Cs 456 - مادة هندسة برمجيات مع د. مي فاضل

[Nosa]

ودا الملف فيه الحل .. 20 برنامج

[Nosa]

المشاركة الأصلية كتبت بواسطة mero_cpcs السلام عليكم.................. لو سمحتوا ممكن نماذج من أسئلة د.مي فاضل ضروري لان اختبارنا الاحد ونفسي اعرف كيف طريقة الاسئلة وشكرااااااااااااااااااااا جزيلا

وعليكم السلام ورحمة الله وبركاته

والله ما عندي نماذج بس رح احاول اقولكم طريقة الاسئلة والجزئيات اللي جا منها الامتحان

بس دعوااااااااااااتكم .. وحياااك يا قمر ..

[mero_cpcs]

مشكورة اختي نوسا

[Nosa]

الامتحان الاول كان عليه 10 درجات بس هيا عملته من 20 وبعدين قسمت على اتنين
بالنسبة لنا كان في شابتر 1 - 2 -4 .. بس سمعت انه انتوا بس 1 و 4

السؤال الاول كان 14 فقرة اختياري عليها 14 درجة
والسؤال التاني كان رسمة هايراركي عليها 3
والتالت رسمة يوز كيس عليها برضو 3

رح ابدأ بالاخير على حسب ما افتكر

~~~~~~~~~~~

السؤال التالت/
كان مطلوب فيه رسم اليوز كيس لسيستم يقوم بعمل رفرينس اعتقد من كتب او داتا بيس
السؤال كان مباشر حتى لو ما فهمتوا الدومين تمام
افتكر انه كان في مصدرين او طريقتين لعمل الرفرينس (معناه حتعملوا generalization)
وكان في حالة انه ممكن يصير خطأ او ممكن ما يلقى الرفرينس (معناه حتعملوا Extension)
واعتقد كمان كانت في يوز كيس لوحدها

طبعا اني مو فاكرة الدومين مزبوط بس تقريبا هيا دي فكرته


~~~~~~~~~~~

السؤال التاني/
كان مطلوب تعملوا هايراركي لمجموعة كلاسات
كانت معطاه اسماء الكلاسات والميثودز والارقومنتز والمفروض انتي تعرفي كل كلمة تمثل ايش وكيف تحطيها في الهايراركي بحيث انك توضحي الانهريتنز والبوليمورفيزم
افتكر بعض الكلمات اللي جات accommodation, hotel, apartment
فكان accommodation هوا السوبر كلاس ووالفندق والشقة سب كلاس
كانت في ميثودز ومتغيرات مشتركة فرح نحطها في السوبر كلاس واعتقد في متغير كان خاص بالفندق فينحط في كلاس الفندق بس
وفي ميثود كانت تختلف في تنفيذها في السب كلاسز .. فرح نعملها اوفررايد في كل كلاس

يمكن يكون في نقص او خطأ .. بس تقريبا الفكرة ما تخرج عن كدا


~~~~~~~~~~~

باقي السؤال الاول .. احاول اكمله كمان شوية
وان شاء الله اتذكر بس

[Nosa]

بالنسبة للسؤال الاول زي ما قلت كان 14 فقرة اختياري
طبعا مو فاكرة نصها

بس رح اقولكم الجزئية اللي جا منها السؤال على حسب ما افتكر

دي جزئية شابتر 1 ..

- اعتقد جات فقرة من جزئية nature of sw اللي في صفحة 1-2-3
- جا اعتقد عن برنامج adobe reader تحددي نوعه => generic
- جات فقرة من فقرات sw engineering definition
- الرسمة في صفحة 12 جات فقرة منها يا developer or development manager
- في صفحة 13 اعتقد فقرة improve efficiency
- وجا مثال عن بروجكت ونحنا نحدد نوعه ودا تقريبا الكل غلط فيه .. اغلبنا اختار Evolutionary projects والمفروض كان تبع framework
فلازم تكونوا فاهمين كل نوع عشان تعرفوا تختاروا
- جا عن Quality assurance يا تعريف Validation او Verification .. فرقوا بينهم

[Nosa]

بما انه شابتر 2 مو معاكم بكره

فرح ادخل في جزئية شابتر 4 على طول عشان الوقت

- مو متاكدة .. بس يمكن تعريف requirement
- فقرتين او 3 كانت عبارة عن امثلة عن requirement وانتي تحددي نوعها اعنقد من Functional و Quality (اعتقد كان مثال على response time)
- تعريف اليوز كيس

والرسمة اللي هيا كانت السؤال التالت

[Nosa]

حاولت احطه بدري بس جنني اللاب توب .. فسامحوني على التأخير

ما ابغى غير دعوااااااااااااتكم بظهر الغيب
ويااارب يكون امتحان حلووو وسهل وتجيبوا الفل ماارك .. موفقين

[Anemon]

نوسا الله يوفقك ويسهلك امرك يارب

[red flower]

الله يسعدك ويوفقك يااااااااارب


بصراحه الله يستر من اسئلتها
شرحها جدا ً سيئ

[mero_cpcs]

مني عارفة ايش أقولك.......................فعلا بارك الله فيك.................

وصدقيني لك دعوه خاااااااصة في ظهر الغيب ان شاء الله

وربي يوفقك ويعطيك مرادك,,,,,

شكرااااااااا