محتاجة شوركم ياجماعة

[s2t]

السلام عليكم ورحمة الله
حابة اخد رايكم في المواد اللي نزلت في الجدول ايش ممكن احذف وايش اضيف
المواد اللي بجدولي هي
الصرف
المسرحية
الصوتيات
النقد الادبي
مقدمة في العلوم الطبيعية
مع العلم اني لسه ما اخدت القراءة 2 ولا مادة الفنكشن
بس الحمد لله عديت مواد المقدمة في اللغويات والترجمة والشعر ومقدمة في الادب
فعل اخد النقد الادبي ولا اخليها لين انجح في الواد الادبية كلها
بايش تنصحوني ؟؟؟؟
ام حمدان يهمني رايك

[لصممتي حكممه]

الافضل انك تحذفين النقد وتضيفين بدلها الريدينق 2 علشان تخلصين منه وترتاحين ..~

باقي المواد تمآآم ان شاء الله ..~

الفكشن عادي بعدين تاخذينها لانها مو متطلب لاي ماده ..~

موفقهـ ..~

[s2t]

يعطيكي الف عافية ماتقصري
خلاص ان شالله بضيف الريدينق واحذف النقد لاني اصلا متخوفة منه
تسلميلي

[ام حمدان]

وعليكم السلام ورحمة الله وبركاته


حياك ربي اختي الكريمه


الريدنق2 ضروري تخلصي منه وترتاحي من همه مادمتي لسى فاكره المنهج وربي ييسره لك

الصوتيات والصرف تمام تقدري تدرسيهم

النقد مو صعب ابدا تقدري تدرسيه عادي طالما اقل شي درستي ادب وماده ادبيه الي هي الشعر

عالاقل هو اخف من الفكشن الي بيكون ضغط عليك مع المسرحيه

النقد كتاب ومنهج يتذاكر مو زي مواد الادب الباقيه نصوص وتحليلات من النت يعني مايخوف ابداً

ولو حسيتي نفسك تحتاجي تحذفي ماده فاحذفي الصرف اما الصوتيات لاتفوتيها مع مس ليلى


وفقك الله ويسر امرك

[s2t]

الله يطمن قلبك يا أم حمدان
طيب تعرفي اسم الكتاب ومن فين ممكن احصلو ؟حق مادة النقد الادبي

[ام حمدان]

واياك يارب :)

يب هنا اسمه تلقيه في ملف مفردات المناهج حمليه ودوري عند رمز الماده lane 446

http://www.skaau.com/vb/showthread.php?t=602792


ممكن تلقيه في المكتبات الي حول الجامعه عند محطه المنار

زي مكتبة الاصلاح او الامين
لاتنفجعي منه هو دب صحيح بس لان فيه امثله من اعمال ادبيه كثير

غير كذا الماده نازله مع دكتوره تمام فمافي خوف منها ان شاء الله

وفقك الله