بعد ما ذاكرت الادة حذفوها !!!!

[wed0o0]

السلام عليكم

هذه الجامعة يبالها

والله اظن المدارس فيها نظام ومعاملة احسن منها

دوبها لو مو وحدة من البنات بتقول شوفو جداولكم انا حذفولي شكسبير ماكان فتحت ع الجدول غير وقت الاختبارات

لقيتهم حذفولي شكسبير والسوسيو والاسوأ اضافولي مقدمة في الادب اللي حذفته من اول يوم بالدورة

ليييييش التخلف هذا!!

بعد ماذاكرت المادة وضاع الوقت فيها يحذفوها من راسهم!!

لو بيقولو لها متطلب وما اخذناه.. طب من الاساس ليش سمحو باضافتها .. خشرومية بنت اضافت كم مادة وهي مااخدت المتطلب لها وما قالو شي وقتها!

لو نظام الحذف والاضافة وقتها كان خربان كان كلفو على نفسهم شوية ودخلو ع الكلاسات وقت الدورة وقالو يابنات معليش اللي اضافت مادة ومااخدت اللي قبلها لازم تحذفها!!

او ع الاقل كان اعطونا خبر انهم حذفو ولعبو بالجداول .. ليش عندهم ايميلاتنا وارقام جوالاتنا!؟

[LAURA H]

لا اله الا الله..
والله لازم تروحي الجامعة قبل ما يخلص وقت الحذف والاضافة وتتفاهمي معاهم..
موفقة صديقتي..

[شيئ من الروح]

!!!!
الله يكون في عونك

[ѕυрзя пıdσ]

والله شي يقهررررررررررررررررررررررر

حسبي الله ونعم الوكيل

بعدين هما من البداية ماسمحو لنا ناخد مناهج بحث الا لمن نخلص المتطلبات تبعها

المفروض يقولو على الادب كدا ومن بدري

مو بعد مايسمحلو للبنات ياخدوها ويزاكروها ويحذفو على كيفهم !!!

لو انتي تعبانة في المادة ومتأكدة انك بإذن الله حتقدري تعديها راجعي الجامعة واشرحيلهم الوضع وبإذن الله حيتفهمو

[ام حمدان]

لا حول ولاقوة الا بالله

يالليل مع ذا القسم وبعدين مايبطل مفاجأات

حبيبتي انا شفت بنفسي اهتمامك بالماده هذي بالذات وباين انك بداتي تذاكريها بجديه لذلك حراااااااام الي قاعد يصير مو ذنبكم لو النظام توه يصحى من سباته ويحذفلكم على هواه

حبيبتي لا تسكتي الوقت عندنا مو لعبه وقت مانقوله ارجع ورى يرجع

لذلك اشتكي لرئيس القسم من الي قاعد يصير في جداولكم انتي وكل وحده صار معاها نفس الشي وهو إن شاء الله يتفاهم مع شطر الطالبات ويشوف حل لمشكلتكم الوقت يمشي راسلوه اليوم وربكم ييسر ولو تقدروا تروحوا للجامعه بنفسكم وتعترضوا برضو حلو

الاختبارات قريبت ومافي وقت للانتظار

الله معاكم ياعزيزاتي

[ام حمدان]

هذا ايميل الدكتور محمد الغامدي رئيس القسم
alghamdimohammed@hotmail.com

[LAURA H]

معقول يرد عليها؟؟!!

[ام حمدان]

^
قصدك معقول يرد الدكتور محمد على رسالتها

ايوه طبعا معقول ونص وعن تجربه انا سبق وسئلته عن امور عالايميل وكان يرد علي يااما في نفس اليوم او بعده بيوم او يومين
وإن شاء الله انه مايقصر معاكم لانه مو على كيفهم يحذفولكم في وقت متأخر
كان من البداية حذفوا لكم لو النظام مايسمح مثل مايقولون
وبعدين الاولاد عندهم عادي لو تنضاف لهم ماده قبل او مع متطالباتها ليه عندنا معقدين الحكايه ذي ؟
احنا مو صغار وكل وحده تقدر تتحمل مسؤولية خيارها

الله يخارجنا من القسم على خير

[wed0o0]

شكرا ام حمدان وجزاك الله خير


ان شاءالله يارب يرد ويفيدنا