ارجو من الجميع المشاركه

[عاشق الفهد]

بسم الله الرحمن الرحيم
والصلاة والسلام على اشرف الانبياء والمرسلين سيدنا محمد صللى الله عليه وسلم
انا احد الطلاب المنتسبين وهذا اول ترم لي في الجامعه واجتزته بنجاح والحمدالله وارغب في التسجيل في تخصص اللغه الانجليزيه واتمنى من الاخوه من لديه الخبره او اي فكره او من سبقنا بهذا التخصص ان يفيدنا وذلك في عدة نقاط
اولها ن مواد القسم هل هي صعبه او هناك بعض المواد التي يجب التركيز عليها
ثانيا من هم افضل دكاتره في هذا القسم
ثالثا كم مدة الدراسه في القسم هناك ناس يقولن خمس سنوات وناس تقول على حسب ممكن تخلصها في اربع سنوات اذا كنت ماشي صح
وارجو التنبيه ان مجال عملي يتطلب اللغه الانجليزيه يعني عندي لغه لاباس بها والدال على الخير كفاعله

اخوكم عاشق الفهد

[alhamdan]

ياليت اقدر اخدمك لكن ما عندي علم بالموضوع
وان شاءالله الاخوان ما يقصرون معك

[NooDy]

مرحبا عاشق.
أنا تخصصي english literature مستوى رابع. والحمدلله مبسوطة , بس ماأعرف اذا انتوا الشبابزينا او لأ. أتأكد واذا زينا انا مستعدة اقولك عنه اكتروأرسلك الplanعشان تشوفها بنفسك.
و لوانته تحب الانجليزي وتحب الادب حتمشي فيه, ولايهمك الي يقولولك صعب.. اهم شى تذاكرفيه.
صح بكيت وانابذاكر مادة :) , بس مرة حلو وليه مستقبل..
استخير والله يوفقك.

[cs101]

أخوي عاشق الفهد


كل شي يهون بالجد والاجتهاد .

وأول الطريق خطوة أهم شيء يكون عندك عزم .


والله يوفقك .



المحب لكم على طوووووول


CS

[bent mankoosha]

انا برضه مع نودي في الانجليزي
هو حلو زي ما قالت نودي اذا انت تحب الشعر والأدب و التاريخ و الشعر والنثر
المواد الصعبة يمكن ال phonetics اللي بناخده دحين في المستوى الرابع ( ماشيين عالخطة ) المادة معقدة نوعا ما بس إن شاء الله لو شديت حيلك حتمشي
المواد الباقية اللي مرت علينا مرة حلوة وماشي حالها جدا بس اللي ما جربناه ما اعرف والله
ما ادري اذا عندكم انتوا الأولاد قسم ترجمة لأنه احنا بس ادب
واللغة التانية بنبدأ ناخد كورسها في التيرم الخامس والسادس عندنا احنا البنات فرنسي
انتم عندكم كذا خيار على ما اعتقد بجانب الانجليزي طبعا
غير كدا لو كان قسمك بس أدب انجليزي زينا فانت اصلا لازم يكون عندك لغة وممتاز ماشالله انك قلت انه عندك لأنه القسم ما راح تكتسب منه لغة الا قليلة جدا والباقي يعتمد على خلفيتك انت

القسم ممتع اذا انت حابه ومش صعب قد ما انه مضغوط جدا جدا جدا
في الخطة القسم اربع سنين بس الحقيقة انه اربعة ونص لأنهم معجزينك يبغوك اخر تلات اترام تاخد 22 او 21 ساعة بتكون من اصعب المواد

واللي عرفته انك لسة ما اتخصصت يعني بتاخد سنة عامة ودا بيزيد عليك الأربعة سنين لخمسة
لأنه احنا اتخصصنا من اول تيرم والمواد العامة بتتوزع على الأربع سنين
بس بيخف الضغط عليك
الله يوفقك ومعليش لو طولت
سلام

[عاشق الفهد]

الف شكر للجميع على ماقدمو
ودي اسل نودي او بنت منكوشه هل عندكم ملخصات عن الصوتيات او عن مسرحيات شكسبير مشروحه ومترجمه ومعليش اتعبتكم معاى

[bent mankoosha]

أول شي لا شكر على واجب
وبعدين والله ملخصات صوتيات ما اتوقع لأننا دحين بناخد المادة يعني لسة ما خلصناها
بس إن شاء الله ادور واسأل لك من بنات السنين اللي فاتت
ومسرحيات شكسبير ما اخدنا لسة
وانت نزل الموضوع على منتدى كلية الآداب
في عضو اتوقع اسمه كوكو هو يدرس انجليزي يمكن يقدر يفيدك

وبالتوفيق

[wizard]

الله يوفقك انشاءالله والانجليزي مررررررره متعه ويفتح لك مجالات كتير يمكن تلاقي صعوبة في مادة او اتنين بس والله تهون اذا كنت حاب اللغة