قروب بحث وتدريب (د.اقبال خاطر)شعبه16..

[loly1919]

السبت 25/5 انا بروح الساعة 12 ان شالله علشان تكون فضية الاستاة

[بيلسااان]

بنات الي راحت اليوم تفيدنا ايش سار وايش قالت الدكتوره بليز انا ما مداني اروح اليوم وبكره ان شالله اروح هل هيا موجوده بكره او لا

[أحاسيس مبعثرهـ]

اليوم كان موعد تسليم الفصل الاول + الاستبيان ..

طبعا أنتظرنا الاستاذه وتأخرت بعدين دخلنا عندها جلست تشوف البحوث ..
كل وحده تقولها التعديلات على بحثها و ترى كتبت اسماء الي حظروا ..

شي مهم قالت يمكن اليوم فيه محاظره في السنترا ..
لو مو اليوم راح تكون الاثنين أكيد <~ كلامها ..

بعض الملاحظات .
1- قالت لنا ملاحظه على عناوين البحث مثلا ( المقدمه ,أهميه البحث , أهداف البحث .. إلخ )
- لازم تكتب بالتسلسل مثل الورق الي أعطتنا اياه
- وكمان ما تكون وسط الصفحه أغلبنا حاطها في النص لازم تكون ع الجنب
وقالت افتحوا اي كتاب عندكم وشوفوا كيف ترتيب الكلام فيه .

2- قالت ما نترك فراغ كله تحت بعض يعني الصفحات تكون مليانه للنهايه
مثلا لو ( منهنج البحث و الحدود والمصطلحات في صفحه وحده عادي )
أهم شي يكون متواصل ما فيه فراغ

3- مصطلحات البحث : لو كان نفس المصطلح السائد ويكون شي معروف سلفا
يصير ما نحتاج نكتب ( إلى لو راح نستخدمه في شي مختلف او شي يحتاج توضيح )
أعذروني ع الشرح

4- الحدود الزمنية ما نكتبها

5- منهج البحث نكتب ( استقرائي استنباطي )

6- بالنسبه لـ المراجع الي تكون نهايه الصفحه
- أولا لها ترتيب معين نفس الورق الي أعطتنا اياه
- نرقم المراجع كل صفحه لوحده يعني (1) (2) ونبدا الصفحه الي بعدها بـ(1)

7- بدايه كل فصل لازم تكون ورقه نكتب فيها مثلا ( الفصل الاول خطة البحث )
ويكون في نص الصفحه بحط كبير .

8- بالنسبه لـ صياغه الفروض ... ان شاء الله اشرح تمام
صياغه الفروض مثلا ( يمكن تحويل الصراع إلى جانب إيجابي )
هذا فرض ممكن أثبت صحته أو عدم صحته ..
مثال ثاني للتوضيح ( الجامعه كبيره جدا ) ممكن يكون صح او خطا زي كذا

9- عدد اساله الاستبيان 20 سوال ..

10- سألنها عن عدد الافراد الي لازم يعبوا الاستبيان ..
ردت علينا رد ما فهمناه كانت مشغوله وهي ما تدري ايش تقول
المهم انا قلت لها بوديه نفس المدرسه الي تدربت عندها قالت صغيره

11- قالت الي تنتهي من تقرير التدريب تجيبه لها اي وقت..
مو تخليه عندها لوقت تسليم الفصل الثاني ..

12 - الظرف السري حق التدريب قالت تسلميه وقت المناقشه


عصرت مخي هذا الي طلع معاي ..
لو كمان افتكرت شي راح أكتبه ..

دعواتكم ربي يرزقني الذريه الصالحه .. آمين يارب



.

[أحاسيس مبعثرهـ]

المشاركة الأصلية كتبت بواسطة بيلسااان بنات الي راحت اليوم تفيدنا ايش سار وايش قالت الدكتوره بليز انا ما مداني اروح اليوم وبكره ان شالله اروح هل هيا موجوده بكره او لا

شوفي الرد الي فوق
بالنسبه للدكتوره بكره ما عندها ساعات مكتبيه ..
روحي لها يوم الاثنين من 11 إلى 1 ..

ونصيحه
اتصلي عليها لو تقدري تقول احيانا عندها اجتماع
او ما راح تجي عشان ما تروحي ع الفاضي ..

[أحاسيس مبعثرهـ]

المشاركة الأصلية كتبت بواسطة lady11 مشاء الله عليك كثير طلبات محتاجين كل طريقة وخصوصا الاستبيان ياريت تحطي طريقتكي بتفصيل عن الاستبيان وشكرا جزيلا على تعاونك مع الطلبات

هذي رساله وصلتني من الاخت lady11 .. الله يفتح عليها .
الشكرلله أحنا مجرد ناس تحاول تفيد بعضها .,
ان شاء الله راح أرتب لكم رد عن الاستبيان ..
وشكراً لثقتك فيني.



حابه أقول شي : أنا مجرد شخص حاول يجتهد
ما عندي اي خبره لكن أحاول أفيد بـ اي شي أقدر عليه



.

[أم عمرو]

للرفع :)

[أحاسيس مبعثرهـ]

والله أني محرجه ما أعرف ايش أكتب
بالنسبه لموضوع الاستبيان لانه ما عندي معلومات كثير..
راح أكتب الي عندي وأتمنى يكون شي مفيد .. (ودي أختفي)

بسم الله الرحمن الرحيمـ
راح أتكلم عن الي أعرفه عن الاستبيان ,,
طبعا اليوم لما رحنا للاستاذة قالت اسأله الاستبيان تكون من فروض البحث
يعني لازم تكتبين فروض البحث بناء عليها تكتب اسأله البحث .

بالنسبه لي : أنا كتبت فروض البحث و بحثت في قوقل عن بحوث مشابه لبحثي
عشان أعرف طريقه صياغة الاسئلة ,, ولازم الاسئله تغطي جوانب الفروض
لانه في نهايه المطاف أنتي راح تثبتي او تنفي هذي الفروض بناء على اساله الاستبيان ..

أبحثوا عن بحوث حتى لو عناوينها غير بحوثكم و شوفوها واقروها بتمعن
راح توضح لكم الطريقه ,,

أحس لو أحد يسألني أسهل أنا ماأعرف أشرح ..
يعني يسأل عن شي محدد ..

وأعيد وأكرر أنا لسه تجربه أولى ..
وأحاول أوصل الي عندي قد ما أقدر .

دعواتكم لي في ظهر الغيب ربي يرزقني الذريه الصالحه .




.

[أم عمرو]

طب لمن نخلص من الأستبيان كم ورقة نوزع عل كيفنا ولا الدكتورة محددة ؟ وبعدين كيف نحلله ماني عارفه صحبتي تقولي من المكتبة بس كيف مدري .. وكلنا جميل نساعد بعض .. الله يرزقك الذرية الصالحة ويوفقنا كللللللللللللللللللللللللللللللللللللللللناا ياااااااااااارب :))

[loly1919]

بنات اليوم احتمال في سنترا ادخلو طيب وجهزو اسلتكم

[دلعهم]

السلام عليكم ..

بنــآت وش الســآالفة ما فتحت معاية المحاضرة