شكراً محمد جبريل .. الاختبار كان جميل...(:

[عنفوان طالب]

بسم الله الرحمن الرحيم

مساءكم مبتسم يا زملائي الأرستقراطيين ....

في الحقيقة الاختبار اليوم كان سهل و جميل لو ان فيه كم سؤال

يلخبط بس مجمل الاسئلة كانت واضحة و سهلة و جميلة و انيقة و فاتنة

انا قبل الأختبار كنت كاره ام المادة و كاره دكتورها و كاره

الطلاب اللي يدرسونها و اللي درسوها و اللي راح يدرسونها

مستقبلاً بس بعد الاختبار طلعت و انا سعيد و الأبتسامة خمسة

متر و النفسية جميلة لدرجة اني سلمت على السكيورتي اليماني

و قلت له انت انسان وسيم !!

لأني يوم طلعت من الأختبار صرت اشوف كل شيء قدامي جميل

يعني مكتب الخطوط اللي قدام مركز الاختبار كنت اشوفه قمة في

الجمال ، سيارتي يوم اقبلت عليها و انا امشي كنت اشوفها

بنتلي ، هايبر بنده كنت اشوفه دبي مول ، الصبات اللي في

الشارع كنت اشوفها مناظر جمالية خلابة .. بالأضافة الى

السعادة التي انتقلت من خلالي الى عائلتي.. امي يوم اتصلت

عليها و قلت لها ابشرك الأختبار كان جميل، اصدرت فوراً قرار

بأخراج الزعفران من الخزنة الى المطبخ لكي يتلذذ بشربه من

في المنزل وليس كما كان الحال سابقاً ، الزعفران ما نشوفه الا

اذا جونا ضيوف .. زوجتي يوم وصلت و قلت لها ابشرك حليت

زين لا شعوريا اخرجت ورقت المقاضي و مزقتها و قالت انت

اكبر مقاضي يا زوجي العزيز بالإضافة الى قررها القوي بعدم

ذهاب الزواج اللي يوم الخميس بعد القادم.. و وفرت حق

الفستان و المشغل و اضفتها الى ميزانية سفرتي اللي زوجتي ما

تدري عنها لين الحين ..

زملائي النبلاء:
لا اعلم كيف اصف لكم شعوري ولكن اتمنى اني وصلت ولو

الشيء القليل من شعوري بعد خروجي من هذا الاختبار اللطيف.


الدكاتره الكرام :
ما كُتب اعلاه لا يجسد شعوري انا فقط ، بل هو شعور اي طالب

يخرج من الاختبار و هو مجاوب زين لذلك حطوا اسألة لطيفة

و جميلة و فكونا من شغل اوريك فيهم ترا حنا ما سوينا لكم

شيء اصلا حنا نحبكم ، ولو ما نحبكم ليش نجي ندرس عندكم

كان قعدنا في بيوتنا و وفرنا درهمنا و جهدنا.. لكن حنا ندفع

دراهم و نتعب لأننا نحبكم و الا الشهادة ما حنا حريصين عليها

كثر ما حنى حريصين على محبتكم .

د.محمد جبريل عانقني ايها النبيل (l)

تحية اكاديمية للجميع و اعذروني على الاطالة .،،،

عمكم/ عنفوان طالب

[خالد بن فهد]

جعل الاختبارات كلها على هالحال.. دامك تفضفض بهالشكل..

الله يتمم لك على خير اخوي.. ويوفق جميع المنتسبين والمنتسبات

[Health]

هههههه
الله يسعدك يا شيخ
ان شاءالله كل الأسئلة تكون بهذا المستوى

دوم الفرحه يارب :)))))

[vip555]

عسى دوم مو يوم ربي مايحرم الجميع من الابتسامه ولايضيع لنا تعب

[Rooter]

فعلا كان الاختبار جميل ورائع

[فيصل آل الحارث]

هههههههههههههههههههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههه
ههههههههههههههههه
والله أني حـبـيـتـك
وابي أصير صديقك
عشان أتعلم منك كيف أعــبــر ..!!
لأني طول عمري فاشل في الـتـعـبـيـر

[الماسترو11]

ههههههههههههههه دوم ان شالله

[عنفوان طالب]

اشكركم جميعا يا زملائي الاكاديمين

بكره عندي اختبار محاسبة ادارية الله يستر ما بعد قريت ولا كلمه
و عندي احساس اني بكره بشوف الرياض كأنها قوانتنامو..
دعواتكم لعمكم بالنجاح و لكم جزيل الشكر

عنفوان طالب

[uw777]

هههههههههههههههههههههههههه
صادق والله الاختبار جميل جدآآآآآآآآآآآآ و الناحيه الثانيه لوصفك للمناظر الخلابه
ما اذكر الا اني سلمت الورقه و بعدين جزء كبير مفقود شوي انا في البيت (زهايمر مؤقت)
من الفرحه في الاختبار الرائع ما ركزت بشي
الله يوفقك يارب و يوفقنا معاك