الله يسعدكم ساعدوني ؟؟؟؟

[*كيميائيه*]

الله يسعدكم يابنات قولولي إش أعمل ؟؟؟؟
أضفت ماده حره (علم إنسان) مع أستاذه/منيره الرديعان
وحضرت اليوم وحسيت انه الماده دش وكلام كثير
وماني عارفه اسلوب الاستاذه وهيه ما قالت
وخايفه مره لأني أبغى ماده ترفع المعدل
الله يسعدكم اللي أخذت الماده
أو تعرف الماده او أسلوب الأستاذه تقول لي؟؟؟
لأني أفكر أحذفها .....

[الدُنيا مدرسة]

بصراحة ما أعرف الدكتورة بس المادة سمعت عنها كلام بناااات اللي تقوول حلوة المادة واللي تقول دش

يا حبيبتي استخيري وشوفي ربنا اش كاتب لك وبالنهاية هيا ماده حرة لاتخوفي نفسك منها

إنتي لو شفتي علم نفس الشخصية يمكن ترضين ع الماده هذي.. وربي كانت كلاااام والمحاضرة أصلاً كانت بس هرج ولافي كتاب نعتمده ولاشيء يعني الضياااع بعينه.. بس الحمدلله أهو نجحنا في المادة وكانت درجاتنا في الـ80 هذا واحنا مانعرررف شيء فضلاً عن اننا ما امتحنا دوريات دخلنا النهائي على الله لأنو دوريات ماكان فيه الدوري الأول نشاط من 20 والثاني يا تمتحني يا تسوي عرض بور واحنا سوينا عرض.. وانتي لو شديتي حيلك صدقيني المادة ما حتكون سيئة للدرجه هذي انتي يادووبك أول محاضرة

وبرضو اسألي إذا مررررة قالوا لك الماده معقدة ولو حذفتيها ماتنزل ساعاتك عن 13 بالكثييير توكلي على الله واحذفي..

إن شاء الله البنات يفيدوك كمان.. سوري يمكن ما أفدتك بس حبيت أقول لك لا تتسرعي وتحذفيها وتقل ساعاتك.. ماتدرين الخير وين ..

الله يوفقك لكل خييير يارب.. تقبلي مروري.