سجلت بالانتساب وانقبلت بس مو عارفه شي...

[%نسيم الفجر%]

السلام عليكم ورحمة الله..

مالي بعد الله الا انتم اخواني وخواتي...

انا لي 7سنوات متخرجه والظروف ماسمحت لي الا هذي السنه اشد على نفسي واسجل انتساب وانا مو من جده بعد...
تكفوووون مالي خبره بالجامعه وانظمتها ساااااعدوني الحين كيف اخذ الجدول ولا الكتب كيف اعرفها
ولا في ملازم ولا كيييف انا ام وعندي اطفال يعني لازم اذاكر من بدري لاني ناسيييه كل مادرست من قبل والصراحه خااايفه من الرياضايات والاحصاء لاني فيه مييييييح ولا استوعب بسهوله
بسالكم السنه التحضيريه فيها صعوبات كيف اقدر اتغلب عليها والله براسي الف سؤال وشايله هم
ودي اكمل تعليمي ....

اي بعد عطوني رقم جامعي ورقم سري لنظم المعلومات وش اسوي فيهم وش فايدتهم...
دعوه صـــــــآدقه لكل اللي يساعدني ويوقف جنبي ...

[مى جده]

الف مبروك اول شي انك قررتي ترجعين تدرسين بعد 7 سنين تخرج قرار صائب ربي يوفقك وتكملين لين تخرج ونفرح في تخرجك باذن الله والله يحفظ لك عيالك من كل مكروة شوفي والله انا مانصحك ابد بالملازم تراها تضيعك وفيها معلومات ومعلومات مو مضافه فيها الافضل والاحسن انك تشترين كتب وتبدين تذكرين المواد النظري زي التفكير + الاتصال + وفي مواد علمية زي الحاسب + الاحصاء + الرياضيات والانجليزي طبعنا مستوين مستوى بغنر والمنتري ذا المستوي التمهيدي وفوق تمهيدي لمن تنجحين فيهم باذن الله من دون رسوب لاسمح الله دريكت تاخذين مستوي الثاني الى المتوسط وفوق المتوسط وان إن شاء الله كلهم تنجحين فيهم والجدول راح ينزلك لك في بداية الترم سوا راح تكون من خطة ا او خطة ب وانا كنت في الترم الاول خطة ب كنت مدلعه 4 مواد والحمد الله جبت في الترم الاول معدل احلا من معدل الترم الثاني بس كل المواد ناجحه فيهم الحمد الله ^^ واحلا مواد عجبوني في التحضريه من وجهه نظري طبعنا الاحصاء + الحاسب والتفكير + الاتصال + ثقافه ذولاء مواد مرة خفيفه وسهله ومتتعه كمان وتقدري تجيبن a+ بسهوله ان إن شاء الله والمواد الى يبغالها تركيز الانجليزي المستوين والرياضيات والمهارات الغويه هذة مواد تحتاج تركيز ومذاكرة لانها علميه خصوصنا الرياضيات معادلات يعني يحتاج مذاكرة قبل الاختبار بشهر لو شديت نفسك راح تختمي قبل الاختبار ولا تقولين صعب كل شي سهل باذن الله والله يكتب لك الى فيه الخير يارب واي شي تبغين اساعدك فيه بحكم انا نجحت في التحضريه وانا مثلك كنت منتسبه وباذن الله راح احول انتظام اذا شاء ربي انا جاهزة لي سوال
^_^

[%نسيم الفجر%]

مي ربي يسعدك ويوفقك وتتخرجين بامتياز....

طيب بسالك كيف كنتي تذاكرين ...من الكتاب كللله ولا محدد شي مهم وكنت تحضرين بالجامعه دورات وكذا ولا وقت الاختبار بس ...

