أسئلة عن القبول في قسم اللغة الإنجليزية

[عوض عياد]

السلام عليكم ورحمة الله وبركاته
ياأخوان أنا أبغى أسجل في قسم الإنجليزي
بس انا دخلت سنة تحضيرية( قسم علمي)
ونجحت دا الصيف في جميع المواد ولله الحمد
السؤال هل يقبلوني في قسم الإنجليزي؟
واذا قبلوني فين أودي ملفي؟
ولا ايش الإجراءات اللازمة ؟
باالله الي عندو معلومات لا يبــــــــخل علينا
ويعطيكم ألـــــــــــــــف العافية

[amoshaya]

أمممم طيب كان في بين خيارات التسكين حقتك كلية الادب و العلوم الإنسانيه ؟؟؟

ادا كان في و اتقبلت فيها يعني تقدر بس ادا لأ للأسف بس جرب و اسأل احد من العماده لأنو انا سمعت انو لو احد جايب في اختبارات الإنجليش 90 و فوق يقبلوه في القسم

[تفآحة نيوتن}~]

الانجليزي في كلية الاداب

[عوض عياد]

حمدلله الدرجة فوق 90
اممممممم.... طيب أسأل مين رحت للعمادة والموظف حق كلية الاداب يقلي(ماأدري)
وكمان ماهي موجودة في التخصصات اللي عندي
عالعموم amoshaya مشكووورة وماقصرتي
و انتي ياتفاحة نيوتن ماني فاهم انتي اش تبي تقولي بالضبط لكن ادري انو الانجليزي في كلية الاداب
تقبلو تحياتي

[ام حمدان]

شوف يااخوي الي فهمته انك حاب تتخصص انجليزي وهذا التخصص معروف انه موجود بكلية الاداب
لكن انت مسجل من بداية السنه التحضيريه مسار علمي فعشان كذا مو حاطين لك كلية الاداب من ضمن الرغبات
فأنت المفروض من اول مدامك ناوي تدخل انجليزي تختار سنه تحضيريه مسار اداري انساني عشان تقدر تدخله
مثل ما طلاب الاداري الانساني مايقدرون يدخلون تخصصات المسار العلمي فأيضاً طلاب المسار العلمي مايقدرون يدخلون اي تخصص في مسار اداري انساني
اتمنى اكون افدتك بس عموماً روح بنفسك راجع كلية الاداب يمكن يكون جد جديد ويقبلونك
موفق إن شاء الله يااخوي

[عوض عياد]

أم حمدان
يعطيكي العافية على ردك وماشالله عليكي تفهمي أسرع من الموظف حق القسم
ولاتلوميني ترى انا ماادري انو الانجليزي سهل ولوو مستقبل
وحمدلله ترى الفرج قريب إن شاء الله انا رحت لوكيل عمادة التسجيل
وقلي مايمديك بس في طريقة انك تغير تخصصك اللي هو معهد سياحة وتدخل في أي كلية ثانية
وبعدها تدرس ترم وانا احولك على كلية الانجليزي وحمدلله حولت لكلية الارصاد
واللي عندو معلومات عن كلية الارصاد يقلي لو سمحتو
فاترقبووونا إن شاء الله الترم الجاي ودعواتكم وشكرررررا