جـــــــميع الأنشطة المقـــــامة في الجامعة من هنـــــــــــــا ،،

[joory]

المشاركة الأصلية كتبت بواسطة .,.نيــــــــــــــــــــران.,. لمن تريد العمل بالساعة الشروط : أن تكون منتظمة + لا تحصل على مكافأة للتسجيل: أ. راوية مشخص المكتبة المركزية - شطر الطالبات - الدور الارضي غرفة 15

بليييز حابه اعرف اذا في شغل في المكتبه بالساعات غير ذا لأنو ما ينطبق شرط المكافأه علي

[فراااااشة]

السلام عليكم ورحمة الله ... الأندية الطلابية في الجامعة .. مررة شي حلو و ح تستفيدو وتقضو أوقات ال break الفاااضية .. وتقدم دورات مررة حلوة التسجيل ف النادي الفني ونادي اللغة والنادي الرياضي في النادي الفني مبنى 13 الباب اللي مقابل باب الشؤون على طول في مكاتب كل مكتب يختص بشي..

ايش فيها الاندية ؟؟ وبالذات الفني عن ايش ؟؟

[PiNk]

الأندية فيها دورات ونشاطات
انا السنتين الي فاتو كنت مشاركة ف النادي الفني
عندهم رسم بالألوان الزيتية واعمال فنية ورسم افريقي واعمال بالسلك والمعدن
انتي تختاري النشاط وهما يعلموكي تجي اوقات الفراغ وتكملي ونهاية الترم يكون في معرض
طبعا ح يسوو دورات زي العام كانت في دورات الي ف النادي الفني المشتركات يعني لما يكون العدد كبير
هما أولى يشتركو والدورات لها شهادات
مررة حلو لما تروحي تسجلي مبنى الشؤون الباب اللي قدام مدخل الشؤون على طول " النادي الفني"
وطبعا في رحلات للنادي للمشركات

وبالنسبة للأندية الباقية برضو التسجيل ف النادي الفني
العام شفت بنات النادي الرياضي كان عندهم ماتش باسكت وفي دورات زي ألعاب الذكاء والتفكير
وبرضو لهم رحلات وكدا..


اللي حابة تشترك تطبع جدولها وتروح تسجل اسمها..

[PiNk]

اللجان العامة


طبعا تختلف عن الأندية انك انتي تمثلي كليتك ولهم نشاطات انتي ح تكوني من ضمن مم زي مايقولو مثلا لجنة ب تعدوا لحفل أو عندكم شي تعرَفوا عنو ..زي كدا
وكل لجنة لها مجالها

اللي حابة تشارك مبنى الشؤون مو فاكرة رقم الغرفة بس اول ماتدخلي أول لفة يمين تلاقي باب مم مادري نسيت ايش مكتوب
إدارة الأنشطة الطلابية ولا شي زي كدا انا بكرا ان شاءالله اروح واتأكد من رقم الغرفة

[ساكنه في بيتنا]

يعطيكم العافيه يااااارب ^_^ ..

[.,.نيــــــــــــــــــــران.,.]

يديكم العافية جميعا

وأنالكم الأجر والمثوبة على خير ماتدعون إليه

تحية لقلوبكم البيضاء

~~~~~

[sooma2009]

الله يجزيكم الخير
طيب الاشتراك في الانديه برسوم ؟؟وبكم؟؟

[نبـْض أخيـرْ]

محتارة بين اللجنة الثقافيه والاجتماعيه ؟
مدري وين اسجل..؟ من قد جرب اي احد فيهم ؟

[.,.نيــــــــــــــــــــران.,.]

سوما التسجيل بدون رسوم

نبض سجلي في الاثنين عادي وجربيهم وقوليلنا كيف كانت تجربتك :)

[.,.نيــــــــــــــــــــران.,.]

التقنيات السرية للتفوق ،،
الشهيرة بـ " كيف تصبح دافورا "

غدا الخميس بأكاديمية نفيسة شمس
من 10 صباحا إلى 6 مساء

للمدرب : خالد أبو الشامات

الرسوم : 200 ريال

للتسجيل : 0598809354