تعديل الاسم من الاوديس لشهادة حسن السيره والسلوك ؟؟؟ ساعدوني

[BrOwN CanDyy]

السلام عليكم ورحمة الله وبركاته

عندي سؤال بسيط

انا حاليا اتخرجت لكن لسا مااستلمت وثيقة التخرج

وقالولي لازم اطبع شهادة حسن السيره والسلوك عربي وانجليزي من الاوديس

ولمن دخلت عشان اطبعها

لقيت انو اسمي بالانجليزي مكتوب خطآ

اول شي هل دا يأثر في وثيقة التخرج علما اني لمن عملت دراسه حاله واوراق طلب التخرج حطيت صوره من جواز السفر وفيها الاسم صحيح

تاني شي : كيف ممكن اعدل الاسم عشان اطبع شهادة حسن السيره وسلوك

ابغـــا ألحق اخلص اموري من الاوديس قبل مايقفلوه ليا

بلييز ساعدوني
ممكن اللي يعرف لا يبخل عليا

وجزاكم الله خير

[كنق الغربيه]

يتعدل من مسجل الكلية

[قمممر]

حتا انا زززيك
كتبت اسمي بالانقلش خطا اثناء التسجيل ف الجامعة
و ماني عاااارفة كيف اعدله
لسع انا توني مخلصة من التحضيري ورحت لهم ف السليمانية قالوا لي حنعدله اول ما يفتح النظام
بس لسسسيتتو ما اتعدل و بكرة حروح لهم اشوف ايش الهرجةةة

[BrOwN CanDyy]

المشاركة الأصلية كتبت بواسطة كنق الغربيه يتعدل من مسجل الكلية

ايش تقصد من من مسجل الكليه مافهمت عليك

[BrOwN CanDyy]

المشاركة الأصلية كتبت بواسطة قمممر حتا انا زززيك كتبت اسمي بالانقلش خطا اثناء التسجيل ف الجامعة و ماني عاااارفة كيف اعدله لسع انا توني مخلصة من التحضيري ورحت لهم ف السليمانية قالوا لي حنعدله اول ما يفتح النظام بس لسسسيتتو ما اتعدل و بكرة حروح لهم اشوف ايش الهرجةةة

ياعزيزتي الله يعيننا على الجامعه دي ويخلصنا منها الييين اخر قطره ليا معاهم وانا بتغززب منهم

طيب حبيبتي ممكن تقوليلي فين روحتي .. وكلمتي ميين عشان يعدودلك هيا

اليوم انا روحت عشان اتاكد من اسمي كيف ينكتب في الوثيقه .. وقالولي السستم خربان كالعاده لكن نقول ان شاءالله انو انا متاكده انو صح زي ماهو مكتوب في جواز السفر

بس بقي الاسم في شهادة حسن السيرة والسلوك مع العلم انها مهمه في التوظيف وغير اني بفكر اني اروح اكمل دراستي برا فـــ حتى بالانجليزي مره مهمه تكون متطابقة للي موجود في الوثيقه

[BrOwN CanDyy]

معقــــولة محد يعرف ويقدر يساعدني

[TeeNa....]

ممكن من عمادة القبول لو تسأليهم يقولولك
سؤال انتي تخرجتي من زمان؟ ولا لسا دوبك متخرجه
انا دا الترم اخر ترم ليا ومو عارفه لو في اجراءات اسويها ولا اي شي
غيرت حالتي لمتوقع تخرجه بداية الترم وبس يعني لازم اطبع شهاده ولا ايش
معليش قلبتها تحقيق بس دوبي اعرف انو نطبع اوراق ونراجع!!

[سلطان المالكي]

أنا اسمي الانقليزي مكتوب غلط وراجعتهم رحت لمسجل الكلية وعطوني نموذج تغير اسم وقالوا ح يتغير بعد 24 ساعة وهاتك يا سحبة لا تغير وهم يحزنون للحين زي ماهو

[قمممر]

انا رحت لهم اليوم و قلت لها انو ماتغير وكذا
فقالت انو بس عشر دقايق و حيتغيرر

رحت لوحدة ف عمادة القبول و التسجيل غرفة 2 عند وحدة اسمها سحر
ف السليمانية
مممرة طيوبة و بنت حلال روحي لها
انا الاداريات الثانيات قالوا ماحيتغير و خوفوني بس ذي زبطته ليا
الله يسعدها وويوفقها
عليك بها ، الله يسهل امرك

[BrOwN CanDyy]

اللهم امين يا قمـــر

تسلمي يا قمـــر على مساعدتك .. افهم من كلامك انها في نفس الوقت تعدلو ...؟؟؟!!

ان شاء الله الاحد ان ربي اراد اروح

عزيزتي تينـــا ..
في ارواق دراسة الحاله تسويها مع مرشدتك
وارواق التعهد ازا ماعندك جواز سفر
وفي كم ورقه تانيه ترفقيها زي جدولك وكشف درجاتك << دي تطبعيها من الاوديس

وبعد ماتخلصي لازم تطبعي من الاوديس شهاده حسن سيره وسلوك .. بس انتبهي يقفل عليكي الموقع لانو زي ماسمعت اول ماتخلصي ينقفل اوتوماتيك بعد اسبوعين لـ 3 اسابيع يعني يا تلحقي يا ماتلحقي

غير اني سمعت انو شهادة حسن السيره والسلوك مايعطوكي هيا مع الوثيقه عشان كدا نطبعها من الاوديس ونجيبها الجامعه يختموها

ووقت ماتخدي وثيقتك تسوي اوراق اخلاء طرف ودي فيها هجوله لكن امرها بسيط ان شاءالله
وبـــس .. ربي يوفقك ويسهل عليكي


خيوو سلطان المالكي ... اتوقع لازم تلحق نفسك من بدري وتخلص كل امورك عشان ماتشيل هم اي شي غير انك ترفع درجاتك ومعدلك لا تغلط نفس غلطي وتخلي كل شي لين اخر شي