شرح شابتر 2 في الحوسبة ؟؟؟؟؟؟

[سلطان111]

تكفوووووووووووووون

[CrEaTiVe4ever]

السلام عليكم ورحمة الله وبركاته

شوف دا الموضوع في شرح للمادة من الأخت كوكو شانيل جزاها الله ألف خير ..

http://www.skaau.com/vb/showthread.php?t=268797

بالتوفيق :)

see ya

[كوكو شانيل]

السلآم عليكم ورحمة الله وبركآته

أريحك من عنآء البحث في الصفحآت

دآ شرح لشآبتر 2

المشاركة الأصلية كتبت بواسطة كوكو شانيل بااك قآيز رـآح أخوش في الموضوع طوـآلي 2.1 1) تعريف number system 2) ممكن يكون عندي مجموعتين من الأرقام المختلفة لكنها حتعطيني نفس القيمة (الكمية) لو حولتهآ من ديسيمال لبايناري أو العكس ، وفي نفس الوقت دي المجموعتين بتتواجد في أماكن مختلفة . 3) بعدين يقلنا إننا زي ما بنستخدم الحروف لتكوين اللغة إحنا حنستخدم الـ digits لتمثيل الأرقام . 4) number system: - positional system . - non_positional system . 2.2 " إلين هنا دي كلها مقدمة بس " 5) أحيانا الأرقام بتوجد على شكل أعداد صحيحة بفواصل (أعداد حقيقية) كدا مثلا : (325.114) الأرقام دي كل رقم رمزلو الكتاب بحرف s ، اللي قبل الفاصلة رموزهم حتكون (s صفر ، s واحد ، ..... ، sk-1) يعني كأننا نقول من صفر إلى مالا نهاية ، واللي بعد الفاصلة (s سالب واحد ، s سالب اتنين ، .... ، s-l -إس سالب إل- ) يعني من -1 إلى سالب مالا نهاية . بيني وبينكم >> حتصير زي خط الأعداد السالب يمين والصفر والموجب يسار 6) كل عدد من الأعداد دي نضربو في الـ base تبعو مرفوع لأس ، والأس دا ياخد قيمة نفس موقع العدد يعني أول عدد قبل الفاصلة (يسار) راح يكون ترتيبو صفر واللي بعدو واحد وهكذا إلين تخلص السلسلة العددية اللي عندي <- هرجة السلسلة من عندي واللي بعد الفاصلة (يمين) أول عدد سالب واحد واللي بعدو سالب اتنين وهكزا . وجاي شرحها بالتفصيل -إن شاء الله- . 7) في نفس جزئية 2.2 بيعيد نفس الكلام بصيغة تانية وبيقول : الأعداد الصحيحة (integral ، اللي قبل الفاصلة ، اللي في اليسار) البيس حقها ياخد أسس موجبة والأعداد العشرية (fractional ، اللي بعد الفاصلة ، اللي في اليمين) بيسها حياخد أسس سالبة . دحين نبدأ في الجد 8) the decimal system - البيس حقو 10 ،، " راح نتبع نفس الكلام اللي انشرح من بداية 2.2 كلو " . - الديسيمال بيحتوي على 10 خانات كل خانة حتاخد رقم من الأرقام {0 إلى 9} . ندخل في الأمثلة عشان توضح الفكرة أ - الأعداد الصحيحة : ex. 2.1 page 19 <- ليلنا طوييل على ما ينتهي دا السميستر على خير ><' * أعطاني عدد صحيح (224) وطلب الـ place values بالنظام العشري . يعني حنحدد موقع كل رقم من الأرقام دي . " زي أيام الإبتدائي لما كنا نقول دا آحاد ودا عشرات ومئات وألوف " <- الموهيم : بما إنو مافي فواصل ولا أعداد كسرية راح نبدأ الحل من اليمين لليسار ، أول خطوة ، 4 x عشرة أس صفر + تاني خطوة ، 2 x عشرة أس واحد + تالت خطوة ، 2 x عشرة أس اتنين *الآتي لتوضيح الحل : من رقم 1 -> يطلعلنا الناتج 4 <- آحاد من رقم 2 -> 20 <- عشرات من رقم 3 -> 200 <- مئاااات * وبس ، انتهى المثال ! نجي للمثال اللي بعدو : ex. 2.2 page 20 نفس السؤال للرقم (7508-) *السالب حينزل زي ما هوا ما راح يغير في الحل شي* الحل من اليمين لليسار : ( 8 x عشرة أس صفر + 0 x عشرة أس واحد + 5 x عشرة أس اتنين + 7 x عشرة أس تلاتة ) - (8 + 0 + 500 + 7000) - ب - max. Value : عشان نعرف القيمة العظمى للـ decimal integer أعطاني القانون : nmax. = 10^k - 1 " (عشرة أس كي) ناقص واحد " شوفوا القانون في الكتاب عشان يوضح أكتر الـ k هوا عدد الأرقام المعطاة في المثال ; يعني زي مثال رقم 2.1 الكي = 3 ومثال 2.2 الكي = 4 + المثال الصوغنن اللي تحت القانون . جـ - الأعداد الحقيقية : ex. 2.3 page 20 أعطاني العدد (24.13) بنفس السوعااال ض1 ( هنا في شق أيمن وشق أيسر ، يعني الجزء الصحيح نبدأ حلو من اليمين لليسار وبإشارات موجبة زي ما قلنا والجزء العشري مدري الكسري عكس من اليسار لليمين وبإشارات سالبة ) . هكزا : الجزء اليمين (الـ fractional) من اليسار لليمين ، x 3 عشرة أس سالب اتنين + 1 x عشرة أس سالب واحد + الجزء اليسار (الـ integral) من اليمين لليسار ، 4 x عشرة أس صفر + 2 x عشرة أس واحد حتصير كدا : x 3 عشرة أس سالب اتنين + 1 x عشرة أس سالب واحد + 4 x عشرة أس صفر + 2 x عشرة أس واحد = 01. في 3 + 1. في 1 + 4 في 1 + 2 في 10 وبكدا خلصنا من الديسيمال ولله الحمد . لي بااك آخر إن شاء الله قريييييبا

