التحويل بين الكليات الطبية

[امار]

السلام عليكم و رحمة الله و بركاته

انا طالبة مختبرات سنة ثانية ارغب في التحويل لكلية الطب البشري .. المفروض ان التحويل عبر الاودس يفتح من خلال اسبوعين لكن للاسف ما فتح الى الان

راجعت الشؤون في كلية الطب وحاولت مسجلة الطالبات يعطيها العافية انها تفتحه من عندها لكن دون جدوى ... طلبت منها اني اكتب تحويل ورقي حتى لو مؤقت لكن رفضت
ياريت تفيدوني بالحل لأني جدا محتاجة

[Dr.Sarro]

عزيزتي التحويل في الاودس فقطط وهوا يفتح للكليات الطبية بين فترة وفترة !
يعني اقعدي بين كل فترة والثانية افتحي الين تلاقيه موجود
انا كدا سويت والحمدلله لقيت الخانة مفتوحة ليا في اول يوم الصبح وبعدها ققفل، وبعدها باسبوع في المسا فتح مرة ثانية وزي كدا فانتي اقعدي عليه كل شوية شيكي وان شالله ربنا يوفقك

[امار]

والله يا اختي اني فتحت من عدة اجهزة في عدة اوقات ومن اكثر من متصفح .. حتى اجهزة الجامعة جربتها .. طلعت عيوني و انا احاول ... كل شي في الاودس ماشي معايا تمام .. زي التسجيل للصيفي مثلا ماشي احسن ما يكون و درجاتي اقدر اشوفها عادي .. بس الشي الوحيد اللي مو راضي يفتح هو التحويل .. طيب ياريت تقوليلي الطريقة اذا ممكن
انتظرك
وشكرا جزيلا

[Dr.ReRo]

اختي ادخلي على الطالب =>خيارات التسكين والتخصيص والتحويل=>الفصل الدراسي الثاني 2013=>تنفيذ => بعدين اضغطي على تحويل الطالبات من الكليات الطبية
وحتطلعلك الرغبات رتيبيها واختاري تنفيذ
ربييي يووفقك ان شاءالله وتحولي للطب ياارب
وادعيلي معااكي انو اتحول للي في بالي