الفرنسي .........

[amoshaya]

يا بنات الفرنسي خلونا نتعرف على بعض و نشوف اللي اتقبلو السنه دي و ايش المواد اللي اخدتوها و انتو عاجبكم التخصص ولا بتفكرو تغيرو ؟!!

انا اخدت 4 مواد بس اللي هيا مواد التخصص حقت المستوا الثالث
lanf 211

lanf 223

lanf 231

lanf 243

الأستاذات سميه عامر محمد خلف

و سلوى خالد محمد الميمان

و ياليت اللي درسو عندهم قبل كدا يفيدونا كيف هما و يفيدونا في المواد دي

[amoshaya]

^
^
^
^

[أنثىْ لأ تنحنَيِ }`]

انا نفس شعبك

وناسه بس ابغا اعرف انتي نزلك جدولك عالاودس

انا بس اعطوني اياه عالورق اعطتني اياه استاذه صالحه


بس للمعلوميه الدوام من ببكرا يبدأ ياحلوه

كذا قالت ليا استاذه صالحه

ورح يبدأ التحضير والمحاضرات من بكره اللي هو الاحد

نتقابل يا عسولا

[محمد الفرنسي]

الله يوفقكن جميعا

وتتقابلن على خير

[ẪĻộộƒằ]

انا فرنسي مستوى تاني في التخصص
ومستوى رابع في الجامعا

دكتوره سلوى جدن رائعه
بس شديده بالاصح صارمه يعني ما تعيد اختبارات ما تأجل لكن شرحها جدن رائع

استازه سميه طيبه وحبوبه مرا عسل
وحريصه على انها توصلك المعلومه بس اهم شي تحسسيها انك معاها وما تهملي

بس مرا لا تشيلي همهم مرا كويسين وعلى مستوى عالي


انا دخلت القسم برضايا وحكمل فيه
ومرا مبسوطه وصدقيني مرا حتكوني اوك بس اهم شي اول دروس ركزي فيها
لانها الأساس ومن دون الاساس ما حتمشي

وصعوبة الفرنسي تكمن في اختلاف نطق الحروف الي انتي متعوده تنطقيها بالبروناونسييشن الانجليزي
كل شي اكتبيه وراجعيه نهاية كل اسبوع

واذا تبغي تستمري في القسم لا تختبري وتنسي
اختبري وراجعي بعد الاختبارات
دايمن حاولي تربطي بين حياتك وبين اللغه الي بتدرسيها

بالنسبه ليا حرجع اكمل في معهد انجليزي كمان ان شاء الله اذا ظروفي سمحت
عشان تكون معايا لغتين


يلا ..
Bonne chance
aurevoir

[amoshaya]

ياااااي انثى في احد معايا دوبني اشوف اللي كتبتيه هههه اجل الحمد لله اني مارحت اليوم هههه

الووفا شكراً على المعلومات طيب سؤال انتي لما دخلتي القسم كان عندك خلفيه عن اللغه دي انا عن نفسي خايفه لأنو ما اتعودت انو ادرس لغه ما اعرفها ولا اعرف عنها شي

[أنثىْ لأ تنحنَيِ }`]

ياحلوه طلع الدوام يوم السبت

اليوم جابوني عالفاضي

رحت سألت استاذه سلوى وسميه قالوا ليا يوم السبت

طلعت استاذه صالحه تقول الدوام بكره مو ليا للبنات اللي بالمستويات الثانيه

مو احنا

يلا راااااحه

[محمد الفرنسي]

اختي انثى مبروكه على التخصص

الجميل وشدي حيليك والله يوفقك

[أنثىْ لأ تنحنَيِ }`]

شكرا محمد الفرنسي

وان شاء الله اكيد بما اني حابته رح اشد حيلي وحيل حيلي كمان

[f &a]

بلـــــــــــــــــــيز
الفرنسي حلو ولا لا
له مستقبل ولا لا
خاطري فيـه
لإنهم ماقبلوني في الإنجلش
حطموووووووووني خاطري أتعلم شي جديد
ومبروووك ياأنثى عالتحويل قريت موضوعك