استفسار ضرورى جدا لكل الزملاء ارجو الدخول

[عبدالله بن عبدالرحمن]

السلام عليكم ورحمة الله وبركاتة
والصلاة والسلام على نبينا محمد وعلى الة وصحبة اجمعين

قررت يا اخوان ان انتقل الى جامعة تبوك بعد تفكير كبير وقمت بالاتصال بالجامعة وافادونى بأنة يجب ان احضر ورقة نقل وسجل اكاديمي ..
سؤالى :
هل لا بد ان احضر بنفسي لاحصل على الاوراق من جامعتنا ؟؟
ام اى شخص ينوب ؟؟
ام يمكننى الحصول علية من الاودس؟؟
وهل فية احد موضف بالجامعة يقدر يخدمنى لوجة الله وينهيها لى >>> ان شاء الله ربنا يرزقنا وبلد حلال يضبطها
:)

صراحة انصدمت صدمة قوية من هالجامعة وتعقديها
وختاما :
كل ما ارجوة يا اخوان-تى ان تغفرو لى اى زلة قد زللت بها على احدكم او اغتبتة او حدث سؤ فهم بيننا لاختلاف وجهات النظر وان تسامحوننى فلربما لن نلتقى ثانية .
وكلمة حق لقد قضيت فى هذا المنتدي لحضات لا تنسي ورأيت فى هذا المنتدي وايضا تعرفت على انسان لم يسبق لى ان تشرفت بمعرفت امثالهم واتمنى ان تستمرو فى تفوقكم وتميزكم وان تفرحو بتخرجكم جميعا .

ولا اوصيكم على الدفعة كلها يبو الاء وابو سلطان (سلطان شمر)والاخ محمد الحربي (منتسب)
تشرفت جدا بمعرفتكم وصدقا تاج اضعة على رأسي...

اسال الله التوفيق للجميع وان ييسر لى ولكم مافية خيري الدنيا والاخرة
اخوكم
عبدالله بن عبدالرحمن

[sultan shammar]

صراحه ياابو عبدالرحمن انت شرف كبير لاي شخص يتعرف عليك


ومن المحزن اني اسمع تقول الكلام هذا

لكن اذا هذي رغبتك


الله يوفقك دنيا واخره ياعبدالله فأنت من الناس اللي ينحطون على الراس ويندم الشخص انه ماتعرف عليهم

الا متأخر

[بن حماد]

لا لا وانا خوك ياعبدالله لا تخلي عثرة بسيطة او فترة عصيبة مرت عليك تحطم مستقبلك ويروح تعبك ,عمومآ لاتستعجل استخر وفكر ترى اكثر الناس يمرون بظروف كثيرة وصعبة لكن في نهاية المطاف الفرحة تنسيهم كل اللي مروا فيه .
الله يوفقك وشدّ حيلك

[عبدالله الAL-HARBIحربي]

الله يوفقك يابو عابد ويستر عليك

والله يأمرك بما هو خير لك والله خساره على الجميع رحيلك وسنفقدك لكن جعلها خضراء بوجهك

مدري وش الاسباب اللي جعلتك تاخذ هذا القرار واذا هذه الجامعه افضل من جامعة تبوك انصحك لاتسرع وكما قالو الاخوان لاتقف بطريقك عثره بسيطه إن شاء الله ستتجاوزها بئذن الواحد الاحد واللي اعرفه عن جامعة تبوك انها مسار ترجمه معلومه غير متأكد منها

وبالنسبه للخطه والمواد فهي مشابهه الى حد كبير لخطتنا ماعدى مواد الاستماع والتحدث والفرنسي

كنت بحول عندهم وقالو تعال نعادلك موادك ولازم تجيب سجل اكاديمي من جامعة عبداللعزيز

ابو عبدالرحمن الله يامرك بما هو خير لك والله يوفقك

وبالعكس والله ماشفنا منك الا الطيب والخوه اللي ترفع الراسع

تقبل تحياتي

[سلطان القلوب]

تجربتي الشخصيه في النقل من جامعه الملك عبدالعزيز لــ جـامعه الملك فيصل بالاحساء .. بعد ما رسبت في الترم اللي راح في مادتين ..!!




