شاركنا: سؤال لطيف ومحرج !!

[شموخ رغم الجروح]

وعليكم السلام اخوي
عن جد موضوعك روووعه وزي مايقولوا وقع عالجرح
بالنسبه لي عمر الحاسب ماكان المجال اللي انا اطمح له وعمري ماقد فكرت احب ذا القسم ولا راح احبه لانو بكل بساااطه مو هدفي ولا ميولي بس ربي كتب ادخله والحمدلله على كل حال
ودايم امارس هوايتي خارج ذا القسم عالاقل احس بشوية تغير عن الروتين اليومي
اما عن المستقبل فمثل مااتحدد ميولي بدون ارادتي بيتحدد مستقبلي بدون ارادتي <<<<اتعب عالمستقبل المجهول
وانا مو عارفه ايش الشي اللي مخليكم مستمتعين بذا القسم <<<حتتكفخ
كل شي شايفته نظرررررري والكل يسعى ويدوفرعلشان الدرجات
وامكن الماده الوحيده اللي مهونه علي القسم هي مبادي التقنيه لانو ممتعه للغايه
واشكرك مرة ثانيه على موضوعك الرائع وارجع واقول هذا رأي الشخصي
ودمتم بود

[Suma]

السلام عليكم ورحمه الله وبركاته

الحمدلله دخلت الكليه بناء على رغبتي وليس المعدل!

والحمد لله من الصف السادس الابتدائي وانا على الكمبيوتر ، يعني اول شي اسويه بعد ما اصحى ، اشغل الكمبيوتر .
هذه تقريباً هوايتي.
تحياتي

[Mr.mohd]

والله انا دخلت الحاسب مو من مجال الرغبة لا كن تعرفون توهقت في السنة التحضيرية وحطوني حاسبات لاكن الى حد الان ما ادري ايش هدفي تائه في الدنيا هذي حاس اني ما ادري ايش ادرس لاكن منكم نستفيد

[فنـــــــــــــــــار]

شكرا لك من شرف نفسه معنا ..

وشرفنا أيضا

[فنـــــــــــــــــار]

أشكرك على مشاركتك معنا
وأحيي فيك الصراحة
ولكل واحد/وحدة وجهة نظر

طبعا ليس هناك جواب صحيح
لكن بالتأكيد هناك هدف ينبغي الوصول إليه

موفقين

وننتظر..

[هشهوش]

طيب ممكن اشارك صحيح اني متخرج لكن معليش استحملووني هههههههههههه
بالنسبه لي كانت رغبتي هندسه لاني كنت اللعب في الرياضيات لعب من قوة ما كنت شاربها هههههه << ارحمني يا فيثاغوورس لكن الله ما ارادها لي ودخلوني كلية العلووم بالغصب حتى سحبت اول ترم عشان ادخل هندسه >> طبعا بالواسطه سحبت ولا المفروض ما اقدر اسحب ثاني ترم دخلوني علوووم بالغصب ثاني مرره لا ابوه ولا ابو من جابهم ههههههههههه ودرسة رياضيات وكنت اجيب درجات متفووقه فيها بعد كذا قلي صاحبي يالله خلينا نخش سووا حااسب تونسني واونسك وانا اصلن بصرراحه ما كنت اهواااه لكن يفعل الله ما يشاء !!
دخلت عشان صاحبي دخلت قسم حاسب وكان وقتها تبع العلوووم >> زماان يا فن
اول ترررم بغيت اجيب العيد بس الحمد لله عدت على خير في مواد الحاسب وكنت مصمم نهاية الترم ارجع رياضيات لكن صااحبي قلي بس ترررم وجرب اذا ما عجبك انا احول معاك وبعدها تيسرت الامور وطلعت افضل مما كنت اتصور
تخرجت وجبت من الاؤائل والمعدل ميه ميه >> ما حقلكم كم ههههههههههه عشان العين
والمشروع برضو من الأوائل .
دحين انا اشتغل في شركة محترمه واستلم راتب ما كنت اتخيله وشغلي كله اوراكل في اوراكل و j2ee
فعلا الله لا يريد بالعبد الا كل خير ,,, الحمد لله
وسوووري طولت عليكم ما سارت اجابة سارت مقاله ههههههههههه >> عشانه من زمان ما جاء المنتدى

[khalid mursi]

وعليكم السلام ورحمة الله
شكرا عالموضوع الرائع اخوي
سبحان الله.... والله ماكان لي اي نية ادخل هذي الكلية وتراني مرررررررررررررررة غشيم في الكمبيوتر(في الماضي )
كانت ليا 4 خيارات غير الحاسب وكلها افضل من الحاسب لكن ماخاب من استخار - استخرت الله وحصلت نفسي طالب في كلية الحاسب , وتغير مستواية في الكمبيوتر الين ما وصل اني صرت ما ارتاح الا لمن اجلس عالكمبيوتر اكثر من 6 ساعات يوميا. والحمدلله انا مقتنع تماما بكليتي وخاصة بقسمي قسم الاي تي , وان شاء الله استمر في التقدم والاستفادة من دكاترة الكلية -الله يعطيهم العافية-واتخرج بمعدل يئهلني اكون معيد فيها.
اكرر شكري على موضوعك الرائع . والله يوفقك.

[IT for ever]

يعطيك العافية اخوي على هالطرح الرائع


بصراحه وبكل امانه انا الحاسبات ماكانت طموح في يوم ولا كنت اعرف شي في الحاسب غير الsurfing internet انا كنت اتمنى الهندسه الكهربائيه من يوم ماعرفت نفسي لانه تخصص الانسان اللي انا معتبره قدوتي في الحياة ولما قدمت على الرغبات كانت الهندسه اول رغبه وبعدها الحاسبات والحمدلله على كل شي جاتني الرغبه الثانيه لكن الحمدلله من السميستر اللي راح بدات نظرتي تختلف لاني اعتبرت اللي صار لي تحدي وإن شاء الله راح انجح فيه << ادري كلامي كثير لكن موضوعك مره عجبني تسلم اناملك ياغالي....

[فنـــــــــــــــــار]

بارك الله فيكم على مشاركتكم الرائعة

واللبيب من يستفيد من تجارب السابقين

تحياتي لكم



فقط .. أنتم الرائعون

[hussam626]

انا بصراحة (وأعوذ بالله من كلمت انا) دخلت الحاسب لاني احب الكمبيوتر والتقنية واحسن حاسب مر علي كانت مواصفاته جبارة اللي هو كمبيوتر العائلة في الحقيقة كانت احسن لعبة عند سوبر ماريو وبصراحة اللعبة هادي كنت احبها موت واجمع موتات كثير لاكن بعدها اطورت اللعبة وصارت في النتيندو
بصراحة هاي هي علاقتي مع الحاسب
وفي الحقيقة اهم شي عندي لمن يسالني واحد من برا الكلية عن اي معلومة في الحاسب اقعد اسوي تقيييييل
وهو اصلا مو داري انو الراس فاضي
ولو جاوبت انواااااع الصرف وادخلي في الجواب كم كلمة انجليزي واضيعو
وشكرا لكم