بنات مااستغنى عن رايكم في جدولي

[*ورده*]

السلام عليكم ورحمه الله وبركاته


كيفكم بنات...ان شاء الله يارب تكونو بخير

حآآآبه اخذ رايكم بجدولي
بس حطو باعتباركم اني ابغى اتخرج بسرعه ماابغى اتاخر ولا ترم
عشان كذا بتلاحظو انو ضغط

جدولي
اداره استراتجيه
اداره اعمال دوليه
ثقافه 3
نوع اجتماعي
تحليل كمي(الله يخارجنا)
نظم معلومات اداريه
التطوير التنظيمي(ياريت تدوني رايكم عن الماده سهله ولا صعبه)

ايش رايكم ابغى ارفع معدلي تتوقعو يمدي مع ذي المواد:(

[ملف علاقي]

بفيدك بثقافه 3 مرررررررررررررره سهله

ونوع اجتماعي مااخذته بس ان شاالله سهل وهي كلها ساعه ماتأثر بالمعدل ان شاالله

وتطوير تنظيمي اخذته مع فايزه دمنهوري بصرااااحه المنهج طوييييييييييييييييييييييييييل جددددا لازم وانتي تذاكري تلخصي المهم وتتركي الدش بس الاسئله حلوووه 100 فقره اختاري وصح وخطأ والاستاذه تعطي الدرجه اللي تستحقيها

[حبي لذاتي قمة أولوياتي ~]

المشاركة الأصلية كتبت بواسطة *ورده* السلام عليكم ورحمه الله وبركاته كيفكم بنات...ان شاء الله يارب تكونو بخير حآآآبه اخذ رايكم بجدولي بس حطو باعتباركم اني ابغى اتخرج بسرعه ماابغى اتاخر ولا ترم عشان كذا بتلاحظو انو ضغط جدولي اداره استراتجيه اداره اعمال دوليه ثقافه 3 نوع اجتماعي تحليل كمي(الله يخارجنا) نظم معلومات اداريه التطوير التنظيمي(ياريت تدوني رايكم عن الماده سهله ولا صعبه) ايش رايكم ابغى ارفع معدلي تتوقعو يمدي مع ذي المواد:(

انصحك تأجلي أستراتيجية لاخر ترم
وتحطي بدالها حرة أو أختياري يكون افضل
دولية مع هند
تحليل مع عفاف عايد
نظم مع ريم افضل شيء
نوع وثقافة يعتمد عليك
وبث

وترى جدولك متوازن من غير استراتيجية توكلي على الله وشدي همتك

ربي يوفقك يارب

[angel heart]

8
8
8
مافي ريم للاسف

تاخد نظم مع سحر هيا افضل شي دحين:)

[angham]

شوفي حبيبتي اداره اعمال دوليه لو خذتيها مع هند ما راح تتعدى درجتك ال70 والاستاذه غثيثه
بس نصيحه اذا تبغين ال95 وانتي مغمضه روحي مع خديجه ضبااااب الاسئله مستحيل تخرج عن اللي اشرت عليهمستحيل لا وتقلك كمان هذا يجي صح وخطا وفعلا يجي وتحذف مره ممتازه بس اسلوبها مسخرجيه درجه اوله ما عليك منها والنوع الاجتماعي انا باخذه مع ريم مشاط اسئلتها مره واضحه وزي ما قالت لك الاخت هيا ساعه ما تاثر

[*ورده*]

ملف علاقي
حبي لذاتي
انجل هارت



الله يسعدكم ويحقق لكم اللي ببالكم يارب

طيب يا حبي لو ااجلت الاداره الاستراتجيه حتاخر على كذا

لانها متطلب لبحث وتدريب ولا انا غلطانه؟؟؟

وليه قلت لي ااجلها هل هيا صعبه ولا طويله

ولو اجلتها الترم اللي بعدو عندي بحوث عمليات وموارد بشريه انقليزي اخذها معاها عادي
؟؟

[*ورده*]

angham

الله يسعدك يارب ايوا خديجه ضباب جربتها مرررره عسل وان شاء الله بضيفها عندها
وان شاء الله النوع اخذه مع ريم
ونظم يارب تعطيه وحده غير شيماء