ملخص لأسئلة الفرنسي (lanf 221)

[abukaled5]

السلام عليكم ورحمة الله وبركاته

اليوم الخميس الموافق 14 / 2 / 1431 هـ إختبرنا مادة الفرنسي (lanf 221)

بصراحة تعبنا قبل الإختبار في الحصول على ملخصات للمادة أو في طريقة الأسئلة المتوقعة وكأن إحنا أول ناس تختبر هذي المادة

ما أدري اللي قبلنا ما إختبروا هذي المادة أو إنهم ما يبغون ينفعون أحد أو ........؟؟؟؟!!!!!!!!!!!

عموما الإختبار كان فوق المتوسط نوعا ما لأن الأسئلة اللي جات ما كان أحد يتوقعها وما كنا متوقعين إن إحنا نكتب ولا حرف واحد ، ولكن تفاجأنا بتصريف الأفعال وبتحويل المذكر إلى مؤنث والعكس

وفراغات وتغيير صيغة الساعة من كتابة إلى رقم وبكتابة الأيام والشهور

الله يعين بصراحة إذا بيدققون على الإسبلنق لا والله إلى رحنا فيها

عموما هذا ملخص للإختبار موضح فيه كل اللي أخذناه واللي قدرت أتذكره لعل الله يفيد به أحد من بعدنا

يدعي لنا دعوة صالحة

وما نبي فيها غير وجه الله الكريم والخير لمن هم من بعدنا

تقبلوا تحيات أخوكم أبو خالد

[ذياب]

السلام عليكم

فعلا اللي قبلنا مقصرين مره معانا صرت اشك ان دفعتنا اول دفعة تدرس هالمادة
يليت قبل الاختبار كنت اعرف لو نبذه عن الاسئلة كل ماسألت قالوا حفظ تصاريف الافعال

اشكرك على النقل الموفق وبالتوفيق للي بيدرسون المادة مستقبلا

[Um mshari]

شكرا لك والله يوفقنا وياكم وينجحنا بأعلى الدرجاااات

[السعيد 2009]

جزاك الله خير

[أبوظبي]

أشكرك على ماتطرقت اليه بشأن ان مافية أحد ساعدنا عن طرق الاسئلة لكن أنا أوعدكم بعد نهاية الاختبارت راح انزل الاسئلة اللي جات في الاختبار
عسى دعوة من ولد عجوز تستجاب ونتوفق في الدراسة

دعواتكم ياناس لن تخسروا شيئا

(قولوا الله يوفق الجميع ويرزقهم النجاح والتميز )

لاتنظر الى من هو اعلى منك انظر لمنهم تحتك

[Homie]

يا جماعة ممكن احد يطمني بخصوص الاسئله
هل كان فيه باقي للاسئله بالوجه الثاني من الورقه ؟

لاني من شدة الصدمة
ما قلبت الصفحه عشان اشوف فيه شي بالخلف او مافيه ؟

[my-nana]

والله الإختبار مويه وربي سهل أنا مدري وين الصعوبه فيه
حتى حنا جانا سهل جدا بس أنا ماراجعت لأني تعبت من الريدينق ونسيت شويت أشياء بس صراحه مويه ولو كان قبل الريدينق لجبت فيه 100 من100 من سهولته كل شي من المذكره ماجابوا شي من برى

[السعيد 2009]

الاختبار صفحة واحدة

[Homie]

يا my nana

انت اول شي وش وضعك ؟
حنا نتكلم عن اختبار الفرنسي رجال وليس نساء :)

تاريخ التسجيل: Mar 2009
كلية: الآداب والعلوم الإنسانية
التخصص: Englishإن شاء الله
نوع الدراسة: إنتساب
المستوى: الثالث
الجنس: أنثى
المشاركات: 556

لا تكون من الناس الي بس يرد ومايدري وش السالفه !!

[تميمي عسل]

[quote=Homie;1628322][align=center]يا my nana

انت اول شي وش وضعك ؟
حنا نتكلم عن اختبار الفرنسي رجال وليس نساء :)

تاريخ التسجيل: Mar 2009
كلية: الآداب والعلوم الإنسانية
التخصص: Englishإن شاء الله
نوع الدراسة: إنتساب
المستوى: الثالث
الجنس: أنثى
المشاركات: 556

هههههههههه حلو الرد ..
بس والله صار لي موقف طريف اليوم وانا طالع من القاعة .
شفت واحد متين يمشي وانا وراه قلت بشر عساك حليت ؟ وتوني ابغلط واطب فيهم . الا اناظر خشته
والقاه دكتور الي مراقب علينا
صار وجهي كذا