ان لمت قلبي عاقبتني محانيه / و ان قـلـت أبرضا عـز نفسي رقابـه

[عبدالله الAL-HARBIحربي]

ليت الورق يقرا وش اللي كتب فيه
و ليت القلم يدري وش اللي جرا به

ان كان ما تمسي فـ صدري مشاريه
ولا اتضايق لو تضيق الرحابــــه

صوتي اللي عجزت الناس توحيه
غريب يوم اصوات غيري تشابــه

البيت بيتك و المواري مـواريـه
لـكـن كـبـرت و لا كـبـر مـعــك بــابــه

و الناي لو نقض جروحك بـ أغانيه
جـروح غـيــرك نـقـضـــتـهـا ربــابـــه

ما هو يتيم ان كنت انا اللي مغنيه
و لا هـو فـقـير ان كان جرحي زهابه

و الغايب اللي يغري الشعر طاريه
مـا قــل قــدره لــو يطَــول غـيـابــه

كم لي و انا احث القصايد تخليه
حتـى تلاشـت رغـبـتـي في الكتابـه

و الشعر لو يفقد حروفه و اساميه
مـدري وش اللـي بعـدها ينبغابــه

احترت بين اعتب عليه و اراضيه
اخـــاف لا يـجـرح رضــــاه بـ عـتــابــه

أحيان أقول آبيـهـ , و أحيان ماآبيـهـ
الا ابــيـه و لـو يـــــبــي لـي عـذابــه

يـ اللي تجونه دامني مااقدر آجيه
وصــوا ذهـابه .. لا يـشح بــ ايـابـه

و قولوا له اني من كثر ماني أغليه
اشـرب ســرابـه و ارتوي من سرابه

و على كثر ماانسى اذا قلت ناسيه
دار الــزمان و جــاب عشقــه و جـابـه

حنيت لـ أيامه و ضحكت لياليه
قـبـلـه و بـعــده كــل وقـتــي رتـابـه

ان لمت قلبي عاقبتني محانيه
و ان قـلـت أبرضا عـز نفسي رقابـه

البارحه كنت اكسر الروح و انهيه ..
كان الـورق ارض و عيـــوني سحابـه

زرعت مااحبه ولا عاد لي فيه ..
و جنـيـت احـبــه لو يطـول غـيـابه

ان لم تخنني الذاكره انها للشاعر المبدع محمد الحويماني
اتمنى ان تنال اعجابكم

[سنفورة موت]

..يالله يالله يالله رووووعه قسما وربي

شاعر مبدع وربي ...
يسلموو ياخوووي ربي يسعدك على هالذوق الرفيع ...
شكرا من الاعمااق ....

[هبوب النــود]

البارحه كنت اكسر الروح و انهيه ..
كان الـورق ارض و عيـــوني سحابـه

زرعت مااحبه ولا عاد لي فيه ..
و جنـيـت احـبــه لو يطـول غـيـابه




اخي ( عبدالله الحربي ) ..


صح الله لسان شاعرها .. وتسلم على نقلها

قصيدة لها بصمتها وسلاستها وتعابيرها المميزه ..


توجد بعض الكسور البسيطه في بعض الابيات .. واتوقع من النقل وليس من شاعرها



آخي تقبل خالص شكري وتقديري