قولولي بلييييز

[rozaleen]

السلام عليكم .. حبيت اسأل اللي اخذو مادة مقدمة في العلوم الطبيعية كيف المادة وأسئلتها هل هي سهلة وممكن الواحد يجيب فيها درجة حلوة ومين افضل أستاذة .... وكمان مادة الفكر الفلسفي كيف هي ومين تنصحوني أستاذة ..؟؟؟ بصراحة حابة أخد مواد ترفعلي المعدل ايش نصيحتكم ....

[الملاك الأبيض]

وعليكم السلام والرحمة والاكرام . هلا اختي روزالين بالنسبة لاستفسارك عن مادة العلوم انا اخدتها الترم الي فات والمادة جدا حلوة وممتعة خصوصا انو فيها قسم حساب على قسم نظري يعني متنوعة وتغيري جو من مواد الانقلش , تقدري تاخديها وكثير بنات عدوها في التسعينات ماشاء الله , بس اهم شي تختاري الاستاذة الكويسة وبعدين يبقى الباقي على اجتهادك عندك افضل الاستاذات :
سامية كوسا +اكرام دانش شرح ممتع ويفهم
بالنسبة للاسئلة صح وخطأ وخيارات , والاسئلة ماهي موحدة بل على حسب كل استاذة بس غالبا تيجي واضحة والجزء العملي الي يعتمد على الحساب والقوانين قليل فلا تخافي واهم شي تدربي على الموقع التفاعلي لانو تيجي الاسئلة على نفس النمط وهذا الرابط :

http://prod.kau.edu.sa/faculties/sci...205/index.aspx


وبالنسبة لمادة الفكر الفلسفي برضو مادة حلوة وترفع المعدل صاحبتي اخذتها مع استاذ الترم الي فات وجابت ايه بلوس ماشاء الله بس للامانة ماني عارفة اسمه بس غالبا الاساتذة تيجي اسئلتهم افضل من الاستاذات وتعاونهم في التصحيح ومراعاتهم اكثر فاختاري الاساتذة الرجال , والاسئلة برضو خيارات وصح وخطأ وعلى حسب الاستاذ يعني مو موحدة , فالك التوفيق يارب

[rozaleen]

جزاك الله خير ومشكووورة أختي الملاك الابيض