الاخوان من الرياض ووقته فاضي ابغى خدمه

[ميرال عسيري]

السلام عليكم انا بصراحة ع وعد ان شاء الله بشراء يوكن من معرض بهجة الخليج الي بالنسيم وانا حاليا بتبوك ومقدر اروح لاني توي مسوي عملية ويبغالها اقل شي من اسبوعين الى 3 اسابيع ووعدت الرجال انا الي ابغاه من الي يخدمني يروح لمعرض بهجة الخليج ويفحصه لي ويعطيني هل ينفع او لا وانا بحول لك المبلغ حق الفحص عشان اجي بعد اسبوعين او 3 بدون ماافحص واتوكل ع الله علما ان الموتر موديل 2008 فل كامل الا الفتحه و الملاحه - سعودي - لون اسود داخليه بيج ماشي تقريبا 84 الف بس يبغى فيه 110 الاف ايش رايكم انا شفته عن طريق موقع حراج ويقول والله نظيف بعد ماتواصلت معه او مااستعجل وادور ع راحتي لاني لي لما رحت اختباراتي جده غاليه 2007 من 100 و2008 110 و115 وانت طالع والممشى كثير وامريكي
هذا الي ابغاه منكم وخاصة الي قريب من المعرض او تنصحوني وين اذا رحت للرياض باي مكان افحص هذا والله يوفق الجميع

[العتيني]

اخوي ميرال اولا الف الحمد لله ع سلامتك و الله ييسرلك البيعة يارب ويكتب لك اللي فيه خير

موفق

[جُحا]

أولاً سلامتك
ثانياً الموتر غالي
تصدف تلقى أحسن وأرخص حتى ولو بعد الصيفية باقي لها شهر وتخلص وتزين الاسعار
ثالثاً هذا الشي ما يصلح يسويه إلا انت على شان تطيب النفس
لذلك بعد ما تقوم من العملية بالسلامة وانت باقي صامل ازرق للرياض وخلص أمورك
رابعاً مع السلامة

[mohshehri]

حياك حبيبنا ميرال انا احب المعارض والYUKON xl والعادي القصير جدا جدا غاليه هذي الايام , انا انصحك تاخذ سعودي وابعد كل البعد عن الاستخدام الامريكي من وموديل 2009 او عشرة ورايح , انا شريت واحد من وكاله العيسى 145 الف yukon xl فضي بدون دبل وماشاء الله تمام ولا احط في امريكي 2007 110 الف حرام اكثر الامريكي لاعبين في عداداتها , افضل مكان فحص هو مركز البريدي في شارع المعارض في النسيم غالي شوي بس يعطيك بكل صدق عن مافي السيارة من صدوم او رشات

[خالد انجليش]

والله وانا اخوك نصيحة لوجه الله زد عليها 30 الف وتاخذ جديييد وبقراطيسة
وتعرف اللي فيه
وتقدر تاخذه وكاله من اللي ياخذه اقساط من الشركة ويبيعة مباشرة في نفس الصالة كاش
تحصل السعر ناقص اقل شيء 5000
وانت بنفسك تطلعه من الوكالة
بالتوفييق
------ملاحظة
نظرة الناس تختلف امكن اللي يعجبك وتشوفه نظيف غيرك يشوفه تعبان وقديم
فنظرتك هي الاساس وقدامك العافية وماتشوف شر