[مى جده]

تسلمين ياعسل ويوفقك ايضا ^^ انا كنت اذاكر من الكتب وكنت ادخل المنتدى واخذ الملخصات الى مدرجينها في الملخصات للسنة التحضريه كنت لمن اذاكر الكتب اطبع الملخصات الى على النت بس لاتاخذين الملخصات مذاكرة بس مرجع اممم نحن مادوام الا وقت الاختبار فقطـــــ واعتقد اعطوني تعريف للسنة التحضريه وحضرتها يعلمونا طرق المذاكرة وطرق استخدام السنترا وكيفيه الاختبارات ومعلومات مهمة انصحك اذا جاء موعدها حتى اذا ماحضرتي تتدخلين المنتدى وراح تلقين البنات كاتبين كل شي بخصوص يوم التعريف الارشادي ومرة رحت وسمحت لى دكتورة احضر محاضرة الرياضيات مع البنات الانتظام وحضرتها وقالت لى اذ حابة تجي وقت محاضرات تعالي بس ابويه مو فاضي يوميا يوديني مرة وحدة ومافي غيرها ^^ والله يوفقك في دارستك

[Luotty hyuna♥..}]

الف مبرووووووك حيآآآك معنا

[%نسيم الفجر%]

شكرااااا يااااعسل الله يوفقنا....

يعني اعتمد على الكتاب ان شاء الله...الصراحه استفدت منك كثير...

[آمال وأحلام]

حبيبتي لاتشيلين هم سهالة ان شاء الله
وكلنا ماكنا نعرف شي والحمد لله تعلمنا بس انتي ابداي مع بدايه السنه هي راح تنزل لك خطه وموادها محددة واللي عليك انك تتابعين نتدى السنه التحضيرية باستمرار وتعتمدين على الكتب وادا خلصت من مداكرة الكتب روحي كنتدى الملخصات الخاص بالسنه التحضيريه وربي راح تستفيدي كثير كثير
حتى انا من خارج جدة ومتزوجة وعندي وعندك الخير والحمد لله لاتشيلين هم ربي يسهلها
لكني ادخل المنتدى شبه يومي وانزل نمادج للأمتحانات وربي روعه وربي يجزاهم كل خير صبايا وشباب وماادعي لهم الا بالتوفيق والنجاح وبجنات الفردوس الاعلى
صراحه المنتدى ساعدني كثير بعد الله سبحانه وتعالى وبالنسبه للمواد العلمية من بدايه السنه داكريها وخدي لك مدرسه خصوصي واول باول تابعي ولاتراكمي الدروس حتى ماتطفشي وتتكسلي وبالنسبه لمادة الانجليزي نفس الطريقة وفيه ملازم نزليها من المنتدى اسمها ملزمة الانجليزي 101وملزمه 102 راح تسهل لك كثير كثير وكل الأستادات معتمدينها وراح تلقينها في مكتبة خوارزم قريبه من الجامعه وادا ماقدرت تشتريها نزليها من المنتدى راح تحصليها
توكلي على الله ولاتشيلين هم وانا متاكدة انك راح تجيبين 5من5 وخطوة جدا جدا ممتازة انك فكرتي تكملي دراستك وادا احتجتي اي شى انا بالخدمة وباي وقت
اتمنى لك التوفيق من كل قلبي وربي يحقق كل آمالك وطموحاتك يارب

[%نسيم الفجر%]

امال مشكوووره ربي يسعدك...

ولوووو ماتقصرين ياقمر...

[ساكو]

الاودس فيه كل شئ وبعد السداد ينزل جدولك تلقائي
وتبدين ترتبين نفسك وتقسمين المواد اللي تحتاج وقت وجهد
وتذاكرينها
هنا رابط يوضح المقررات بكل تخصص تقدرين تتصفحينه وتقرينه
برمز ورقم الماده ..
http://art.kau.edu.sa/Pages-%D9%85%D...%A7%D8%A8.aspx

ولا تشيلين هم كل شئ سهل بإذن الله .. انتي بس ركزي ع اي شئ ينزلك ع الاودس وموفقه يارب

[%نسيم الفجر%]

ساكو مشكووووره ماقصرتي ياعسل ربي يوفقك ويفتحها بوجهك وين مارحتي...اللهم امييين

طيب عندي سوال كيف ادخل على الاوديس حاااولت بس ماعرفت ...اذا ماعليك ثقل...