اللي حيختبرو قدرات يوم الاحد..مستعدين؟ جاهزين؟ من فين بتزاكرو؟ تعالو نستفيد من بعض..

[المتخرجة]

السلام عليكم
كيف حااااالكم؟؟
وكيف النفسية؟؟
مستعدين؟؟
بتزاكرو؟؟

الموضوع دا عشان نستفيد من بعض
من فين نزاكر؟
وعلى ايش نركز؟
....الخ

انا حبدأ..
بصراحة انا ما لقيت كتاب القدرات للجامعيين بس اشتريت كتاب اسمو رام1 وكتاب اسمو المتميز
كلهم للقدرات العامة مو للجامعيين بس ناس قالولي انهم حيفيدوني برضو..
حاسة الجزء اللفظي سهل واقدر اجيب فيه علامة كويسة.. إن شاء الله

بس الجزء الكمي
مني قادرة افهم فيه شي وحاولت احفظ القوانين المكتوبة في الكتب بس برضو حاستها كتيييير وتلخبط وكمان بما إني من زمااااان عن الرياضيات والمعادلات (من أولى ثنوي) مني قادرة استوعب إنو في المسألة دي لازم استخدم دا القانون

انتو ياحلوين كيف بتزاكرو وكيف استعدادكم للاختبار؟؟
خايفين زيي ولا حاسين انو حيكون اختبار سهل؟؟

..بانتظاركم..

[بندرحمد]

الله يا ودود ياذا العرش المجيد يافعال لماتريد

انك تجعلني وباقي الطلاب والطالبات من المقبولين

في اختبار القدرات والماجستير لهذا العام

انا ذاكرت ياحلوه من كتاب الامين للمهارات

والكتاب الجزء اللفظي حلو

وسهل بس الكمي واااااااااااااااااو مره مانى فاهمته

الله يعين يا كريم

[المتخرجة]

اهلا ياعسل
من جد الجزء الكني مررررررة وحش وصعب
طيب ايش ناوية تسوي في الاختبار يعني؟؟

مادري انا فبالي احل الجزء الكمي شختك بختك!!!
اصلا ماعندي غير دا الحل
الله يسهل بس

[shada_Ak]

http://www.skaau.com/vb/showthread.php?t=278910

[Rim]

انا حضرت اليوم الدوره المجانيه اللي في منتدى قدرات وبصراحه مره روعه فادتني
وبكره حنكمل , هيا بس يومين اليوم وبكره
عرفت عنها من هذا الرابط جزاها الله خير سدر المنتهى
http://www.skaau.com/vb/showthread.php?t=278845

[المتخرجة]

طيب يا اخت ريم فين مكان المحاضرة؟؟
وايش استفدتي ممكن تقوليلنا اهم الاشياء اللي استفدتيها؟؟

[شاطئ الاحزان]

اللهم أني أسالك بأسمك الأعظم هو أنك الله الذي لا إله أنت الأحد الصمد الذي لم يلدولم يولد ولم يكن لة كفوا احد أن تيسر امر اختبار القدرات لي ولاخواتي وتجعلنا من المقبولين في الماجستير بعزتك وقدرتك ياارحم الراحمين
انا عن نفسي ماحصلت الكتاب القدرات للجامعيين ولقيت في مكتبة العبيكان كتاب حق القدرات التابع لمركز قياس وسجلت في منتدى قياس وسالتهم عن وضع الاسئلة قالو تقريبا نفس الثانوي مع( اختلاف بسيط بس لاتعتمدو كلامي هذا) وفي المنتدى نماذج مركز قياس رائعة مع حلولها
الله يخليكم اللي تستفيد تدعي لي ان الله يفرج همي

[shada_Ak]

http://www.qdrat.com/vb/register.php?referrerid=6202


سجلو في هذا المنتدى وراح تستفيدو إن شاء الله

[رحــلة]

المشاركة الأصلية كتبت بواسطة shada_Ak http://www.qdrat.com/vb/register.php?referrerid=6202 سجلو في هذا المنتدى وراح تستفيدو إن شاء الله

يارب وفقنا جميعا ..
ونفرح بالقبول ..
عن نفسي في هالرابط مرفقات أفادتني ..
خصوصاً كتابي القدرات 1 / ورام 1

والمرفقات المرفقة من منتديات يزيد رائعة ..
لـ تحميل بعض الكتب المفيدة للقدرات بــ صيغة pdf [متجدد].. ‏( 1 2 3 ... الصفحة الأخيرة)

/

بالنسبة لمنتدى قدرات ..
أنا سجلت واليوم لما دخلت ماعرفت أدخل القاعة :(
المقام فيها الدورة ..
يالبيت اللي سجل ودخل يفيدني ..
.


.
.

[المتخرجة]

حتى انا حاولت اسجل في دورة القدرات اللي في المنتدى
بس برضو ما رضيت تفتح الصفحة معايا
مادري ايش المشكلة

طيب ياريت تقولولي كيف حتتصرفوا مع الجزء الكمي في الاختبار؟؟
انا مرة شايلة هم
ما ابغا أجيب درجة واطية

الله يسهل للجميع