في البدايه تواصلت مع الاعضاء بمنتدى جامعه فيصل وقالوا من شروط النقل 1- ورقه نقل 2- سجلك الاكاديمي

بعدهــا ،،

ذهبت الى قسم العماده والقبول في مبنى 26 الدور الثاني ... دخلت على موظف الاستقبال وقلت له انا رجال ابي انقل لجامعه اخرى ويا ليت تساعدني في الحصول على سجلي الاكاديمي و خطاب نقل من جامعه لآخرى ..

وخلال دقائق اعطيته رقمي وطبع لي برنت ( نسخه من السجل الاكاديمي ) مسجله فيها المواد اللي درستها والدرجات باللغه الانجليزيه ... وبعدين يقولك روح اختمه من السكرتير ... وطبعا تدفع 10 ريال عشان يختمه لك ههههههههه >> نظامهم غريب ..!!

المهم عند نفس السكرتير عنده نسخه جاهزه لـ خطاب النقل ما عليك الا اضافه معلوماتك كامله + سبب النقل >> مهم جدا تذكر سبب مقنع لآن الموظف قال لي احتمال كبير ما يقبلونك اذا كان سبب النقل ان الدراسه صعبه ولا مالي خلق اكمل او الرسوم كثيره 3000 هههههه ...لازم يكون سبب مقنع جدا

بعد ما اخذت الاوراق ودفعت الرسوم ..رجعت لمنتدى جامعه الملك فيصل .. وللأسف الشديد بعد كل هالتعب والمطامره اكتشفت انهم ما يعتمدون لنا الا 15 ساعه بس حتى لو انك في المستوى الثامن وتبي تنقل عندهم

واتصلت على عماده الطلاب بجامعه فيصل وقالوا لي طلاب الانتساب التقليدي لا يتم معادله الا 15 ساعه فقط

لآن نظام التعليم عندنا انتساب مطور وفيه حضور ومتابعه وواجبات وبحوث ومتابعه الدكتور من خلال البلاك بورد و و و الخ

... وبعد التفكير والاستخاره قلت مالي الا جامعه المؤسس واغمض عيوني وادفع كل ترم 3000 واشد حيلي بدراستي ..وموضوع النقل شلته من بالي والحمدالله ،،،
1-


الزبــده //

1- تأكد من جامعه تبوك ... كم ساعه بيعادلون لك قبل ما تخسر وتسافر وتغيب عن دوامك
2- في حاله طلب خطاب نقل او سجل اكاديمي لابد الشخص نفسه هو اللي يخلص اجراءاته
3- تأكد من مواعيد الدوام الرسمي لعماده شؤون الطلاب وساعات العمل ..
4- أعلم أن الدراسه في جامعه المؤسس تخرج طلاب لغه مستواهم اعلى بكثير من طلاب الانتساب ببقيه الجامعات
لاني شفت مناهج طلاب الانتساب في جامعه الملك فيصل >> بسيطه جدا .!!
5- لا تيأس حتى لو رسبت في ماده أو درجاتك غير مقنعه بالنسبه لك .. لسه الطريق قدامك طووويله وبأمكانك تحسن من مستواك ..!!
6- واخيرا .. اذا قررت خلاص الرحيل فـ توكل على الله .. والله ييسر امرك ويسهل عليك وبتوحشنآ يا عبدالله

ولا تنسى زياره نظام المعاملات الالكترونيه اللي بالـ odus راسلهم وشوف الوضع ..!!


وبالتوفيــق لك ،،

[HaMaD2oO8]

اخوي عبدالله سبق وان سالت عن سبب تسجيلك في جدة وعدم انضمامك لجامعة تبوك .. الجامعة تعقيد في تعقيد وباقولك تجربتي الشخصية عندما قررت التحويل منها بعد حصولي على درجة 60 في الرايتنق مع العلم اني اجزم انني باسوا الاحوال ساحصل على 80 بعدها ققرت الرحيل انا واثنان من زملائي ..

طبعا السجل الاكاديمي اي شخص يقدر ياخذه لك من جامعة الملك عبدالعزيز وذلك بدفع 10 ريالات < اهم شي الدراهم :) ..

