هنا تجد جميع ما يخص الدورات التأهليه لجميع المستويات (طالبات)الفصل الثاني 1429/1430هـ

[شك شك]

المشاركة الأصلية كتبت بواسطة *moon light* اهلا بالنحيفة شك شك بالنسبة لمقدمة في اللغويات معانا هادي الفصول 2-4-5-6-7-8-9-10-11-13-14-15 مقدمة في الترجمة ركزت على القطع من ص 125 الى ص 136 وفي الامتحان راح يجينا 4 قطع 2 من انجلش لعربي و2 من عربي لانجلش ان شاء الله اكون افدتك لا تتردي عند اي سؤال

الله يسعدك ويوفقك يا شيخه خلاس سلامتك وشكرا طولتي بالك عليا

[buuuz]

بنات ممكن أحد يقولي ايش اللي معانا بالظيط في الأبلاااايد مع دكتورة خولة و المودرت مع سيد احسان؟؟

[داانه]

هلاbuuuz

الابلايد
معانا شبتر 1-2-3-4-6-7
المودرن

ارمز اند ذا مان........مسرحيه
باسج تو انديا...........روايه
ذا ستوري اوف ان اور.......قصه قصيره

ديزرت بلاسز ......قصيده
سيلينق تو بيزانتيوم......قصيده

بالاضااافه الى تعااريف للمصطلحات الأدبيه

بلوت _ كاراكترز _ سيتنق_ كلايمكس _ستاير......الخ

تقدري تطلعيها من قوقل او اذا عندك الأوراق تبع مقدمه في الأدب حتلاقي التعاريف فيها


الله يوفقك

[buuuz]

يعطيكي العافية دانه مشكوره وماقصرتي :)

[om haya]

السلام عليكم يا بنات..

انا اول مرة اسجل في المنتدى .. مرة فرحت لمن لقيت المنتدى ..

انا ماني في السعودية .. ما قدرت احضر الدورة .. عشان بعثة زوجي .. ادعولي ارجع .. طقيت من الغربة .. طقيت ..

ودحين انا مرة حايسة الله يوفقكم ساعدوني..

المواد الي عندي هيا :

phonetics 332 شعبة 1 morphology 333 شعبة 1
syntax 334 شعبة 1 semantics 438 شعبة 1
مقدمة ادب شعبة 2

بالنسبة لمقدمة ادب مرة شكرا يا warm heart مرة استفدت من مشاركتك .. بس عندي سؤال هل المسرحية معانا ولا لآ ؟ ويا ريت تقولي لي كيف الاسئلة على القصص والشعر ..

وبالنسبة لباقي المواد فلو سمحتوا ابغى اعرف ايش الكتب .. عشان ابغي اتاكد من الي عندي .. وابغى اعرف كمان ايش الي داخل في الامتحان..

مرة شكرا ليكم كلكم .. انا عارفة انو طلباتي كثير .. بس مالي غيركم بعد الله يساعدني

[nofy]

مون وش صار معك حبيبتي

[om haya]

لو سمحتوا يا بنات ساعدوني

[بنت ناس]

بنات الله يوفقكم انا ماحضرت الدورة وعندي
فرنسي 2 مع جيهان وحسب ماسمعت انها تحدد الاشياء الي معانا
الي عندها فرنسي 2 تنقذني هدا ترم تخرجي ماابغى ارسب
الشي الثاني في التدريب العملي للغة في وقت محدد ينتهي فيه التدريب؟
لاني الاربعاء سددت ولسا ماتدربت؟
والله يوفقنا في دنيتنا واخرتنا

[warm heart]

المشاركة الأصلية كتبت بواسطة om haya السلام عليكم يا بنات.. انا اول مرة اسجل في المنتدى .. مرة فرحت لمن لقيت المنتدى .. انا ماني في السعودية .. ما قدرت احضر الدورة .. عشان بعثة زوجي .. ادعولي ارجع .. طقيت من الغربة .. طقيت .. ودحين انا مرة حايسة الله يوفقكم ساعدوني.. المواد الي عندي هيا : phonetics 332 شعبة 1 morphology 333 شعبة 1 syntax 334 شعبة 1 semantics 438 شعبة 1 مقدمة ادب شعبة 2 بالنسبة لمقدمة ادب مرة شكرا يا warm heart مرة استفدت من مشاركتك .. بس عندي سؤال هل المسرحية معانا ولا لآ ؟ ويا ريت تقولي لي كيف الاسئلة على القصص والشعر .. وبالنسبة لباقي المواد فلو سمحتوا ابغى اعرف ايش الكتب .. عشان ابغي اتاكد من الي عندي .. وابغى اعرف كمان ايش الي داخل في الامتحان.. مرة شكرا ليكم كلكم .. انا عارفة انو طلباتي كثير .. بس مالي غيركم بعد الله يساعدني

هلا اختي مسرحية Pygmalion محذوفه
وكمان في اخر محاضرة كتب اسئلة طريقة الامتحان وان شاء الله احاول اكتبها وانزلها
بعد يومين والاسئلة حتكون 70% essay و 30 % اختياري
ركز على ديزي ميلر مرة وشوفي الموقع فيه اسئلة اختياري
http://www.sparknotes.com/lit/daisy/quiz.html


شوفي الرابط حيفيدك في طريقة مذاكرة المادة
تجربة أدبية (مقدمة في الادب341)

وهذا كمان
ملخص جديد لمادة 341 على شكل نقاط مهمة الفصل الثاني 1430هـ

دعوااتك

[om haya]

مشكورة يا warm heart ريحتيني

الله يوفقنا يا رب في الامتحانات وتعدي على خير يا رب