دعوة للفضفضة ...!

[صديقة نص دافوره]

ياحبيبتي ادعي وصلي اخر الليل وان شاءالله التوفيق من الله بس شوفي ترى ع حسب ماقلتي انك قبل ماتدخلي الاختبار اكلتي الكتب اكل وهذه مذاكرة الثانوي لان الجامعه تختلف المذكرة تكون قراءه بتركيز وحفظ التعداد اليي ممكن يكون سؤال مقالي انا ماأقول انك ماتعبتي لا....انا قصدي انك لازم وانتي تذاكرين تجمعين بين الحفظ والفهم >>عارفه بتقولين اشبها تفلسف هذه
بس من جد لازم نركز ع التفاصيل اعرف وحده تركت الكليه تقول ظلموني انا اذاكر مذاكرة الثانوي وماأنجح وعرفت انه العيب في مذاكراتها
المشكله انه الانتساب يبغاله شدة حيل بس انتي ماعليك احنا نتعلم من تجارب الحياه شدي حيلك الاترام الجايه وتوكلي ع الله

[soso11]

شخصية مستهدفة


والله الين مانتعب مارح نستفيد شي
انا الحمد الله انتظام
بس ندمانة ع تخصصي دا والله اني تعبت نفسيا وانا خلاص ع نهاية مشواري
كل يوم جامعه واحس مااااالي نفس اروح احس اروح غصبا عني
لاتعامل كويس ولا احترام

دا واحنا مسلمين ؟؟
طيب يعقدونا ليش ؟؟ ولازم يراعو دي مو لغتنا الاساسية
وانا نفس الشي كل ترم لازم مادة ارسب فيها طيب وبعدين؟؟؟ متى حنتخرج يعني ؟؟
احنا انتظام وعندنا تكاليف امكن اهون منكم بس الظلم والله مررررررررررررررة منتشر
حسبي الله ونعم الوكيل ع كل حال
والله ياررررررب يفكني من الجامعه وهمها

[طالبة جامعيـة]

ممممممم

بصراحه موقف صديقتك نرفزني

حسبي الله بس

وعاد الجامعه لاتعليق

أدعي ربك والله معاكِ

انا إن شاء الله هالترم أتحول

دعواتكم بس

[baba1]

دعواتنا لك هذا اللي نقدر عليه

[شخصية مستهدفة]

حنين الود...

الله يسعدك و يسعد كل من مر هنا و دعالي ... وكل شخص فيكم دعالي دعيت له بالمثل ..

أنا نفسيتي اليوم كانت جداً محطمة ... مع اني من الشخصيات المتفائلة بالحياة ..

بالعكس أنا الحمدلله فيني عيب خلقي غير واضح لكنه أعاقني عن شي كبير ... حتى الدكتور اللي يشرف على حالتي..

مبسوط كثير من تفائلي بالحياة ....

أنا اللي قهرني كم الظلم و تحطيم الطموح اللي بنعاني منه...

هذا يرضي ربنا ؟؟؟؟؟؟؟؟

اليوم حلفت اني راح أترك الجامعه و حتى لو أدرس بمعهد ...

بس لما هديت غيرت رأيي...

المقطع شفته .. والحمدلله على كل حال ...

فعلاً.. it's not the end ...

و أنا بإذن الله يوم السبت حروح لها بدري عشان أقابلها و أشوف ورقتي أو أدخل لرئيسة القسم و أشوف ايش يصير معايا....

تخيلوا أن فيه وحده رسبوها بمادة و هي واثقة من نجاحها و بامتياز ...ولما نشبت للأستاذة وشافت ورقتها

لقت انها أساساً ما صححتها ...

بالله هذا مو ظلم ؟؟؟؟ بكل سهولة رسبتها عشان ما كان لها خلق تصحح ... ؟؟؟

طيب ماعندك ذمة ومالك تصححي ورق البنات نجحيهم مو ترسبيهم ؟؟؟

الله يسعدك حنين يارب و ينولك اللي ببالك...

اللهم آآآآآآآآآآآآآآآآآآآآآآآآمين..

[شخصية مستهدفة]

صديقة نص دافورة..

حبيبتي أشكرك على كلامك الرآئع..

بالنسبة لمذاكرتي أنا أساساً ما أحفظ أفهم .. و مذاكرتي قرآءة بتركيز و فهم ...

بس لا تعليق عليهم ؟؟؟؟

ايش استفادوا الحين لما كل ما تدخلي موضوع مانتي لاقيه أحد بيشكر فيهم ؟؟؟

الكل بيتحسب ربه عليهم و بيدعي عليهم !!!!!!

حسبي الله ونعم الوكيل فيهم..

[شخصية مستهدفة]

soso11

والله انتي حطيتي يدك عالجرح ((( الظلم منتشر بطريقة رهيبة و مروعه في جامعتنا الحبيبه ))) !!!!

عطوني اسم مسؤول صاحي و أنا أشرح له وضعنا كله !!!

لكن ...

لقد أسمعت لو ناديت حيا ولكن لا حياة لمن تنادي !!!!!

[my-nana]

الله يفرجها عليك وعلينا
صدقيني الظلم مهما طول له نهايه وعن تجربه لا تتحطمي حاولي تاخذي وقت تريحي فيه اعصابك وبعدين ركزي في المواد اللي بقيت وان شاء الله تتخرجي وتجي هنا تبشرينا بتخرجك وبوضيفتك هاااااااااه مو بعدين تشوفين حالك علينا وماتعبرينا هههههههه
الله يوفقك ويبعد عنك اهل الشر واللي همهم يدفعون الناس ثمن تقاعسهم عن اداء الامانه وهما مادروا إن (كاد المعلم ان يكون رسولا )بالذمه والضمير والتفاني مو بالظلم مالت عليهم

[شخصية مستهدفة]

my-nana

تسلمي يا عسل على كلامك الرآئع...

أنا بس أتخرج و أتوظف بتوسط لكم كلكم ولا يهمك بس عسانا نتخرج على خير و نفتك من الهم هذا ...

تحياتي لك ياعسل...

و أشكر جمييييييييييييع من مر في دعوة للفضفضة ...

تحياتي للجميع

[سطام]

الحمدلله على كل حال
صدقيني يا ختي الكريمة انت مثال للمثابرة وما الحياة الا كذلك ولا العظماء وكل من له ذكر او بصمه في هذه الحياه الا وكان عبوره وتخليد ذكراه من اضيق الابواب وما مثالنا الاعظم الا نبي الاسلام عليه افضل الصلوات واتم التسليم
اياك والقنوط اوالركون لليأس او حتى التفكير فيه لانه ام المهالك واكثري من قول لاحول ولا قوة الا بالله العلي العظيم فإنها سبب لتفريج الهم واعلمي ان العلم لم يكن في يوم من الايام تضييع وقت او تعبث وانما كل ما تقراين او تتعلمين سواء تم اجتيازه في الاختبار ام لا فإن فائدته ستعود عليك واليك لا محاله (فستذكرون ما اقول لكم )
وتذكري قول القائل
ومن يتهيب صعود الجبال يعش ابد الدهر بين الحفر