محتاج سكن لشخص واحد حول الجامعة نظيف وايجاره معقول مين يساعدني؟ ^_^

[اقتصادي لغوي]

مسا الخير ع الجميع :)

أهلي ف جدة كيفكم عساكم مرتاحين

أنا من المدينة وجاي ع جدة لدراسة الماجستير ومحتاج سكن لائق ف عمارة مرتبة لشخص واحد اللي هوه أنا

مثلا غرفة بحمام خاص الله يكرمكم

أو غرفة وصالة يعني شقة صغيرة

والايجار اللي أقدر عليه هوه مبلغ المكافأة حقت الجامعة اللي هيا 900 ريال كأقصى حد طبعا لو أقل يكون أحسن ههههههههه

بس أنا مشكلتي اخد فكرة من زمان عن عماير العزاب ماهي حلوة اللي هيا انها غالبا بتكون ماهي نظيفة وازعاج ووو

بينما أنا سكنت أيام البكالريوس ف حي النسيم ف عمارة عوائل أجانب وايجار 12000 ف السنة يعني كانت طيبة وحارس عمارة طيب ونشيط ويغسل السيارة ب 50 ريال ف الشهر

يعني أنا أفضل هادا الوضع لكن ازا مثلا عمارة خاصة للطلاب ونظيفة وهادية برضو فكرة حلوة تستحق التجربة :)

معليش ما أبغى أطول عليكم ولا أشغلكم معايا بس اللي يعرف حاجة ومتأكد منها بالله لا يتاخر عليا يعطيني خبر عشان الدراسة حتبدأ ف 5 ذو القعدة يعني ما بقي شيء كتير ههههههه

ربنا يسهلها يااااااااارب

تحياتي ليكم

[بطالة مع مرتبة الشرف]

انصحك تنزل لجدة لانو عارف الايام هذي مزحومة من السائحين وانت وحظك ومابقي وقت كثير انا بابشوف الناس ماشاء الله بتحجز من وقت القبول فافضل شي تنزل بنفسك وتاخذ وتعطي في السعر وتشوف المكان بنفسك لانه بصراحة احيانا اللي مايناسبك يكون يناسب شخص ثاني وانصحك كمان تبعد شوية عن الجامعة يعني تدور في الاحياء المجاورة للجامعة او جنوب جدة حتلاقي الاجار ارخص لك مثلا حي الفيحاء والنسيم والاجاويد .. الخ وربنا يسهلك واسفة لاني مااملك معلومات عن السكن

[عبدالعزيز المقبل]

اذا فيه دلالة ممكن اشوف لك :)

لعلي يا اخي اقتصادي اسأل لك في بعض مكاتب العقار
وارد لك الخبر قريبا ان وجدت ما يفيد..
موفق..

[نواف بن فهد]

وعليكم السلام

الايجارات الحين غاليه جدا ..

واذا تبغى شيء نظيف لازم تهز الريال ههههه واكثر العقود سنويه ( يعني تدفع ايجار السنة كامله حتى لو سافرت ).

يعني هنا محد بيفيدك كثير، لازم تنزل بنفسك وتدور
حي النسيم ممتاز جداً ، او تبعد شوي الى حي السامر او الصفا ( مشوار 15 دقيقه للجامعة او اقل ).
وما أنصحك بعمائر العزاب ازعاااج غير طبيعي .

[اقتصادي لغوي]

مشكورين الاساتذه

بطالة مع مرتبة الشرف

وعبد العزيز المقبل

ونواف بن فهد

ربنا يسهلها :)