محاضرات نظرية التنظيم ..للدكتور احمد المزجاجي ..

[جامعي*]

اكليل الحمد الله بخير ..
الله يعافيك ياقلبي ..

[جامعي*]

عبطة ودي والله اساعدك بس ما اعرف احد عند ياسين ..
اتمنى تلاقي اللي يساعدك ..
موفقه باذن الله ..

[جامعي*]

ابي انجح ..
هو كتاب مصور .. تاليف : عامر الكبيسي ..

[زمرده *]

الله ينور عليك يا عسل

[يويو ون]

الله يسعدك يارب وينجحك بكل المواد اللي تاخذيها واللي لسه ماخذتيها
ياليت هو الدكتور ماقال لكم ويش الكتاب او الملزمه
ياليت تردي عليه

[يويو ون]

من وين اشتريتي الكتاب

[الفنكوش]

نصيحة لوجه الله للي عند الدكتور المزجاجي يذاكر من الكتاب أحسن له علشان يجيب درجة عالية
والله أختبرت عنده بأخلاقيات العمل وضيعت فيها لأني مذاكر مذكرة وهو دخل علينا بالقاعة يقول لنا المذكرات ما تمشي
والحين قاعد أحاول أتفادى مواده لين الله ييسرها
حبيت أنصحكم والله يوفقكم

[جامعي*]

يو قلبو انا ماشريت الكتاب وحده من صحباتي عطتني هوا الله يعطيها العافيه ..
بس اكيد موجود بالمكتبه ..

اخوي الفنكوش اكيد بنذاكر الكتاب وكلامة بالمحاضرة مابنخلي شي .. ويسلموو عالنصيحه ..

[جامعي*]

محاضرة ؛؛2؛؛

- ماهي المنظمة ..او المنشأه ..او المؤسسه كلها واحد كلها مترادفات اللي يفرق بينها الهدف في الاخير .

- الدكان يعتبر منظمة ..

- المنظمة هيا عبارة عن وحده تتكون من ثلاث عناصر تمارس نشاط معين لتحقق هدف معين اذا كانت هدف عام تعتبر منظمة عامة واذا كان الهدف تجاري تعتبر منظمة تجارية ..

- المنظمة المدنية الادارية غير المنظمة المدنية التقنية غير المنظمة العسكرية غير المنظمة الصحية ..
اذا فهي تعتمد على طبيعة الخدمة التي تمارسها المنظمة ..

- المنظمات الاكاديمية تختلف عن المنظمات الادارية ..

- عرفنا وش المنظمة نفس الشي المنشأة نفس الشي المؤسسة ..

- اش الاشكاليه في المنظمة العامة والمنظمة الخاصة ..

- العامة تقدم سلعه ببلاش اما الخاصه بفلوس ..

- من دكان الى اكبر شركة في العالم يحددها هدف الربح ..

- ان المنظمة العامة تمارس نشاط محضور على المنظمة الخاصة ..

- تمثل المنظمة العامة اشياء تعتبر جزء من الدولة ..

- يميز المنظمة العامة انها لاتملك مرونة وتعتبر انظمتها جامدة ..

- ان المنظمة الخاصة تحكمها المنافسه ..

- مثال واحد يبيع اقمشة عندو طريقه في اغراء الزباين عندو مرونة في السعر عندو مرونة في التوصيل للبيت تجي الست تختار القماش ويوصلو للبيت ..

- في دبي الجوازات تدور في الشوارع تخدم المجتمع من حيث تغيير جواز تغيير بطاقه ..الخ من الخدمات ..
من وين جاتهم الفكرة هذي من المنظمة الخاصة ..

- الفرق بين المنظمة الخاصة والمنظمة الهامة ..
المنظمة الخاصة ممكن يمتلكها الفرد بعكس المنظمة العامة ..

- بوليس , جيش , تمثيل دبلوماسي كلها تحتكرها الدولة ..

- فواكه , خضار , سندويشات , فول ممكن تاخذها المنظمة الخاصة ..

- من ناحية الهدف المنظمة العامة هدفها عام ..
المنظمة الخاصة هدفها الربح ..

- من آمن العقاب ساء الادب ..

- اذن المنظمة التي تسعى الى الربح في الغرب مو مفلوتين على كيفهم اما عندنا مفلوتين ..

- في حاجه ايضا تميز المنظمتين هنا في مرونة في الخاصة اما المنظمة العامة مافيها مرونة بمعنى مانقدر ناخذ الجوازات من اي مكان .. هنا في سرعة تطوير في الخاصة بعكس المنظمة العامة بطئ في التطوير ...


- بكذا انتهت المحاضرة وطبعا نصها راحت حكاوي ..

بالتوفيق للجميع ..

[نوف-]

تسلمي ياحلوة وبس الله يهديه هاالدكتور محاظرته كلها سواليف بس قال امس انو يوم الربوع جيبو الكتب عشان يخطط معنا الكتاب