المشاركة الأصلية كتبت بواسطة كوكو شانيل بااك بدوون مقدمات نكمل شرحنا 9) the binary system -البيس حقو 2 . -كل شي فيلو عكس اللي سبق لكن بدال أي 10 نحط 2 . -يمتلك العددين {0 ، 1} فقط <- عشان كدا قلنا عليه ثنائي . أ - الأعداد الصحيحة : ex. 2.4 page 21 أعطاني 2(11001) بالـ binary وطلب مني أحولها للـ decimal الحل : من اليمين لليسار ، (1 * 2 أس صفر + 0 * 2 أس واحد + 0 * 2 أس اثنين + 1 * 2 أس ثلاثة + 1 * 2 أس أربعة) = (1 + 0 + 0 + 8 + 16) = 10(25) ياارب تكونوا فهمتوها ^^' ب - max. Value : نفس حكاية الـ decimal nmax=(2^k)-1 ("اثنين أس كي"-1) + مثالها في الكتاب . جـ - الأعداد الحقيقية : ex.2.5 page 22 2(101.11) نحولها من binary لـ decimal * للتذكير : - الجزء الصحيح من اليمين لليسار والأس من 0 لـ موجب ما لا نهاية . - الجزء العشري من اليسار لليمين والأس من -1 إلى إلى سالب ما لا نهاية . (1 * 2 أس سالب اثنين + 1 * 2 سالب واحد + 1 * 2 أس صفر + 0 * 2 أس واحد + 1 * 2 أس اثنين) = (25. + 5. + 1 + 0 + 4) = 10(5.75) 10) the hexadecimal system - البيس تبعو 16 . - كلو شي بنفس حكاية اللي انشرح قبل كدا لكن الشي الزيادة اللي فيلو ، إنو الـ symbols يحتوي 16 (خانة) نرتب فيها الأعداد من {0 إلى 15} بالترتيب ، ونعوض عن الأعداد من {10 إلى 15} بالأحرف من a إلى f . أ - الأعداد الصحيحة : ex.2.6 page 32 16(2ae) نحولها من هيكسا لديسيمال . في الهامش نفتكر الرموز وما يساويها ، يعني الـ a =10 ، والـ e =14 نبدأ الحل من اليمين لليسار ، (14 * 16 أس صفر + 10 * 16 أس واحد + 2 * 16 أس اثنين) = 10(686) ب - max. Value : نفس الهرجة ، nmax.=(16^k)-1 مع مثالها اللي في الكتاب . جـ - الأعداد الحقيقية : " ما ذكرلها أمثلة في الكتاب بس هيا بنفس الطريقة بالضبط ". 11) the octal system its base = 8 ، الـ symbol من {0 إلى 7} . أ - الأعداد الصحيحة : ex.2.7 page 24 8(1256) نحولها من octal إلى decimal من اليمين لليسار ، (6 * 8 أس صفر + 5 * 8 أس واحد + 2 * 8 أس اثنين + 1 * 8 أس ثلاثة) =10(686) ب - max. Value : nmax.=(8^k)-1 ، مع مثالها . جـ - الأعداد الحقيقية : " بنفس الطريقة وما ذكرلها أمثلة ^^ ". * الجدول في صفحة 24 (table 2.1) جدًا مريح لأنو ملخص للكلام كووووووولو من بداية الديسيمال لنهاية الأوكتال يعني كل شي مهم موجود فيلو . بالتوفيق =)

دعوآتك ^^


---------------------------------------------

كرييتف

إلهي يسعدك يآ بت