بعدها ركبت السيارة ورحت لتبوك وكان احد الاشخاص تعرفت عليه ووقف معي وقفت رجل لكن والله العظيم الجامعة سببت لي مغص مزمن .. اول شي لما جت سالفة معادلة المواد قالوا لي سدد الرسوم ولازم من فرع وبنك بتبوك هههه والرسوم وسددناه وللاسف كما هي عادة السعودين الكرم اللامنتهي في تكريم الاجنبي فجامعة تبوك سلمت الدكتور المصري الجنسية دكتور صبري سلمته شؤن الانتساب وهو بنفس الوقت محاضر !! فعلن قلوا عليال هالبلد !! هالدكتور هذا مايدر وش السالفة اقسم بالله لسببين الاول انه يدخل على مكتبه ويقفله والطلاب ينتظرونه بالشمس ولابد ان يكون لديك احد يدخلك عليه حسسني انه امير .. لما دخلت عليه اول شي اخذ السجل وقعد يحط دوائر على المواد اللي بيعادلها لي الخطة مختلفة وفيها تعقيد وتاخير غير مبرر .. المهم ماطول عليك بعد ذلك رحت لعميد كلية الاداب وجلست اشرح له قصة حياتي قاطعني قال اهم شي سددت الدراهم !! عندها حسيت بطعنة قوية يعني عيب اللي يصير ياخي احترموا طموحنا !!

عندما خلصت جميع الاجراءات علما انني لست من تبوك اعطوني الرقم الجامعي وقالوا لي شيك على جدولك .. هنا حدثت المفاجاة الرائعة !!



لما دخلت مكتوب التخصص : دراسات اسلامية ..!!! ياللله بعععد كلللل هالتعب دراسات اسلامية هههههه ولا بادين فيني من السنة التحضيرية !! عيب عيب مايحدث ..

المهم حاولت وحاولت استرجع الرسوم وبعد مرور شهر رجعوا لي 1000 ريال فقط والف لهم بحجة انني ضيعت كرسي على احد علماء تبوك هههههه حسسوني انه كرسي بمجلس الشورى ..!!


المهم رجعت لجدة ولازال التخصص ثقافة اسلامية .. لكن احد الزملاء من اهل تبوك قام بالتحويل لهم واخبرني انه في اختبار احد المواد الادبية وضعوا لهم في المكتبة ملخص عبارة عن 100 سؤال اختيارات ياتي منه 50 في الاختبار وان مسؤل الانتساب الاداري يختبر مع الطلاب ..!!




المهم ابو عبدالرحمن رحيلك فهو خسارة للجامعة لما لمسته من اجتهاد لديكم .. لكن وانا اخوك انا ان ماوقفت معك اللحين متى اقف معك ؟؟ اخوي انا من الناس اللي كملت بالجامعة وباذن الله تسهل الامور واي سؤال بالمستويات القادمة راح اساعدك من ناحية الملخصات او الحاجات المهمة .. اتمنى ان يكون بيننا تواصل ..!!



اعذرني على الاطالة ..

[منتسـب]

لا يا عبدالله وش هالكلام تأكد تكفى واستخير قبل تنقل من الجامعه

والله لو صار هالكلام ونقلت اننا راح نفقـدك

صدقني انت اللي معرفتك ترفع الراس وانت اللي علمتنا التفائل وانه مافي يأس

استخير وكمل معنا واحنا عرفنا سر هالجامعه تشوف اسئلة الامتحانات السابقه وتشوف مين دكتور المادة قبل تأخذها

اتمنى ياعبدالله انك تتراجع عن قرارك ولاتتسرع ولاتخلي نتيجة مادة تأثر فيك وتمنعك من طموحك

وعموما اذا انتقلت الله يوفقك وييسر لك ويفتح لك جميع ابواب رزقه وراح نذكرك بالخير ان شالله

بس اقسم بالله ان قرارك هذا اثر فيني وصدمني الله يسامحك بس

[عبدالله بن عبدالرحمن]

سلطان شمر الله يوفقك يبو السلطان
بن حماد ههههههه لكل جواد كبوة ومو موضوع عثرة فالعثرة معرض لها اى شخص ولكن تبعات العثرة هى العثرة الحقيقية
عبدالله الحربي>>>> اعجبتنى عفويتك الله يوفقك ياشيخ
سلطان القلوب =الله يسعدك على شرحك الوافي افادنى كثير والله
حماد = تسلم حماد الله يوفقك صار لى نفس كلامك تقريبا
منتسب= تسلم محمد اشكرك على مشاعرك الطيبة

