لبست بنطلون في المعمل

[caramel candy]

السلام عليكم ورحمة الله وبركاته

هااااااي بنات ......... كيفكم

بنات عندي سؤال بنات التخصصات العلميه زي الاحياء والكيمياء الحيويه بالذات

ليش مانلبس بنطلون في المعمل.......... والله انا مره اضايق في المعمل بالتنوره

ومره لبست بنطلون محد قلي شي وارتحت مره ......... وقررت البس عى طول

وبعدين نظام الجامعه كدا واحنا جامعه

ابغا اعرف مين مأيدني بالموضوع ........ الي مأيده ترفع يدهها خخخخخ

تقولي عشان اشوف ...... ولله انا عن نفسي حلبس بنات احنا مو اقل من البنات التانين

حتى الاقتصاد المنزلي تربيه يلبسو بنطلون في المعمل .... ليش ايش معنا

يلا ابغا ردودكم

مع لسلامه

[bntjnan]

وانا كمان معاكي من جد هباله معامل وتنورة مرة زحمة
بنطلون اريح

انا ماعمري جربت بس كتير اشوف حقون الامن يمسكوو البنات الي يلبسوو بنطلون
والبنات يقولون انه احنا عندنا معامل وعادي وبرضوووو رافضين مايدخلوو البنات

عشان كدا اخدتها من الاخير قلت لما ينزلو قرار صاحي انه كدا وخلااااص

يسير اخذ رحتي

[joudy Abbout]

غرييبه انا دايما اشوف بنات المعمل بالبناطيل

لسش مايرضوا

وكمان شفت بعضهم لابسينه من غير بالطوا المعمل

ومحد كلمهم جات ع المحترمين الي لابسينه تحت البالطو

عقوووول

البسي تحت العبايه محد شاايفك

[caramel candy]

والله من جد ......... خلاص انا حلبس والله انا لمن لبست محد كلمني

حت صاحباتي ........ بس مره صحبتي مسكوها الامن عشان ماشيا بي كدا بدون عبايه بس بالبالطو في الكليه
هم يرضو بس في المعمل ...... لكن خارج المعمل لا ......

[morиiиg]

انا كمان قد لبست كم مرا بنطلون في معمل ومحد قلي ممنوع ..بس لمن شفتهم عند الباب يكفشو البنات بطلت
هوا احسن شي نكلم عميد الكليه يمكن هوا مسموح زي الكليات التانيا بس حقون الامن الي عند الباب محد معطيهم خبر..عشان كدا مشددين وماشين على النظام القديم :( :( :(

[hanone]

كل البنات اللي معانا يلبسوا بنطلون في المعمل بس لازم يكون البالطو طويل

[طموحهـ ولكنـ]

البسوا اذا سمحوا لكم ولاتوهقوا نفسكم للمشاكل لأن بعض الاحيان حقين الامن يفتشون تحت العباية قبل ماتدخلي الكلية لان بعض البنات يلبسوا تنانير قصيرة . والأمن مجبرين يطبقوا النظام بحذافيرة . أنتم كلموا وكيل او عميد الكلية عشان يسمح لكم وفي هذا الوقت محد يقدر يمنعكم .

بالتووووفيق لكم ..

[caramel candy]

انا صحبتي اتصلت على المشاط ..... قالها اجباري لبس البنطلون في المعمل عشان لا تصير حوادث ومشاكل في المعمل :(

بس هم ليش يعملو كدا ... لازم نكلم احد مره ماينفع كدا وخصوصا انو بنات التغذيه يلبسو عادي :(

[sosooo2]

من جدكم فاتحين موضوع طول وعرض عشان تتناقشوا على لبس بنطلون
المفروض هذا الموقع تناقش فيه قضايا اكبر من كذا قضايا جامعين يليق بهم هذا المسمى ويعكس اهتمامتهم وليس ما همهم سوى سفاسف الامور
ويااختي الي فاتحه الموضوع لاتنسي ان من سن سنه حسنه فله اجرها واجر من عمل بعده الى يوم تلقيامه ومن سن سنت سيىه فله وزرها و وزر من عمل بعده الى يوم القيامت
حبيت انصح لان النصح بين المسلمي لابد منه
ولا تنسوا ان نهضت الامن بعقولها لا بشكلها وبالالتزام بالدين الحنيف

[روح طفولية]

انا ف الجآمعه والبنآآت اللي لآبسسين لآب كوت يكونوآ ب البنطلونآآت

غريبه انتم