاء الله ما تتغير كتبها وهذا اللي اتوقعه , وفرضا لو تغيرت ما بتخسر شي تكون اطلعت وكسبت معلومات تفيدك

[ابو ريان 126]

المشاركة الأصلية كتبت بواسطة عبدالله بن عبدالرحمن ابو ريان معقولة اللغويات بالمستوي الخامس وانا بنقل جامعة تبوك وبندرسها بالمستوي الثالث اخوي استشارة لكل الطلاب هل ترى ادب انجليزي او لغات وترجمة افضل اتمنى تدخل وبتلقا بالصفحةالثانيةرابط جدول جامعة تبوك ابيك تشوفليها الله لايهينك واذا تشوفة صعب بجد مقدر ادر لغويات ومقدمة فى الادب وانا لسا مستوي ثالث اتمنى خبرتك ياغالى والله العظيم متلخبط ومحتاااااااااااااااااااااار اخاف اجيب العيد بنتضارك اسال الله للجميع التوفيق

اسأل الله لك التوفيق والسداد
اللغويات والادب مواد اساسيه ومتطلب ضروري لمواد بعدها
وبما انهم حاطينها في المستوى الثالث يعني ضروري تاخذها من بدري
ولا فيه فرق انك تدرسها في المستوى الثالث أو الخامس
اهم شي تذاكرها زين وتفهمها بعد التوكل على الله سبحانه
وبخصوص الجدول والله ما ادري وش الكتب المقرره عندكم بالتحديد
ولكن تأكد ان فيه غيرك درسها بنفس الجدول ونجح , ولا هو افضل منك اذا اجتهدت ولا ينقصك اي شي , غير المثابره والمذاكره من بدري وتعديها بأعلى الدرجات ان شاء الله
اهم شيء تأكد ان ما فيه شي صعب مع التوكل على الله ثم الاجتهاد والهمه العاليه