الله يعطيكم العافية يا شباب واشكركم على مشاعركم الطيبة واسال الله يوفقكم ويرزقكم من حيث لا تحتسبون
اخوي حماد صار لى اليوم نفس كلامك لكن اكثر بشوي من جهة المواد
طبعا رحت للعمادة اللى بنفس مبنى الكلية القديم وسألت موضف بالمصادفة كان زميل دراسة وارسلنى على واحد مصري اسمة (؟؟؟؟؟؟) تقريبا اممممم اسم غريب والله نسيتة ههههه
عموما كان ورى المكتب الصغير حق خدمة الطالب دخلت علية وكان فية شوية ثقة بنفسة زيادة ويادوب حرك يدة عشان يسلم على (يمكن غاثية الطلاب) والحمد لله اعانة الله حتى لامست اطراف اناملي يدة ثم سحبها سريعا لكن الحمد لله استطعت السلام على سموة الكريم..
وشرحت لة الموضوع ثم صرف لى ابتسامة عريضة واخذ اوراق طبعتها من الاودس وحط اكس على مايلى:
اللسننق 2
الريدنق2
ومناهج البحث
والراي العام
الرايتنق
والفرنسي1
ووووووو فية مادة كمان بس سقطت سهوا من بالي تقريبا انها التحرير الكتابي

يعنى تقريبا حذف لى ترم كامل!!!!!!!
قبلها كلمنى موضف العمادة وقالى لابد تحضر الاوراق قبل 8/25 والدكتور هذا اللى قابلتة قالى لابد تجيبها بعد هذا التاريخ ؟؟؟؟ يعنى فية واحد يصرفنى والسؤال هنا هل تتوقعون اللى صرفنى زميل الدراسة ام الدكتور ؟؟؟
بصراحة يخوف...
وبيبدأون معاى خطتهم الدراسية من المستوي الثالث من بداية المسار لكل مادة..

هنا بصراحة شباب الشغل يبى شوية تفكير ؟؟؟؟؟؟؟؟؟؟؟؟
يعنى جامعة تبوك بتوفر على اكثر من 70% من مصاريف الترم الواحد
وانا والله محتار هل ام هل .....؟
بس عندي سفرة للعاصمة ابي احمل جيوب من هناك وارجع ولها الف مليون ترليون حلال
:)
شرايكم قايز

[حلاها زايد]

يحقلك والله تفكر تحول من هاذي الجامعة المريضة
الله يكتبلك الخير ويوفقك

[ابو الاء]

ابو عبدالرحمن
انا لم انتبه لموضوعك الا الآن ويشهد الله على ذلك

تخيل عندما بدأت في قراءة ما كتبته اجتاحني شعور غريب جدا جدا
فقلت في نفسي ( يالله عبدالله عبدالرحمن ,, خط الدفاع الاخير ,, يفكر في الرحيل )
عبدالله عبدالرحمن,, من كان يبث الحماس في جميع دفعة 10
عبدالله عبدالرحمن ,, من اسميته جابر عثرات المتعثرين
عبدالله عبدالرحمن ,, من يكتب دائما بعفوية تامة ويكثير من استخدام ( هههههههه) في مواضيعه وردوده
عبدالله عبدالرحمن ,, الذي قال احد الزملاء في اول اختبار الترم الماضي (أتمنى يا ابو الاء اني اشوف عبدالله عبدالرحمن )
عبدالله عبدالرحمن ,, الكيان ,, نعم الكيان ,, وليس الشخص,,, الذي ازددت اصرار على الدراسة بعد تعرفي عليك

ابو عبدالرحمن ,, لا تبحث لي عن اعذار لتقنعني بها لتبرر انسحابك من جامعتنا
ابو عبدالرحمن ,, أعلم انك تمر بحالة احباط ولكن ليس عبدالله عبدالرحمن من يرفع الراية البيضاء عند اول مصادمه
ابو عبدالرحمن ,, راجع افكارك ,, قبل ان تتخذ قرارك


والا اقوووووووووووول ,, على الجواااااااااااال بسرعة انتظر مكالمتك او انتظر مكالمتي

همسة : في الايام القادمة سأقدم لك هدية , انتظرها فقط