ايش افضل عيادة للبشرة؟؟!!

[مملكة عمري]

أي العيادات افضل لعلاج البشرة؟

ديرما
اوباجي
عيد كلينك
ادمة

مين مجرب شي منهم
ومين افضل الدكاترة؟؟


دمتم بـــود

[حنين الود]

اذا عياده تجميل والغرض منها عمليات تجميل طبيعي عيد كلينك
وانصحك بالدكتور محمود عشي او ابو عشي ماني فاكره اسمه يعني بوتوكس وشفايف وخدود والخرابيط هذي مايبالغ فيها ..
ومن ناحيه معالجه البشره والشعر والجلديه بوجه عام مافيه احسن من الدكتور طارق الاطرش تلقينه بالأنصار بس لازم تحجزي قبل ماتروحي لانه زححححمه (بنت خالتي كان فيها حروق من الدرجه الثانيه ) وتعالجت بعد الله سبحانه وتعالى عند طارق مره تمام بس تداومي على الكريمات الي يوصفها لكي وشوفي النتيجه ..(الاثنين في جده)
اتمنى اكون افدتك .. بالشفاء..

[مملكة عمري]

ثاانكس يااعسل

[الإمبراطورة]

عيآدآت أوبآجي مآ يمدحوهآ..
والبآقية ممكن كويسة..

ع العموم لآ يهمكـ إسم العيآدة وشُهرتهآ أهم شيء الدكتور /ة
لأنو في> في المستوصفآت والمستشفيآت العآدية دكآترة مرررة كويسين..
.....................
وبالنسبة لكلآم الأخت حنين الود عن الدكتور الأطرش بمستوصف الأنصآر (حي الصفآ)
صحيح .. سمعت عنه والكُل يمدحه..,,





دُمتم سآلمين..

[مملكة عمري]

المشاركة الأصلية كتبت بواسطة الإمبراطورة عيآدآت أوبآجي مآ يمدحوهآ.. والبآقية ممكن كويسة.. ع العموم لآ يهمكـ إسم العيآدة وشُهرتهآ أهم شيء الدكتور /ة لأنو في> في المستوصفآت والمستشفيآت العآدية دكآترة مرررة كويسين.. ..................... وبالنسبة لكلآم الأخت حنين الود عن الدكتور الأطرش بمستوصف الأنصآر (حي الصفآ) صحيح .. سمعت عنه والكُل يمدحه..,, دُمتم سآلمين..

تسلمي خيتو..~
انا مايهمني الاسم .. بس ابغى شي مجرب..

تدرين شمس الجامعه لعبت فينا لعب وودي تتحسن بشرتي

بالنسبة لدكتور طارق اتذكرته بعد رد الاخت (حنين الود)

انا قد جربته زمااااان بس نسيت اسمه
كان ممتاز بس عليه بعض الملاحضات

[حنين الود]

حتى انا كنت بقولك على الملاحظات بس كويس انك عارفتها <<ههههههههههههههههههههههههه
كل الناس يقولوا الشي هذا بس اهم حاجه العلاج

[samya]

ايوا صح علية بعض الملاحظات وكمان في شيء ثاني انو هوا يحب يستخدم الكرتزون
وتشوفي في وجهك بياض مو طبيعي بس صراحة هوا تمام وتري يمدحون عفت داغستاني

[روووني]

لو تسمعي نصيحتي روحي عيادات ادفانس كلينيك عند الدكتور احمد هاشم نشئت جنسيتو سعودي ومررره شاطر

قلب وجهي انا واختي بعد ماكان مليان حبوب واثار وامين مررره اختي فيها كلف في وجهها نصحها تروح عند دكتور تاني عندو جهاز جديد من غير ماياخذ فلوس الكشفيه

وفي عيادات ادمه الدكتوره مها دحلان مررره كويسه بس مواعيدها زفت

من كتر ماهي كويسه تشتغل في العياده الملكيه


والله يفقك

[مملكة عمري]

مشكورين حباابيبي

دمتم بـــود..

[ليان]

نصيحة من مجربة لاتروحين اوباجي انا رحت عندهم وماشاءالله يخلو وجهك حلو وصافي وفاتح بس لانهم يشفطو فلوس كتير ولازم تكوني عندهم طول العمر تركتهم ولما تركتهم ساء لون وجهي مو لوني الطبيعي صرت اخاف من العيادات التجميلية ودحين اعالج عند دكتورة حنان في مستفى فقيه هي اخصائية جلدية ولسة ماصار لي شهر؟؟ في احد جرب عندها