بنات استاذة مشاعل بوقري في البرمجة

[foofooo.caffee]

السلام عليكم ورحمة الله وبركاته
ياجماعة الخير انا مو فاهمة ولا شي في دي المادة ومادري حتى الاستاذة اي شابتر وصلت ؟ الي عارف يكتب ...
مادري كيف حنجح فيها عن جد موفاهمة حتى من وين ازاكر اصلا ؟حتى الكتاب مالقيتو الى الان

والله يهديها تجمع البنات من الساعة 9 لين 12 وتعطيهم كل شي في محاضرة واحده
اعطوني حل او مرجع افهم منو مادري كيف بمشي فيها....الكل يقول انها اهم مادة !


الله يفرج عنو الي يساعدني في اي شي

[asooom]

أنا ترى زييك بالزبط بالنسبة للنظري ماني عارف راسي من رجلي فيه


لكن العملي يعني أمشي حبتين


بس على كلام الناس كلها إنو الإختبار النظري راح يكون نففففففس الإختبار القديم


يعني حاليا أنا جالس أذاكر السلايدات وفي نفس الوقت أطبق عليها عملي

وإن شاء الله بعد ما أخلص راح أحاول أحل الإختبار القديم

كلها 5 أسئلة على بعضهااا إلي عرفتووا خير وبركة وإلي ما عرفتوا بكره عندي كلاس نسأل الدكتور فيه


أو إنوو ننزل الوقة هنا ويساعدونا الطلاب الدوافير في البرمجة




ربنا يوفقنا كلنا إن شاء الله ونجيب فل مارك

[بنت السعوديه وبس]

اسمعي ياعسل انا مو معاكي
انا مع استاذه انعام
واصلين شابتر 3 يمكن نخلصه قبل الاجازه لانه قالت لنا داخل معانا باختبار الدوري الاول
انت ياعسل اذا فاهمه العملي النظري زيه بس الله هما على ورق
ولمن يسالك ما يقولك اكتبي برنامج لا ممكن يقلك اكتبي خطوه او صححي البرنامج وزي كذا او يقلك اكتبي برنامج
يعني زي حل التمارين
شيكي على السلايدات الكتاب احسه حايس على بعض ماادري
مدري اتمنى اني افدتك وبالتوفيق

[foofooo.caffee]

مشكورين ما قصرتو عن جد الله يسعدكم
وشكلو السلايدات هوا احسن مكان ازاكر منو
ثااااااااااااانكس

[soomah al-dousari]

مساء الخير
لاتقلقي المادة سهلة بس يبغلها تركيز ومذاكرة تمام
الأستاذة تشرح تمام يعني والله ماتقصر بس انها ماترتب المعلومات ولا تبيين المعلومة دي تحت اي عنوان
وكمان اسألة البنات الي تدخل عرض احسها تلخبط الأستاذة
أنا عن نفسي ماعندي مشكلة في هالمادة غير اللإزعاج الي في المحاضرة يعني البنات اللي طول الوقت يتكلموا....
المهم........................
انتي ذاكري من السلايدات وكمان الكتاب في شغلات مرررررة مفيدة
الكتاب تقدري تصوريه من عند اي وحدة
ربي يوفقك ويوفقنا..,,.,.,,.,

[رغـــدهـ ~]

والله كلنآ بالهـوآ سوآ
طيب يآحلوات على طـآري السلايـدآت
سجلت بقروبهم وكل ابـو شي بس مآجآني شي
ممكن آحد يحطهآ لنآ هنا

[بنت السعوديه وبس]

رغدده
ما يجيكي انتي تدخل على رابط القروب وتلاقي على اليسار
ملفات وتحملي منها
بالتوفيق
http://groups.yahoo.com/group/cpit-221/

[P!nk ink]

^ ^ ^
ممكن ياحلوة تعطيني الروابط اللى نسجل فيها وطريقة التسجيل

[لسعة شقآوه]

كلنا بالهوا سوا,,

احسها على طول متوتره و افكارها مو مرتبه,,

الله يعين,,

[men]

يابنات لا تشيلو هم
كلنا اول سمستر بالبرمجه متنحين
لانو شي مرة جديد علينا
انتو اهم شي تركزززززززززززززو في الشرح والمذاكرة كمان واتوكلو على ربنا اولا واخيرا في كل شي
الله يوفق الجميع