تجمع لطالبات المستوى الثالث (انتساب) لغة انجليزية

[راما سامي]

انا بالترم الماضي كنت مستوى 3 وما اخدت مواد الاختصاص لانو ظروفي كانت صعبة ودحين تراكمت علي وما اقدر اخد من المستوى الرابع عشان كلها متطلبات والمواد العامة تبع المستوى الرابع اخدتها الترم الماضي ودحين عشان امشي لازم اخد من المستوى الخامس فالله يخليكم ساعدوني لو احد يعرف مادة سهلة مقدمة في الادب ولا مقدمة في الترجمة ولا مقدمة في اللغويات

[Lily roses]

انا انا انا اخيرنن انظميت ليكم حبيباتي انا للحين ماسويت الجدول لاني طبعا ماسددت المهم انا حابه احذف من الجدول الرايتنق شو رايكم انتو عبال مااقوي نفسي وادرب ع الكتابه مزبوط تعرفو 100 درجه مو هينه

[Lily roses]

بناااااااااااااااااااااااااااااااااااااااات ليه مااحس فيه حماس وتعاون كل واحد مع نفسه ليش كذا مررررره مافي تعاون تكفون نبغى نساعد بعض وخصوصا الي مادخلت السنترا طبعا مثل حالتي واكيد في احد غيري نبغى نسالكم عن اشياء ياليت تدخلو وتشاركو نبغى روح التعاون حب لاخيك ماتحب لنفسك اليوم احنا محتاجين انتو بكره راح تحتاجو احنا مادخلنا التجمع ع الفاضي ياليت المره الجايه ادخل الاقي الموضوع موووووووووووولع من النشاط والمشاركات بس انتبهو تحرقوه هههههههههههههه سامحوني ع الاطاله بس وربي محتاجه اسال احد ادخل ولا الاقي شي جديد بالموضوع

upرفعup

[راجي ربه]

ليلي أنا زيك حذفت الرايتينج ..
وارسلت لك رسالة خاصة رديت عليك بس ما عاد سمعت منك خبر ؟؟؟؟؟؟؟؟؟؟

[Lily roses]

هلا حبيبيتي ارسلت لك ع الايميل افغصي ع ايميلك وراح تلاقي رساله مني اممممممممممم تعرفي احد يعطينا محاظرات السنترا يرسلها لنا ع الايميل لاني ماحضرت ومررررررره شايله هم بنات وينكم مختفيين لايكون جاتكم صدمه من الكتب بس ههههههههه صحصحو وادخلو المنتدى يله قاعدين تتغلو علينا ولا شو هههههههههههههه

[ndooo]

بنات المستوى الثالث الى حذفتو الكتابة اش حطيتو بدالها. كمان متى اقدر ادخل المحاضرات السنترا ليا يومين مسدده ومو قادره ادخل.


راما ليه ماتاخذي من القراءة والاستماع والكتابة 1 الي هي مواد البيسك

[tot_924]

بنات الي حضرت السنترا وتقدر تساعدني وترسلها ليا مادة القراءه اكون مره شاكره لها لانو مو راضيه تطلعلي

[so0o so0o]

السلام عليكم ورحمة الله وبركاته

عزيزتي tot_924 .. تقدري تسمعي محاضراتك طبعا بعد ما تدخلي على موقع السنترا
ويفتح جدولك الخاص تروح على المحاضرات السابقة وهناك تلاقي كل المحاضرات اللي فاتت موجودة وتضغطي على اعادة تشغيل و راح تفتح وتسمعيها ...
و بالتوفيق ..

[tot_924]

رحت على موقع السنترا بس مدري اش المشكله عندي ما نزل ولا محاظره ولمن كلمت المسؤولين على السنترا وبرضو ما ساعدوني

[so0o so0o]

غريبة ..
ما ادري اذا فهمتي قصدي أو لا في الجدول الخاص بي فيه ثلاث خانات
القادمة , الحالية , السابقة .. اختاري الاخيرة المحاضرات موجودة هناك .. أنا زي ما حضرت السنترا لكن موجودة
طيب انتي اهم شي ثبتي البرامج السنترا قبل كل شي ؟؟
تأكدي و ردي لي خبر ..