ماهو الفرق بين تخصص اللغة الانجليزية في الفيصلية وفي السليمانية؟؟<<help me$$

[دودو خالة لولو]

السلام عليكم...
الحمدلله بعد تردد طويل قررت اتخصص لغة انجليزية...
فحطيت في خيارات التسكين(اداب - السليمانية)...
والرغبة الثانية(اداب -الفيصلية)...


+

لكن وبكل صرآآحة مو عارفة اش الفرق بينها ...
وهل صحيح لو ابغى اكون معلمة لغة انجليزية ادرسسنتين زيادة تربوي؟؟
ولا تكون داخلة ضمن المواد...!!


ارجوكم فهمووني...

جزاكم الله خير ....

[دودو خالة لولو]

up

up

up

up

up

[دودو خالة لولو]

استنى الرد

[lojfv]

هلا بك انشا الله كلنا نتخصص انجليزي بس انا اللي اعرفة عن الفيصلية والسليمانية هذه احيا ء في الرياض اما الانجليزي ففيه مسارين ادب وترجمة
واعتقد ان الأدب اسهل يرفع الموضوع للتصويت من الشباب والبنات ايهما اسهل

[~ Sasy]

مآ أظن فيه فرق ~
أتوقع أثنينآتهم يدرسو نفس الخطه الدرآسيه و نفس المنهج ~

بس نآس بالفرع الرئيسي بالجآمعه و نآس بالفيصليه ~

آتمنى إلي لهم خبره أكتر يفيدوكِ =)

[~ Sasy]

المشاركة الأصلية كتبت بواسطة lojfv هلا بك انشا الله كلنا نتخصص انجليزي بس انا اللي اعرفة عن الفيصلية والسليمانية هذه احيا ء في الرياض اما الانجليزي ففيه مسارين ادب وترجمة واعتقد ان الأدب اسهل يرفع الموضوع للتصويت من الشباب والبنات ايهما اسهل

مآفي مسآر ترجمه في جآمعة عزوز ~

فيه مسآر وآحد وهوه لغه إنجليزيه : تشمل آدآب و لغويآت و ترجمه =)


< ~ سوري عاللقآفه

[am emad]

اظن والله العالم انو في الفيصلية في كلية اللغات و الترجمة

فلو فية كلية خاصة باللغة فاعتقد الدراسة فيها احسن

انتي اسألي اذا الكلام دا صحيح

اذا صحيح اتوكلي على الله و ادخلي الفيصلية

مجرد رأي و بالتوفيق

[رغد محمد]

،’

وعليكم السلام ورحمة الله وبركاته ...~

أهلاً قمري ..~

صباح الغلا حياتو ..~

أنا راح أقولكِ إلي أعرفه بما إني أدرس بـِ الفيصلية ...~

المناهج عندهم غير .. كيف ..؟؟

في السليمانية بـِ تدرسي كتب اسمها College ولكن بـِ الفيصلية بتدرسي كُتب اسمها Intractions

الفرق بينهم إنو الكولج أصعب بكثير من الإنتراكشن ... ليش ..؟؟

أنا مجربة الإثنين بحكم إني كنت السمستر إلي فات انتساب وحولت هَـ السمستر للإنتظام ...~

فـَ أنا جربت المنهجين ومنهج الإنتراكشن جدًا سسسهل ومُمتع في الدراسة صراحة ..

ولكن يبيله مُذاكرة أول بـِ أول وصدقيني الـ A+ راح يشرف حبيب الشعب " الأودس" بإذن الله ..~

وكذلك منهج الكولج مُطور جدًا ويفيدكِ كثيــر جدًا من ناحية ثروة الكلمات وغيرها الكثير ..

وما يعلمكِ الأساسيات كُلها مثل الإنتراكشن ...

الإنتراكشن يعلمكِ حبة .. حبة ألين ماتتطوري مع القسم تمــــام التمــــــــــــــام ...~

وحتى الأستاذات تبع الفيصلية جدًا مُمتازات ومُتعاونات ..

ولو جيتي تدرسي عندنا أبشري بـِ إلي يسعد قلبكِ وبـِ النصايح على طووووول قمري ...

ماراح أخليكِ تايهة أبدًا ... كل شيء تبين تعرفينه أنا أعلمكِ عليها ..~

أوكي قمري ...؟؟

،’

ومن ناحية الخُطة .. هي نفسها مافي أي تغيير فيها أبدًا ..~

هُناك فرق آآخر بين السليمانية والفيصلية ألا وهو إنه تكون لكِ مُرشدة أكاديمية تكون مَسؤولة عنكِ ..

يعني هي تُكون مُهنمة لِـ جدولكِ وتحرص على إنكِ تكوني مُرتااااحة فيه ...~

يعني هي تعملكِ الحذف والإضافة وتحاول قد ماتقدر ترتب لكِ جدولكِ ..~ >>وربي آآخر دلع الله لايغيرعلينا ..~

،’

وعلى فكرة تخصص اللغة الإنجليزية جدًا راااااااااااااااائع وجميل ومُمتع كذلك ...~

الأهم فيه إنكِ تكوني تحبيه وتعشقينه ... ولابد إنه تكون فيكِ رغبة حُب التعلم والتَّعطُش لـِ تعلم المَزيد وتحمُل مَصَاعِبِه ..~

ونصيحة لـِ وجهِ الله ... تكفين لاتِسمعي لأي كلام يحبط من عزيمتكِ وتحقيق أحلامكِ ..~

خلي في بالكِ إنتِ مُتميزة دامكِ اخترتي قسم المُتميزين قمري ..~

في حفظ الحفيظ حياتو ..~

رغوودة ..~


،’

[نسيم الحجاز]

السلام عليكم
بما إني مخضرمة درست في السليمانية علوووم بعدين درست أداب انتساب انجليزي
والان انجليزي في الفيصلية انتظام فحابة افيدك باللي أعرفه
السليمانيه نظام جااامعي من زمااان الي هي مسماها جامعة الملك عبدالعزيز ومن سنتين او مدة ضمت لها الكليااات تبع البنات كووولها بما فيها الفيصيلية وخلت نظااامهم و الزمتهم بالنظام الجامعي من ناحية الخطط الدراسية والأنظمة الجامعية كولها طبعاااا الكليات مو كلها ملحقة تغير انظمتها 100% ففي كليات واقسام قاعدة تتغير كووولو اول بأول وكليات حبة حبة وكلية الآداب قسم الانجليزي وحده منها مو كل شي اتغير لكن كتيير اتغير عن اول.. بدل الأحدعشر ماادة الي كانوا يدرسوها فالتيرم او التسعة مواد الآن نفس النظام الجامعي الحد الأقصى 18 ساعة للطالب يعني تقريبا كحد اقصى 6 مواااد بالكتير وهذا نفس النظام في السليمانيه وكذلك الاختبارات وكللل الأنظمة أما الكتب فتختلف فقط في البيسك السليمانية زي ما قالت رغودة يدرسوا الكولج وهي مناهج تركز عاللغة الأكاديمية مرره يعني الي ماعندها اساس في الانجلش تحتاج قبل تدخل التخصص تأسس نفسها أوتدخل دورات لأنو اللغة الأكاديميه حتى في العربي مو كل الناس يتأقلموا معاها وهم الاستاذات لما كنت فالسليمانيه دخلوا معانا مباشرة على اساس عندنا فكرة جيدة عن الإنجليزي وهنااا تختلف الفيصلية عنها ان الاستاذات وإن كان النظام تغير إلى جااامعي ( يعني انتي مسؤلة عن نفسك وانتي مطلوب منك تبحثي وتدوري مصلحتك ) لكن مع ذلك الأستاذات لسا ماخدين على النظام القديم فتلاقي فيه نسبة من الاستاذات متعاونات وواقعيات عارفين مناهجنا تتبع الثانوي وعارفين اننا لسا مبتدئين ويتعاملوا على دا الأساس وبقية المواد المتقدمة تختلف حسب الأستاذة حتى فالسليمانية ممكن وحده تدرس قصة مثلا مع استاذة تختلف مره فالاسلوب والكم عن استاذة غيرها فقط انتي الي عليكي تتوكلي على ربك وتجتهدي والتوفيق معاك باذن الله في أي فرع كان
بالإضافة لمعلومة حابة أقولها لكي ياعسولة لو إنتي تعتقدي ان الفيصيلية تربوي أقولك لاااا خلاص الآن هي تعتبر إحدى الكليات الجامعية مافي شي اسمه تربوي صارت كل كليات البنات مجرد فرووع اخرى لجامعة عبدالعزيز تخدم الأحياء البعيدة والي تبى تدرس تربوي سواء كانت خريجة فرع أو السليمانية بعد ما تتتخرج تدرس الدبلوم .
بالنسبة للمرشدة زي ماقالت الغالية رغودة هي أحد الأنظمة الجامعية الي صارت موجوده في الفيصلية بعد صارت من كليات جامعة عبدالعزيز وهي موجوده هناك في السليمانيه لما كنت في كلية العلوم ماأعرف عن الآداب لأنو كنت انتساب وعموما هو عشان من زمان موجود في نظام الجامعة فمو كل الأقسام يهتموا بموضوع المرشدة وكمان حسب مرشدتك كيف هي مهتمة أو لا لكن الفيصيلية نظام المرشدات جديد فتلاقي فيه اهتمام نوعا ما وبرضو حسب الكلية والقسم .
الخلاااصة.. ترى النظامين والخطة زي بعض مافي فرق كنظام والاختلافات في التعامل والاستاذات كل واحد فيه كدا وكدا
موفقه لكل خير ولو تبي أي أسئلة أنا حااضرة

[great mother]

اظن وترى ماني متأكده
الفيصليه تربوي
والسليمانية غير تربوي